ڕۆژژمێری ئیسلامی

(ڕەوانەکراوە لە ڕۆژژمێری کۆچییەوە)

ڕۆژژمێری ئیسلامی یان ڕۆژژمێری کۆچی ڕۆژژمێرێکە موسڵمانان بە کاری دەھێنن و دابەش دەبێت بۆ کۆچی ھەیڤی (قەمەری) و کۆچی ھەتاوی (شەمسی).

ڕۆژژمێری کۆچی یان ئیسلامی دەست پێدەکات بە کۆچی پێغەمبەری ئیسلام محەمەد لە مەککەوە بۆ مەدینە. و کۆچەکەی دەست پێکرد لە ڕۆژی پێنج شەممە ٢٦ی سەفەری ساڵی ١ی کۆچی مانگی بەرامبەر؛

  • ٢٠ی سونبلە (شەھریور) ساڵی ١ی کۆچی ھەتاوی
  • ١٢ی ئەیلولی ٦٢٢ زایینی.

و گەیشتە قەبا لە نزیک مەدینە لە دووشەممە ٨ی ڕەبیعولئەوەل و گەیشتە مەدینە لە ١٢ی ڕەبیعولئەوەلی ھەمان ساڵدا، لەبەر ئەمە بە ڕؤژژمێری کۆچی ناونراوە.

ڕۆژژمێری کۆچی ھەیڤیدەستکاری

  وتاری سەرەکیڕۆژژمێری کۆچیی

ڕۆژژمێری کۆچی ھەیڤی پشت ئەبە ستێت بە خولی مانگ بۆ دیاریکردنی مانگەکان، و موسڵمانان لە ھەموو شوێنێک بە کاری دەھێنن بەتایبەت بۆ دیاریکردنی بۆنە ئاینییەکان، و شانشینی سعودیەی عەرەبی تاکە دەوڵەتە لە جیھاندا کە ئەو رۆژژمێرە بەکار دەھێنێت.

ئەم ڕۆژژمێرە لەلایەن خەلیفە عومەری کوڕی خەتابەوە دانراوە و یەکەم ڕۆژی ئەم ڕۆژژمێرە ھەینی ١ی موحەڕەمی ساڵی ١ی کۆچی مانگی بوو بەرامبەر؛

  • ٢٧ی تیری ساڵی ١ی کۆچی ھەتاوی
  • ١٩ی تەمموزی ٦٢٢ی زایینی

ڕۆژژمێری کۆچی ھەتاویدەستکاری

  وتاری سەرەکیکۆچیی ھەتاوی

ڕۆژژمێری کۆچی ھەتاوی ڕۆژژمێرێکی ھەتاوییە (پەیوەندی ھەیە بە خولی ھەتاو (خۆر) ەوە)، موسڵمانان بەکاری ئەھێنن بۆ دیاریکردنی کاتە شەرعیەکانی پەیوەندییان بە ھەتاو و ڕۆژە ھەتاوییەکانەوە ھەیە، و لە ئێستادا دوو دەوڵەت بەکاری دەھێنن، ئەوانیش؛ کۆماری ئیسلامی ئێران و ئەفغانستانن.

یەکەم ڕۆژی ئەم ڕۆژژمێرە ١ی فروردینی ساڵی ١ی کۆچی ھەتاوییە، بەرامبەر؛

  • ٢٩ی شەعبان ساڵی ١ی پێش کۆچ
  • ٢٢ی ئازاری ٦٢٢ی زایینی

یەکەم ساڵی ئەم ڕۆژژمێرە ساڵی کۆچی پێغەمبەرە لە مەککەوە بۆ مەدینە.

ئەم بابەتانەش ببینەدەستکاری

سەرچاوەکاندەستکاری