مەستی عیشق

مەستی عیشق (بە فارسی: مست عشق) فیلمێکی درامای مێژوویی ڕۆمانسییە کە لەلایەن ئێران و تورکیاوە بە ھاوبەشی بەرھەم ھێنراوە، لە دەرھێنانی حەسەن فەتحی و نووسینی فەتحی و فەرھاد تەوحیدی. فیلمەکە پارچەیەکە لە ژیانی مەولانای ڕۆمی و شەمسی تەورێزی لەگەڵ ڕۆڵگێڕانی پارسا پیروزڤەر و شەھاب حوسێنی. جگە لە ئەکتەرە ئێرانییەکان، ئەکتەرە تورکەکانی وەک بێنسۆ سۆراڵ و ھاندە ئەرچێڵ و ئیبراھیم چەلیلک کۆڵیش ڕۆڵیان تێدا بینیوە.

مەستی عیشق
سەرناو	مست عشق، Mesti Aşk
چەشن	دراما، فیلمی مێژوویی، فیلمی ڕۆمانسی
وڵاتی بنەڕەت	ئێران، تورکیا
زمانی سەرەکی	زمانی فارسی، زمانی تورکی
ڕێکەوتی بڵاوکردنەوە	٢٤ی نیسانی ٢٠٢٤
دەرھێنەر	حەسەن فەتحی
سیناریۆنووس	حەسەن فەتحی، فەرھاد تەوحیدی
بەڕێوەبەری وێنەگرتن	Morteza Poursamadi
ئێدیتەر	Maysam Molaei
ئاوازدانەر	Fahir Atakoğlu
بەرھەمھێنەر	Mehran Broumand
ڕەنگ	فیلمی بە ڕەنگ
لە ویکیدراوە دەستکاریی زانیارییەکان بکە

فیلمەکە لە ٢٤ی نیسانی ٢٠٢٤ لە ئێران بڵاوکرایەوە، و ڕاستەوخۆ بووە یەکێک لە پڕفرۆشترین فیلمەکان لە مێژووی سینەمای ئێرانی. فیلمەکە ھەروەھا بووە پڕفرۆشترین فیلمی ئێرانی کە لەسەر چەشنی کۆمیدی نەبێت.

چیرۆک

فیلمەکە دەربارەی شاعیری سەدەی ١٣م مەولانای ڕۆمیییە، و باس لە پەیوەندییەکەی لەگەڵ شەمسی تەورێزی دەکات. باس لە خۆشەویستی و ئەو ئیلھامە دەکات کە شەمس لەسەر مەولانا ھەیبووە لە ڕووی ژیان و شیعر.

نواندنەکان

• پارسا پیرووزڤەر وەک مەولانا
• شەھاب حوسێنی وەک شەمسی تەورێزی
• ھاندە ئەرچێڵ وەک کیمیا خاتوون
• بوراک تۆزکۆپاران وەک سوڵتان وەلەد
• بۆران کوزوم عەلائەدین محەممەدی دووەم
• حیسام مەنسوور وەک حوسامەدین جەلەبی
• بەنسو سۆرال وەک مریەم
• سەلما ئەرگەچ وەک کێرا خاتوون
• ئیبراھیم چەلیککول وەک ئەسکەندەر
• ھەلیت ئەرگەنچ وەک بەھائەدین وەلەد

مۆسیقا

فاخیر عەتاکۆگلۆ، کە ئاوازی بۆ زنجیرەی عومەر و سەدەی مەزن دانابوو، ئاوازدانەری فیلمەکە بوو و عەلیرەزا قوربانی مۆسیقای دەستپێکی فیلمەکەی پێشکەش کرد.