ئەل ڕیحلە ئەدیداس

ئەل ڕیحلە ئەدیداس ئەو تۆپەیە كە بۆ یاری تۆپی پێ دروستكراوە و تۆپی فەرمی جامی جیھانیی فیفای ٢٠٢٢ ی قەتەرە كە لەلایەن كۆمپانیای ئەدیداسی ئەڵمانیەوە دروستكراوە.

Al Rihla
ئەل ڕیحلە

وێنەیەک لە تۆپی ئەل ڕیحلە
جۆر	تۆپی تۆپی پێ
دروستکەر	ئەدیداس
دەستپێک	بەهاری ٢٠٢٢
بەرھەمھێنەر	ئەدیداس

ئەل ڕیحلە بە تۆپی زیرەک دەناسرێتەوە بەهۆی بوونی سیستەمی هەستەوەری زیرەک تیایدا کە زانیاری ووردی جوڵەی تۆپەکە دەدات بە سیستەمی ڤیدیۆی یارمەتیدەری ناوبژیوان VAR.

ئەم تۆپە بە یەکەم تۆپی فیفا دادەنرێت کە لە دروستکردنیدا کەلوپەلی دۆستی ژینگەی تێدا بەکارهێنراوە.

ناو

ناوی ئەم تۆپە ئەل ریحلە بە زمانی عەرەبیە، کە بە مانای "گەشتەکە" دێت لە زمانی کوردی و بە مانای "The Journey" دێت لە زمانی ئینگلیزی. کە ئەم ناوەش لای کەلتووری ئەدەبیاتی عەرەبی چەند مانایەکی تایبەتی هەیە بە نموونە گەشت کردن بۆ گەڕان بەدوای زانست ، گەشت کردن بەرەو ماڵی خوا (حەج)، کتێبی بەناوبانگی الرحلة ی ئیبت بەتووتە.

تەكنیك

ئەم تۆپە پێش هەموو یاریەك پێویستی بە بارگاویکردن هەیە بەهۆی بوونی چەند هەستەوەرێکی وورد تێیدا IMU Sensor كە لە توانایدایە لە چرکەیەک ٥٠٠ سیگناڵ بنێرێت بۆ هەموو کامێراکانی ناو یاریگا و سیستەمی ڤیدیۆی یارمەتیدەری ناوبژیوان.

تەکنەلۆژیای ئەم تۆپە لەلایەن فیفا و کەنیکسۆن ەوە پەرەی پێدراوە لە شاری میونشن.

ئەل حیلم

تۆپی ئەل حیلم ئەدیداس لە ١١ی کانوونی دووەمی ٢٠٢٢ ڕاگەیەندرا بۆ یاریەکانی قۆناغی پێش کۆتایی و کۆتایی. ئەل حیلم بە واتای "خەونەکە" دێت لە زمانی کوردی و بە واتای "The Dream" دێت لە زمانی ئینگلیزی کە ئاماژەیە بۆ خەونی هەموو نەتەوەیەک بۆ بەرزکردنەوە جامی جیهانی فیفا. ئەل حیلم جۆرێکی تری تۆپی ئەل ڕیحلەیە کە هەمانی تەکنیکی ئەل ڕیحلەی تێدابەکارهاتووە ئەوە نەبێت ڕووکەشەکەی گۆڕدراوە بەشێوەیەک ئاماژە دەکات بە ئاڵای ووڵاتی قەتەر و ئەو ووڵاتانەی میوانداری یاریەکانی ئەو دوو قۆناغە دەکەن لەگەڵ ئەوەش هێڵێکی زێڕینی تێدایە وەک ئاماژەیەک بۆ جامە ئاڵتونیەکەی فیفا. ئەل حیلم بە پێنجەمین تۆپی تایبەت دادەنرێت تایبەت بە یارییەکانی کۆتایی.

تایبەتمەندی

ئەل ریحلە بەوە لە هەموو تۆپەکانی جامی جیهانی پێشووتر جیادەکرێتەوە کە لە دروستکررنیدا رەنگ و چەسپی ئاوی بەکارهێنراوە بۆ پاراستنی ژینگە، خێراتر دەفڕێت لە کاتی هەڵدانیدا لە چاو هەموو تۆپەکانی پێش خۆی لە مێژوودا، لە ٢٠ پارچەی دەرەکی درووست کراوە کە ٨ یان پێك هاتوون لە سێگۆشەی یەکسانی پچووک پچووک و ١٢ دانەشیان لە سێگۆشەی گەورە، بەرگی ئەم تۆپە لە چەرمی پۆلی یوریسین درووستکراو کە وا لە تۆپەکە دەکات بەردەوامیەکی زیاتری هەبێت بە ووردی لە کاتی فڕیندا.

ئەم تۆپە لەلایەن ئەدیداسەوە چەندین تاقیکردنەوە و لێکۆڵینەوەی بۆکراوە بۆیە بە ووردترین و باوەڕپێکراوترین و خێراترین تۆپ دادەنرێت لەچاو هەموو تۆپەکانی پێش خۆی کە بەکار‌هێنراون لە جامی جیهانیدا.

ئەل ریحلە لە دەستی گۆڵ پارێزێکی ئەڵمانی

ئەل ریحلە بە شێوازێك ڕووکەش کراوە کە گوزارشت لە کەلتوور و تەلارسازی و ئاڵای وڵاتی قەتەر دەکات.

بەرهەم‌ هێنان

کۆمپانیای ئەدیداس ئەل ریحلە لە ووڵاتانی چین و پاکستان بەرهەم دەهێنێت .

سەرچاوە

https://en.wikipedia.org/wiki/Adidas_Al_Rihla

https://en.wikipedia.org/wiki/Rihla