یارییەکانی ئۆڵۆمپیادی زستانە
یارییەکانی ئۆڵۆمپیادی زستانە بە ئینگلیزی: Winter Olympic Games) پێشبڕکێیەکی نێودەوڵەتی وەرزشییە، کە چوار ساڵ جارێک بەڕێوەدەچێت، بۆ ئەو یارییانەی لەسەر سەھۆڵ و بەفر ئەنجامدەدرێت. یەکەم ئۆڵۆمپیادی زستانە، ساڵی ١٩٢٤ لە شاری شامۆنیکس لە فەرەنسا بەبەشداری ١٦ وڵات بەڕێوەچووە. یارییەکانی زستانە لە ساڵی ١٩٢٤ تا ١٩٣٦ ھەر چوار ساڵ جارێک بەڕێوە دەچوو، لە ساڵانی ١٩٤٠ و ١٩٤٤ بەھۆی جەنگی جیھانی دووەمەوە ھەڵوەشێنرانەوە و لە ساڵی ١٩٤٨ دەستی پێکردەوە، تا ساڵی ١٩٩٢ ئۆڵۆمپیادی زستانە و ئۆڵۆمپیادی ھاوینە لە ھەمان ساڵدا ئەنجام دەدرا، دواتر ساڵی ١٩٨٦ بڕیاردرا کە یارییەکان بخرێنە چوار ساڵی جیاواز. ئۆڵۆمپیادی زستانەی داھاتوو دوای ئۆڵۆمپیادی ھاوینەی ١٩٩٢ لە ساڵی ١٩٩٤ بەڕێوەچوو، بەجیاوازی دووساڵ لە نێوانیان.
| یارییەکانی ئۆڵۆمپیادی زستانە | |
|---|---|
 | |
| لقی | یارییەکانی ئۆڵمپیک |
| دامەزران | ١ی کانوونی دووەمی ١٩٢٤ |
| وەرزش | winter sport |
| Season starts | شوبات |
| ڕێکخەر | لیژنەی ئۆڵۆمپیادی نێودەوڵەتی |
| بەستەری وەسفکراو | https://www.sports-reference.com/olympics/winter/ |
| Season ends | شوبات |
| بەرامبەر | یارییەکانی ئۆڵۆمپیادی ھاوینە |
وڵاتانی خانەخوێ
دەستکارییارییەکانی ئەم پاڵاوانییەتییە لەلایەن ١٢ وڵات لە سێ کیشوەری جیاواز میوانداری کراوە، چوار جار لە ئەمریکا (١٩٣٢، ١٩٦٠، ١٩٨٠ و ٢٠٠٢)، سێ جار لە فەرەنسا (١٩٢٤، ١٩٦٨ و ١٩٩٢)، یەکی دووجاریش لە نەمسا (١٩٦٤ و ١٩٧٦)، کەنەدا (١٩٨٨ و ٢٠١٠)، ژاپۆن (١٩٧٢ و ١٩٩٨) و ئیتاڵیا (١٩٥٦ و ٢٠٠٦)، نەرویژ (١٩٥٢ و ١٩٩٤)، سویس (١٩٢٨ و ١٩٤٨). ھەروەھا یەکجاریش، لە ئەڵمانیا (١٩٣٦)، یووگۆسلاڤیا (١٩٨٤)، ڕووسیا (٢٠١٤) و کۆریای باشوور (٢٠١٨). لێژنەی ئۆڵۆمپیادی نێودەوڵەتی، شاری پەکینی ھەڵبژارد بۆ میوانداریکردنی ئۆڵۆمپیادی ٢٠٢٢[١]و شارەکانی میلان و کۆرتینای ئیتاڵیا بۆ میوانداریکردنی ئۆڵۆمپیادی زستانەی ٢٠٢٦.[٢][٣]
تا ئێستا دوازدە وڵات لە ھەموو ئۆڵۆمپیادێکی زستانەدا بەشدارییان کردووە؛ نەمسا، کەنەدا، فینلاند، فەرەنسا، بەریتانیا، مەجارستان، ئیتاڵیا، نەرویژ، پۆڵەندا، سوێد، سویس و ئەمریکا. شەش لەو وڵاتانە لە ھەر ئۆڵۆمپیادێکی زستانەدا مەدالیای بەدەستھێناوە؛ نەمسا، کەنەدا، فینلاند، نەرویژ، سوێد و ئەمریکا. ئەمریکا تاکە وڵاتە کە لە ھەموو ئۆڵۆمپیادێکی زستانەدا مەدالیای زێڕ بەدەستھێناوە. وەرزشوانانی نەرویژ لە پێشەنگی ڕیزبەندی مەدالیاکانی ئۆڵۆمپیادی زستانەن و نۆجار پلەی یەکەمیان بەدەستھێناوە.[٤]
سەرچاوەکان
دەستکاری- ^ «Beijing Winter Olympics 2022: Latest news, videos and results». CNN. لە ١٣ی ئابی ٢٠٢٢ ھێنراوە.
- ^ «Winter Olympic Games Host Cities». www.topendsports.com. لە ١٣ی ئابی ٢٠٢٢ ھێنراوە.
- ^ «Milano Cortina 2026: Olympic and Paralympic Winter Games». Milano Cortina 2026 (بە ئینگلیزی). لە ڕەسەنەکە لە ١٧ی ئابی ٢٠٢٢ ئەرشیڤ کراوە. لە ١٣ی ئابی ٢٠٢٢ ھێنراوە.
- ^ «Olympic Games - History of the Olympic Winter Games | Britannica». www.britannica.com (بە ئینگلیزی). لە ١٣ی ئابی ٢٠٢٢ ھێنراوە.
| کۆمنزی ویکیمیدیا، میدیای پەیوەندیدار بە یارییەکانی ئۆڵۆمپیادی زستانە تێدایە. |