ماری ڕۆبنسن

ماری تێریسی وینیفرێد ڕۆبنسن (بە زمانی ئینگلیزی: Mary Therese Winifred Robinson؛ لە دایکبووی ٢١ی ئایاری ١٩٤٤) ژنە یاساناس و سیاسەتوانی ئێرلەندییە. ئەو لە ماوەی ٣ی کانوونی یەکەمی ١٩٩٠ بۆ ١٢ی ئەیلوولی ١٩٩٧، وەک حەوتەمین سەرۆک وەزیرانی ئێرلەندا دەستبەکار بوو. دوای ئەوەش بووە سەرۆکی نووسینگەی کۆمیسیارانی باڵای نەتەوە یەکگرتووەکان بۆ مافی مرۆڤ، ئەمەش لە ماوەی ١٢ی ئەیلوولی ١٩٩٧ تاکوو ١٢ی ئەیلوولی ٢٠٠٢ بوو. هەروەها ئەو لە ماوەی ٥ی تشرینی دووەمی ١٩٦٩ بۆ ٥ی تەمموزی ١٩٨٩، سیناتۆر بوو لە ئێرلەندا. ماری لە ماوەی ١٩٩٨ بۆ ٢٠١٩، بووە سەرۆکی زانکۆی دوبلین، لەو ماوەیەش سەردانی زانکۆ و پەیمانگانای دەکرد و وانەی تایبەتی لەسەر مافەکانی مرۆڤ دەگووتەوە.

ماری ڕۆبنسن
بە ئیرلەندی: Máire Mhic Róibín
لەدایکبوون	(١٩٤٤-٠٥-٢١) ٢١ی ئایاری ١٩٤٤ Ballina، کۆماری ئیرلەند
ناوی کاتی لەدایکبوون	Mary Therese Winifred Bourke
ھاوسەر	Nicholas Robinson
زمانی نووسین	زمانی ئینگلیزی
پیشە	سیاسەتوان، دادوەر، مامۆستای زانکۆ، barrister
شوێنی کارکردن	زانکۆی کۆڵۆمبیا، University of Pretoria
پەروەردە	Trinity College Dublin، Harvard Law School، زانکۆی کۆڵۆمبیا، Mount Anville Secondary School
دانیشتووی	زوریخ، کۆماری ئیرلەند
ئەندامی حیزبی	Labour Party
کاندید لە ھەڵبژاردنی	1990 Irish presidential election
ئایین	کاسۆلیکی
ئەندامی	Royal Irish Academy، American Philosophical Society
لە ویکیدراوە دەستکاریی زانیارییەکان بکە

لە ساڵی ٢٠٠٤، لەلایەن ڕێکخراوەی لێبوردنی نێونەتەوەیی خەڵاتێکی ڕێزلێنانی پێدرا لەپای کارەکانی بۆ باشتر کردنی ڕەوشی مافەکانی مرۆڤ. هەروەها لە ساڵی ٢٠٠٩، لەلایەن باراک ئۆباما، سەرۆکی ئەمریکا مێدالیای ئازادی وەک ڕێزلێنان لەپای کارەکانی پێدرا.

ژیانی کەسی

ماری لە ساڵی ١٩٧٠، هاوسەرگیری لەگەڵ نیکۆلاس ڕۆبنسن کرد، وێرای ئەوەی کە بنەمالەکەی پەیوەندی بەهێزیان هەبوو لەگەڵ کڵێسای ئێرلەندی بەڵام ئەو شووی بەکەسێکی پرۆتێستانت کرد ئەمەش وایکرد کە پەیوەندی بپچڕێت لەگەڵ خێزانەکەی. ماری لەگەڵ نیکۆلاس سێ منداڵیان هەیە.