پاشای سەھۆڵ

پاشای سەھۆڵ (بە ئینگلیزی: Ice King) کە ناوی ڕاستەقینەی سایمۆن بێتیکۆڤە، پێش ئەوەی تاجی سیحراوی بدۆزێتەوە. سیمۆن لەگەڵ خۆشەویستەکەی بیتی دەخوێند بۆ ئەوەی ببێتە شارەزا لە شوێنەوارە کۆنەکان، تا ئەو کاتەی تاجی سیحراوی دۆزییەوە، ژیانیشی گۆڕا و خۆشەویستەکەی دوای ئەوە جێی ھێشت، بۆیە ھەستی بە تەنیایی دەکرد؛ و ھەمیشە بەدوای ھاوڕێدا دەگەڕا، بەڵام ھیچ بەختێکی نەبوو، بۆیە چەندین جار شازادەکانی لە سەرانسەری خاکەکەدا دەڕفاند و ناچاریانی دەکرد بە زۆر ھاوسەرگیری لەگەڵ بکەن. توانا ئەفسوناوییە سەھۆڵاوییەکانی لە تاجێکی ئەفسوناوییەوە سەرچاوە دەگرێت کە لەبەری دەکات، ئەمەش ڕاستەوخۆ شێتی دەکات (بە مەرجێک تاجەکە لەبەر بکات). لە بەشی شەشەمدا، لە ئەڵقەی «ئەڤەرگرین» دا، ئاشکرا دەبێت کە تاجەکە ملیۆنان ساڵ، لەلایەن جادووگەرێکی سەھۆڵبەندانەوە بە ناوی ئێڤەرگرین دروست کراوە، بۆ ئەوەی نەیزەکەیەک لە لەناوبردنی ژیان لەسەر ھەسارەکە بوەستێنێت. ھەرچەندە پاشای سەھۆڵەکە بەزۆری وەک شێتێک دەناسرێتەوە، بەڵام لە ڕاستیدا تەنیایە و بە ھەڵە تێدەگات. شای سەھۆڵین ئاژەڵە دڵخوازەکانی ھەیە کە بریتین لە پەنگوینەکان، لەوێ ئاژەڵە ماڵییەکەی گانتەری ھەیە و زۆرجار لە زۆربەی ئەڵقەکاندا لەگەڵیدا دەردەکەوێت.