ئیھاب شەریف
ئیھاب سەلاحەدین ئەحمەد شەریف (١٩٥٤ – ٣-٦ی تەممووزی ٢٠٠٥) باڵیۆزی میسر بووە لە عێراق تا ئەو کاتەی ڕفێنەرەکانی لە تەممووزی ٢٠٠٥ کوشتیان، پێشتر لە کاروباری باڵیۆزخانەی میسر لە ئیسرائیل کاری کردووە. جێگای سەرنجە لە دوای ڕووخانی ڕژێمی سەددام حوسێن، یەکەم باڵیۆزی وڵاتێکی عەرەبی بووە لە بەغدا.
| ئیھاب شەریف | |
|---|---|
| بە عەرەبی: إيهاب الشريف | |
| لەدایکبوون | ١ی کانوونی دووەمی ١٩٥٤ |
| مردن | ١ی کانوونی دووەمی ٢٠٠٥ (٥١ ساڵ ژیاوە) |
| زمانەکانی ئاخاوتن | زمانی عەرەبی |
| پیشە | دیپلۆمات، سیاسەتوان |
| ڕاوێژکاری دکتۆرا | دۆمینیک شیڤالیێر |
ڕفاندن
دەستکاریئیھاب لە ڕۆژی شەممە ٣ی تەمووزی ٢٠٠٥ کاتێک لە ئۆتۆمبێلەکەی دابەزی بۆ کڕینی ڕۆژنامەیەک ڕفێندرا.
لە ٦ی تەممووزی ٢٠٠٥ گرووپی قاعیدە لە عێراق بە سەرۆکایەتی ئەبوو موسعەب زەرقاوی لە ماڵپەری خۆیان بەیاننامەیەکیان بڵاوکردەوە و تیایدا ڕایان گەیاند کە ئیھاب شەریفیان کوشتووە، لە پەیامەکەدا ئاماژەی بەوە کردووە کە ئیھاب شەریف کاری دیپلۆماتکاری دەکرد لە ئیسرائیل. لە بەیاننامەکەدا تۆمارێکی ڤیدیۆیی لەخۆگرتبوو کە تیایدا ئیھاب شەریف بە چاوبەستراوەیی دەردەکەوێت و باسی ناسنامە و شوێنی نیشتەجێبوونی دەکات لە میسر.
ھەروەھا لە ڕاگەیەندراوەکەدا ھاتووە: «دادگای شەرعی قاعیدە لە عێراق بڕیاریدا باڵیۆزی میسری لادەر کە ھاوپەیمانی جوولەکەکان و خاچھەڵگران بوو، ڕادەستی موجاھیدەکان بکات بۆ ئەوەی سزای لادەرایەتی جێبەجێ بکەن و بیکوژن».[١]
