ماریۆ کەمپێس
ماریۆ ئەلبێرتۆ کەمپێس (گۆکردن بە ئیسپانی: [ˈmaɾjo alˈβeɾto ˈkempes ˈtʃjoði] ; لەدایکبووی ١٥ی تەممووزی ١٩٥٤) یاریزانێکی پێشووی تۆپی پێی پیشەگەری ئەرژەنتینییە و وەک هێرشبەر یان هێرشبەری ناوەڕاست یاری کردووە.[١] گۆڵکارێکی بەتوانا بوو،لەگەڵ ڤالێنسیا دووجار بووەتە گۆڵکاری خوولی لالیگا بە تۆمارکردنی 116 گۆڵی لە 184 یاری خولەکەدا .[٢]لەسەر ئاستی نێودەوڵەتی، کەمپێس یەکێک بوو لە هۆکارە سەرەکییەکانی بردنەوەی ئەرژەنتین لە جامی جیھانیی فیفای ١٩٧٨ کە تێیدا دوو گۆڵی لە یاری کۆتاییدا تۆمارکرد و پێڵاوی زێڕینی وەک گۆڵکار وەرگرت. هەروەها خەڵاتی تۆپی زێڕینی بۆ باشترین یاریزانی پاڵەوانێتییەکە بەدەستهێنا، ئەمەش بووەتە یەکێک لەو سێ یاریزانەی کە لە یەک مۆندیالدا هەر سێ خەڵاتەکەی بەدەستهێناوە، لەگەڵ گارینچا لە ساڵی ١٩٦٢ و پاولۆ ڕۆسی لە ساڵی ١٩٨٢.کەمپێس لە ساڵی ١٩٧٨دا خەڵاتی باشترین یاریزانی تۆپی پێی ئەمریکای باشوور و باشترین یاریزانی تۆپی پێی ئەوروپای و تۆپی زێڕینی جامی جیھانیی فیفا بەدەستهێنا. لە ساڵی ٢٠٠٤ وەک یەکێک لە باشترین ١٢٥ یاریزانە زیندووەکانی تۆپی پێ وەک بەشێک لە ئاهەنگی ١٠٠ ساڵەی فیفا دەستنیشانکرا. [٣] [٤]
| ماریۆ کەمپێس | |
|---|---|
| بە ئیسپانی: Mario Alberto Kempes | |
 | |
| لەدایکبوون | ١٥ی تەممووزی ١٩٥٤ Bell Ville، ئەرژەنتین |
| وڵاتی وەرزش | ئەرژەنتین |
| ناوی خوازراو | El Arrimador de pinguinos |
| زمانەکانی ئاخاوتن | زمانی ئیسپانی |
| پیشە | یاریزانی تۆپی پێ، association football manager، ڕۆژنامەوان |
| شوێنی یاریکردن لە تیپ | ھێرشبەر |
| دەستپێکی چالاکی | ١٩٧٢ |
| کۆتایی ساڵانی چالاکی | ١ی کانوونی دووەمی ١٩٩٦ |
| وەرزش | تۆپی پێ |
| بەشداربووە لە | جامی جیھانیی فیفای ١٩٨٢، جامی جیھانیی فیفای ١٩٧٨، جامی جیھانیی فیفای ١٩٧٤ |
سەرچاوەکان
دەستکاری- ^ «Mario Kempes - Player profile». www.transfermarkt.com (بە ئینگلیزی). لە ٢٥ی کانوونی یەکەمی ٢٠٢٣ ھێنراوە.
- ^ «What became of... Mario Kempes». Página web oficial de LALIGA | LALIGA (بە ئینگلیزی). لە ٢٥ی کانوونی یەکەمی ٢٠٢٣ ھێنراوە.
- ^ «Pele's list of the greatest». BBC Sport. ٤ی ئازاری ٢٠٠٤. لە ١٥ی حوزەیرانی ٢٠١٣ ھێنراوە.
- ^ «Mario Kempes - Biography». IMDb (بە ئینگلیزیی ئەمەریکایی). لە ٢٥ی کانوونی یەکەمی ٢٠٢٣ ھێنراوە.
| کۆمنزی ویکیمیدیا، میدیای پەیوەندیدار بە ماریۆ کەمپێس تێدایە. |
