کێڤن ھارت

کێڤن دارنێڵ ھارت (بە ئینگلیزی: Kevin Hart) (لەدایکبووی ٦ی تەممووزی ١٩٧٩؛ لە فیلادێلفیا) ئەکتەرێکی و کۆمیدیانی ستەنداپی ئەمریکییە، ناسراوە بەھۆی ڕۆڵە جیاکانی لە فیلمە کۆمێدییەکان. ھارت سەرەتای ژیانی پیشەگەری بە بردنەوەی ھەندێ خەڵاتی شانۆیی تایبەت بە کۆمێدیا دەست پێکرد لە ویلایەتی پێنسیلڤانیا. لە ساڵی ٢٠٠٢ بەشدار بوو لە فیلمی (Paper Soldiers) و ھەروەھا لە فیلمی (Scary Movie 3)، و فیلمی (Soul Plane) لە ٢٠٠٤، و فیلمی (Little Fockers) لە ٢٠١٠.

کێڤن ھارت Kevin Hart
لەدایکبوون	٦ی تەممووزی ١٩٧٩ فیلادێلفیا، پێنسیلڤانیا، ئەمریکا
پیشە	ئەکتەر، نووسەر، گۆرانیبێژ
چالاکبوون	١٩٩٩ - ئێستا

کارە کۆمێدییەکانی ھارت بەوە گەیشت کە بتوانێ یەکەم ئەلبوومی تایبەت بە خۆی بڵاوبکاتەوە بەناوی (I'm a Grown Little Man) لە ساڵی ٢٠٠٨. ھاڕت لە ٢٠١٣ لە فیلمی (Grudge Match)یشدا دەرکەوت لە پاڵ ئەکتەران ڕۆبێرت دی نیرۆ و سلڤستەر ستالۆن. بەرھەمێکی تری ھارت لە ساڵی ٢٠١٥ بریتی بوو لە فیلمی (Get Hard) کە لە پاڵ ئەکتەر ویل فێرێلدا بوو، جگە لەمانەش لەپاڵ ئەکتەری بەناوبانگ ئایس کیوب بەشداری کرد لە بەشی یەکەمی (Ride Along) و بەشداری لە بەشەی دووەمی فیلمەکەش دەکات کە وابڕیارە لە ساڵی ٢٠١٦ دەرچێت.

سەرچاوەکان

• بەشداربووانی ویکیپیدیا، «Kevin Hart»، ویکیپیدیای ئینگلیزی. سەردان لە ٢٠ی ئازاری ٢٠٢٤.