کۆمەڵکوژیی شەنگال
کۆمەڵکوژیی شەنگال کۆمەڵکوژییەکە لە مانگی ئابدا لەلایەن داعش دژی کەمینەی ئێزیدی لە عێراق لە پارێزگای نەینەوا لە شاری شەنگال و دەوروبەری ئەنجامدرا، ھەندێک خەمڵاندن بۆ قوربانیانی کۆمەڵکوژییەکە گەیشتە نزیکەی ٢٠٠٠–٥٠٠٠ کەس، ڕێکخراوەکە بەم کۆمەڵکوژییە ڕازی نەبوو، بۆیە کچانی ئێزیدی وەک کۆیلە لە بازاڕەکانی مووسڵ و ڕەققە و ناوچەکانی دیکە کە لەلایەن ڕێکخراوەکەوە کۆنتڕۆڵکرابوون فرۆشران. ئەم کۆمەڵکوژییە لەدوای کشانەوەی ھێزەکانی پێشمەرگە بوو لە شارەکانی شەنگال و دەوروبەری لەگەڵ فراوانبوونی ڕێکخراوەکە بۆ ناو ھەرێمی کوردستان، دواتر دانیشتووانی شارەکە ھەڵھاتن بۆ چیای شەنگال بۆ ئەوەی خۆیان بپارێزن، چەند ھەفتەیەک لەوێ مانەوە، و زۆرێکیان بەھۆی برسێتی و نەخۆشییەوە گیانی لەدەستدا تا ھێزەکانی یەپەگە و پەکەکە و پێشمەرگە بە پاڵپشتی نێونەتەوەیی ھاوپەیمانی نێونەتەوەیی باقی ئێزیدییەکانیان لەسەر چیای شەنگال ڕزگار کرد و گواستیانەوە بۆ ناوچە ئارامەکان. بە وتەی نووری عەبدولڕەحمان، بەرپرسی بەشی ھەماھەنگی و بەدواداچوون لە حکوومەتی ھەرێمی کوردستان، ڕێکخراوەکە ویستوویەتی گۆڕانکاری لە دیمۆگرافیای ناوچەکەدا بکات و زۆربەی کوردەکان لە ناوچە ستراتیژییەکان دوور بخاتەوە و عەرەبە گوێڕایەڵەکانی داعش بھێنرێت.[١][٢][٣][٤]
| کۆمەڵکوژیی شەنگال | |
|---|---|
 | |
| بەشێکە لە | شەڕ لە عێراق، کۆمەڵکوژیی ئێزدییەکان لەلایەن داعش |
| وڵات | عێراق |
| جێ | شنگال |
| پۆتانی شوێن | ٣٦°٢٢′٠″N ٤١°٤٣′١٩″E |
| کاتی ڕوودان | ٣١ی تەممووزی ٢٠١٤ |
| تاوانبار | دەوڵەتی ئیسلامی |
 | |
سەرچاوەکان
دەستکاری- ^ https://web.archive.org/web/20140807191105/http://www.cnn.com/2014/08/07/world/meast/stopping-isis
- ^ https://web.archive.org/web/20171127040132/http://www.telegraph.co.uk/news/worldnews/islamic-state/11160906/Isil-carried-out-massacres-and-mass-sexual-enslavement-of-Yazidis-UN-confirms.html
- ^ https://web.archive.org/web/20160531052121/http://www.radiosawa.com/content/iraq-isis-peshmerga-kurds--/254573.html
- ^ https://web.archive.org/web/20171019105304/http://rudaw.net/mobile/english/interview/29122014
