چیرۆک

چیرۆک (لە «چێڕ»ی کورمانجییەوە بە واتای قسە) مەتەڵ، دەستان، داستان، ڕاز، پارچا، پاچا، واوێژ یان گێڕانەوەی ڕووداوگەلی لێکگرێدراوی خەیاڵی یان ڕاستەقینەیە بە شێوەی پاشیەکییەک لە وشەگەلی نووسراو یا وێژراو، یا وێنەگەلی بزۆز یا بێجووڵە، یا تێکەڵێک لەم دووانە.

بۆ ڕێکخستنی جۆرەکانی چیرۆک ژمارەیەک پۆلی تێماتیک یا فۆرماڵ بەدی ھاتوون، لەوانە:

• ناخەیاڵکرد (non-fiction)، وەکوو ژیاننامە، ھەواڵ و دەنگوباسی ڕۆژنامە و تەلەڤزیۆن، مێژوو؛
• ڕووداوی مێژووییی ئاوێتەی خەیاڵ کراو، وەکوو ئانەکدۆت، ئوستوورە، ئەفسانە؛
• بەتەواوی خەیاڵکرد (fiction)، وەکوو کورتەچیرۆک، ڕۆمان، بڕێ لە گۆرانییەکان.

لە ھەموو شێوازەکانی ھونەر و ئافراندن و ڕابواردندا چیرۆک ئەدۆزرێتە: ئاخاوتە، ئەدەب، تیاتر، مۆسیقا و گۆرانی، کۆمیک، ڕۆژنامەوانی، فیلم، تەلەڤزیۆن و ڤیدیۆ، ڕادیۆ و ھتد.