لەیلا ساڵحی
لەیلا ساڵحی (لەدایکبووی ١٩٧٩ لە بۆکان، ڕۆژھەڵاتی کوردستان) شاعیر و نووسەرێکی کوردە.
| لەیلا ساڵحی | |
|---|---|
| لەدایکبوون | ١٩٧٩ بۆکان، کوردستان |
| پیشە | نووسەر، شاعیر |
| زمان | کوردی |
| نەتەوە | کورد |
| کارە دیارەکان | شیعری ژنانی جیھان |
| ھاوسەر | یوونس ڕەزایی |
| منداڵەکان | ئاڵا، پێشەوا |
ژیان
دەستکاریلەیلا ساڵحی ساڵی ١٣٥٨ی ھەتاوی لە دایک بووە. پاش تێپەڕاندنی قۆناغی دواناوەندی لە شاری بۆکان، لە بواری مێژوودا پەرەی بە خوێندن داوە و بڕوانامەی ماستەری مێژووی لە زانکۆی تەورێز پێ دراوە. دواتر بووەتە مامۆستای خوێندنگە و وانەبێژی زانکۆ و وەک توێژەرێکی بواری مێژووش دەرکەوتووە. ساڵی ٢٠١٦ لە یەکەمین کۆنگرەی نێونەتەوەیی توێژینەوەی مێژوویی تاران وەک توێژەری ھەڵبژاردە ناودێر کراوە.[١][٢]
لە گۆڤار و بڵاڤۆکەکانی ڕۆژھەڵات و باشووری کوردستاندا نووسراوە و ھۆنراوەی بڵاو بووەتەوە.
لە بواری ئەدەبیاتی منداڵانیشدا چالاکە و بەرھەمی چاپ کردوون. ئەندامی دەستەی نووسەرانی مانگنامەی (ڕۆچنە) بووە کە تایبەتە بە مناڵان و مێرمنداڵان. ھەروەھا یەکێک لە ئەندامانی چاودێری گۆڤاری مناڵانەی کانییە کە پاشکۆی گۆڤاری مەھابادە و ٩٥ ژمارەی دەرچووە. لە یەکەمین فێستیواڵی نەتەوەیی چیرۆکی بانەدا کە پاییزی ساڵی ٢٠١٧ بەڕێوە چوو، وەک داوەری بەشی چیرۆکی منداڵان دیاری کرا.[٣] لەیلا ساڵحی لە ساڵی ٢٠١٦وە ڕەوتێکی بۆ خوێندنەوەی کتێب لەناو ژناندا وەگەڕ خستووە و ھەر بە ماوەی جارێک کۆبوونەوە و خوێندنەوەی ڕەخنەگرانەی کتێبێکی بەرچاوی نووسەرانی جیھان لە ھۆڵی کۆبوونەوە گشتییەکانی شاری بۆکان بەڕێوە دەبا. لەم کۆبوونەوانەدا کە تایبەتە بە ژنان خاتوونە کتێبخوێن و ڕەخنەگرەکانی شارەکانی بۆکان و دەورووبەر بەشداری دەکەن و پێشوازییەکی باشی لێ دەکرێ.[٤][٥]
بەرھەمەکان
دەستکارینموونەی شیعر
دەستکاری- قەڵتێک لە شیعرێکی درێژی لەیلا ساڵحی
- وا داییس
- مناڵێک لە شۆڕەبی و ئاو
- ڕەنگە سبەی پیاوێک دادێ لە ڕەز و نوور
- دەستەکانی
- تامی بەژنی ئاسمان دەدەن.
- بەردەوامە
- حوکماتی نیشتمانەکان
- ھیمالیا دەربەندی ڕووان و لاوژە و
- ئەو کیژانەی شەتڵی پەرین
- سەما دەکا کیژی مانگ و
- بوێرانە وەگیان دەھێنێ ئارەزوو.
- لەت لەت لەت فوارە دەکا ئەم جەستەیە
- دێراو دێراو ئەم بەژنە شکۆفە دەکا
- ئێسکی ڕەزێکە فێی عەشق گرتوویەتی و
- زگی ھەموو چرۆی شەڕاب
- چاو نەترساو
- دەدوێ بە ڕاوێژی لەشی و
- دەڕژێتە ئامێزی زنار
- دەڕوێ و دەڕوێ و تا ئەو ساتەی ڕاجەی زنار
- دەتوێتەوە
- ئەم لەشە کەروێشکەی گڕە و
- ئاوس دەبێ ھەتا چرا
- سەما دەکەن کیژۆڵانی ھیمالیا.
