فازڵ محەمەد عیرفان
فازڵ محەمەد عیرفان :(١٩١٧-١٩٧٩) مامۆستا و چالاكی سیاسی و نووسەر
سەرەتای ژیان و خوێندنی
دەستکاری
فازڵ کوڕی محەمەد ئەفەندی کوڕی مەلا ڕەسووڵە و عیرفان ناسناوی بنەماڵەکەیەتی. تشرینی دووەمی ١٩١٧ لە سلێمانی لەدایکبووە. مەلا ڕەسووڵ لە دێی (چنگیان)ەوە ھاتووەتە ناو سلێمانی و محەمەد و عەبدوڵڵا و حەسەنی کوڕانیی خستووەتە بەر خوێندن. محەمەدیان گەیشتووەتە پلەی تابوورئاغاسی لە سپای عوسمانیدا و کوڕەکانیی بە ھەمان شێوەی باوکی ھان داوە بۆ خوێندن.[١][٢]
مامۆستایەتی
دەستکاریفازڵ، ساڵانی سیی سەدەی ڕابوردوو لە بەغدا خوێندنی تەواوکردووە و بووە بە مامۆستای سەرەتایی. پاشان چووەتەوە بۆ بەغدا و بەشی ئینگلیزیی خانەی بەرزی مامۆستایانی بڕیوە. دوابەدوای دامەزرانی بە چەند ساڵێک، لەبەر بیری ئازادی و پێشکەوتنخوازی دەستیان پێ لە وەزیفە کێشاوەتەوە. بۆیە بە ناچاری چووەتە کۆمپانیای نەوت لە کەرکووک و ساڵانێک لەوێ کاری کردووە.[١][٢]
ژیانی هاوسەرگیریی
دەستکاریساڵی ١٩٥٠ ژنی ھێناوە، (پەسەند، مامۆستای بیرکاری- ١٩٥١، پەریخان، ئەندازیار- ١٩٥٤ و دلاوەر، مامۆستای ئینگلیزی- ١٩٥٧)ی لێ بووە.[١][٢]
بەڕێوبەری
دەستکاریدواتر لە وەزیفەی مامۆستایی وەرگیراوەتەوە. ھاوینی ١٩٥٧ خۆی گواستووەتەوە بۆ سلێمانی و بووە بە بەڕێوەبەری سانەویی پیشەسازی.[١][٢]
زانکۆی ئەمریکایی لە بەیرووت
دەستکاریساڵانی شەست چووەتە خولێکی زمانی ئینگلیزی لە زانکۆی ئەمریکایی لە بەیرووت. پاشتر بووە بە بەڕێوەبەری سانەویی (وةطهن). ساڵانی حەفتا بووە بە پشکنێری پسپۆڕ و چووەتە ھەولێر.[١][٢]
شۆڕشی ئەیلوول
دەستکاری١٩٧٤ پێوەندیی بە شۆڕشی ئەیلوولەوە کردووە. پاش شکستی شۆڕش، گەڕاوەتەوە بۆ سلێمانی و دوورخراوەتەوە بۆ شاری (سەماوە) و لەوێ مامۆستایەتیی کردووە. ساڵێک لەوەبەدوا گەڕێندراوەتەوە و ھەوڵی وازھێنانی لە وەزیفە داوە، تا لە ١٩٧٧دا خانەنشین بووە.[١][٢]
بەرهەمەكانی
دەستکاریفازڵ عیرفان، زۆر ئارەزووی خوێندنەوەی کردووە وکتێبی بە زمانەکانی عەرەبی و ئینگلیزیش خوێندووەتەوە. جگە لە نووسینی لە "گەلاوێژ" و "ڕۆژی نوێ"دا، نووسینێکی لەسەر مێژووی شاری سلێمانی ھەبووە و پاش کۆچی دواییکردنی فەوتاوە.[١][٢]
كۆچی دوایی
دەستکاریڕۆژی ١١/٤/١٩٧٩ لە سلێمانی سەری ناوەتەوە و لە (گردی سەیوان) نێژراوە.[١][٢]
ئەلبوومی وێنەكانی
دەستکاری-
له‌ڕاسته‌وه: فازڵ محەمەد عیرفان
سەرچاوەکان
دەستکاری- ^ ئ ا ب پ ت ج چ ح گۆڤاری گەلاوێژ (بەرگی یازدەهەم / بەشی یەكەم ) ژیاننامە و پێڕست ، ئامادەكردنی ( سدیق ساڵح ، ڕەفیق ساڵح ، عبدوڵڵا زەنگەنە ) لە بڵاوكراوەكانی بنكەی ژین بۆ بووژاندنەوەی كەلەپووری و بەڵگەنامەیی و ڕۆژنامەوانیی كوردی .ل 8150-8151
- ^ ئ ا ب پ ت ج چ ح جێی وتنە، بەڕێز عومەر مارف بەرزنجی ساغی کردووەتەوە کە (ف, محەمەد) ئەم زاتەیە، بڕوانە: لێکۆڵینەوە و بیبلیۆگرافیای چیرۆکی کوردی ١٩٢٥-١٩٦٩، ل١٦٧.