ملازم حەلیمە
حەلیمە سۆفی مستەفا ناسراو بە ملازم حەلیمە (١٩٣٣ لە گوندی ماونان لە باڵەکایەتی - ١٩٩٢ لە ھەولێر) ئافرەتێکی کورد بوو کە بە یەکەم ژنی پێشمەرگەی یەکێتیی نیشتمانیی کوردستان ناوی لێدەبەن. ئەو ھەروەھا خوشکی خدر سۆفی لە فەرماندەکانی یەکێتیی نیشتمانی و دایکی حاجی ڕەسوول وەسمانە.
ملازم حەلیمە | |
|---|---|
| لەدایکبوون | ١٩٣٣ گوندی ماونان لە باڵەکایەتی |
| مەرگ | ١٩٩٢ |
| نیشتەجێی | باڵەکایەتی، چیای قەندیل |
| نەتەوە | کورد |
| حیزبی سیاسی | یەکێتیی نیشتمانیی کوردستان |
| مناڵ(ەکان) | حاجی ڕەسوول وەسمان |
| خزمەکان | خدر سۆفی (برا) |
ژیان
دەستکاریحەلیمە سۆفی مستەفا لە ساڵی ١٩٣٣ لە گوندی ماونان لە دۆڵی باڵەییانی ناوچەی باڵەکایەتی لە بنەماڵەیەکی چەوساوە و نەتەوەخواز لە دایک بوو. لە لاویدا ھاوسەرگیریی کرد و بوو بە دایکی کوڕێک و سێ کچ، کە کوڕەکەی حاجی ڕەسوول وەسمان کە بە حاجیی ملازم حەلیمە ناسراوە خۆی بوو بە پێشمەرگەی یەکێتیی نیشتمانیی کوردستان.[١]
لە ساڵی ١٩٧٧ لەگەڵ کوڕەکەی پەیوەندی لەگەڵ ھێزەکانی یەکێتیی نیشتمانیی کوردستان دەکات. لە ساڵی ١٩٧٨ لە دۆڵە کۆگە لەگەڵ جەلال تاڵەبانی دیدار دەکات و تاڵەبانی وەکوو یەکەمین ژنی چەکداری شاخ لە یەکێتی خەڵاتی دەکات. لە ساڵی ١٩٨٠یش وەکوو یەکێک لە چالاکترین پێشمەرگەکانی ھەرێمی حەوت لە لایەن تاڵەبان خەڵات دەکرێت. لە ساڵی ١٩٨١ ھەرێمی ١٤ و ھێزی کارۆخ پێکھێنراو کە ئەحمەد مەولوود فەرماندەری بوو. ھەرێمی ١٤ خۆی بە سێ کەرت دابەش کرابوو کە فەرماندەریی یەکێک لەو سێ کەرتە لەلایەن ئەحمەد مەولوود و جەلال تاڵەبانی بۆ ملازم حەلیم و حاجی ڕەسووڵ وەسمان دیاریکراو. لە ساڵی ١٩٨٥ ملازم حەلیم و حاجی ڕەسووڵ وەسمان گوازراون بۆ تیپی ٧٤ی باڵەک لە بناری قەندیل و دۆڵی باڵەییان، و لەورەدا لە چەندین شەڕی گرینگ وەکوو شەڕەکانی بایناون، کەڵەکی باڵەییان، مامەندە (کە پێ دەڵێن شەڕی حەوت ڕۆژە)، مەڵبەندی سێ، بێتواتە، سەرکردایەتی، ئاکۆیەتی، خۆشناوەتی و باڵەکایەتی بەشدارییان کرد، کە حاجی ڕەسووڵ وەسمان لە شەڕی بێتواتە بریندار بوو.[١]
مردن
دەستکاریملازم حەلیمە لە ساڵی ١٩٨٨ نەخۆش بوو و دەست لە خەبات دەکیشێتەوە و چوو بۆ ھەولێر، لەورەدا تا ساڵی ١٩٩٢دا نەخۆشییەکەی چارەسەر نەکراو و لە ئاکامدا لەو ساڵە کۆچی دواییی کرد.[١]
ئەمانەش بیبینە
دەستکاریسەرچاوەکان
دەستکاری- ^ ئ ا ب کوردستانی نوێ: ملازم حەلیمە یەکەمین ژنە پێشمەرگەی شۆڕشی نوێ، نووسینی ھونەر رەسوڵ ئەحمەد، نووسراو لە ڕێکەوتی ٣ی حوزەیرانی ٢٠١٩؛[بەستەری مردوو] سەردانەوە لە ڕێکەوتی ١١ی تەممووزی ٢٠١٩.