نموونەی وەرگێڕان
دەستکاری- شەوانە کە ھەوا خەریکە فێنک بێ
- ١
- شەوانە کە ھەوا خەریکە فێنک بێ
- لە دەستی منەوە گەرما بخۆوە
- دەستم خوێنی بەھاری لێ دەتکێ
- دەستم بگرە
- باسکە سپییەکانم بگرە
- دڵتەنگی شانە لاوازەکانم بگرە…
- سەیر دەبوو
- ئەگەر شەوێک، شەوێکی وەک ئەو شەو
- قورسایی سەری تۆم لەسەر سینگی خۆم ھەست بکردبایە.
- ٢
- تۆ سوورە گوڵی ئەوینت
- خستە ناو منداڵدانی سپی منەوە
- سوورە گوڵی ئەوینت کە خەریک بوو سیس ھەڵگەڕێ
- بە دەستە داگیرساوەکانم دەگرم.
- لەگەڵ تۆمە! سەرکردەیەک بە ڕاونینی سەھۆڵینەوە
- وەری دەگرم
- ئەو تاجەی لە سەرمت ناوە
- ئەو تاجەی سەرمی بەرەو دڵم خوار کردووەتەوە.[٩]
سەرچاوەکان
دەستکاری- ^ «مامۆستایەکی بۆکانی وەکوو خانمی بەتوانا و لێھاتووی پارێزگەی ئازەربایجانی ڕۆژاوا ھەڵبژێردرا». سەحەری کوردی. ٢١ی ئازاری ٢٠١٦. لە ١٦ی نیسانی ٢٠٢١ ھێنراوە.
{{cite web}}: ڕاگرتنی شێوازی سەرچاوەی ١: خاڵبەندیی زیادە (بەستەر) ڕاگرتنی شێوازی سەرچاوەی ١: ڕەوشی ناونیشان (بەستەر) - ^ «وەشانی ئەرشیڤکراو». لە ڕەسەنەکە لە ٢٧ی نیسانی ٢٠١٦ ئەرشیڤ کراوە. لە ٢٤ی تەممووزی ٢٠١٨ ھێنراوە.
- ^ بانەنیووز:http://banehnews.org/برترین-ھای-جشنوارە-کشوری-داستان-بانە-ت/[[[https://web.archive.org/web/*/http://banehnews.org/برترین-ھای-جشنوارە-کشوری-داستان-بانە-ت/ بەستەری مردوو] بەستەری مردوو]]
- ^ «اسرارنامە: بانوان شھرستان بوکان رمان «جای خالی سلوچ» محمود دولت آبادی را نقد و بررسی کردند». ئەسرارنامە (بە فارسی). لە ڕەسەنەکە لە ١٦ی نیسانی ٢٠٢١ ئەرشیڤ کراوە. لە ١٦ی نیسانی ٢٠٢١ ھێنراوە.
- ^ «بانوان بوکانی بە نقد "سووشون" نشستند، پایگاە خبری ھەواڵ» (بە فارسی). لە ڕەسەنەکە لە ٢ی ئایاری ٢٠٢٢ ئەرشیڤ کراوە. لە ١٦ی نیسانی ٢٠٢١ ھێنراوە.
- ^ شیعری ژنانی جیھان، ساڵحی، لەیلا. خانی، سەقز: ٢٠١٨
- ^ ساڵحی، لەیلا (وەرگێڕ)، فیستێڕ، مارکووس (نووسەر)، ماسی کۆلکەزێڕینە، ڕێکخراوەی ئیزیرتوو، پووشپەڕی ٢٠١٢
- ^ کایە بە قامکەکان، ساڵحی، لەیلا (وەرگێڕ)، ڕەحماندووست، مستەفا (نووسەر). بنکەی ڕاھێنانی ھزری مناڵان و مێرمنداڵان، تاران:
- ^ «ئەو نیشتمانەی کە نییە/سودرگران پێشەنگی بزووتنەوەی شێعری نوێی سوئێد و فەنلاند». ھاژە. لە ١٦ی نیسانی ٢٠٢١ ھێنراوە.
{{cite web}}: ڕاگرتنی شێوازی سەرچاوەی ١: ڕەوشی ناونیشان (بەستەر)
