شڤان پەروەر (لەدایکبووی ٢٣ی ئەیلوولی ١٩٥٥) گۆرانیبێژێکی کوردە. شڤان پەروەر لە بواری مۆسیقای کوردیدا زیاتر لە ٢٥ ئەلبومی ھەیە. ھەروەھا نووسەر، مامۆستای مۆسیقا و ژەنیاریشە. بەھۆی شۆڕشگێڕی و ھەڵوێستە سیاسییەکانییەوە لە میدیاکاندا زۆر ناوی لێ دەبرێت.[١]

شڤان پەروەر
شڤان پەروەر
شڤان پەروەر لە ساڵی ٢٠٠٥
زانیارییەکان
ناوی لەدایکبوونİsmail Aygün
لەدایکبووی١٩٥٥ (تەمەن ٦٥)
سوێرەک، پارێزگای ڕحا، باکووری کوردستان
پیشەکانگۆرانیبێژ، ئاوازدانەر، ژەنیار
ئامێرەکانتەمبوور
ساڵانی چالاکبوون١٩٧٤-ئێستا
ماڵپەڕwww.sivan-perwer.com

ژیاندەستکاری

ھەر لە تەمەنی گەنجییەوە دەستی بە گۆرانیوتن کردووە. بەھۆی مەترسیی دەستبەسەرکردنی لەلایەن حکوومەتی تورکیاوە ساڵی ١٩٧٦ وڵاتی بەجێ ھێشت و بوو بە دانیشتووی ئەڵمانیا. تا ئێستاش نەگەڕاوەتەوە بۆ تورکیا. ساڵی ٢٠٠٤ لە ئەڵمانیا «ڕێکخراوەی کولتوریی نێونەتەوەیی شڤان پەروەر» ی دامەزراند.[٢]

ئەلبمی «من بێریا تە کریە» خەڵاتی Grands prix du Disque et Audiovisuels (کە گرنگترین خەڵاتی مۆسیقای فەڕەنسایە) ساڵی ٢٠٠٤ی لە بەشی مۆسیقای جیھاندا بردەوە.[٣]

داوا لە شڤان پەروەر کرا لە کردنەوەی کەناڵی TRT6 لە سەرەتای ٢٠٠٩دا بەشداری بکات، بەڵام قەبووڵی نەکرد. لە ٩ی کانوونی دووەمی ٢٠٠٩ کەناڵی TRT6 بەرنامەیەکی بەڵگەیی لە ژیانی شڤان پەروەر بڵاو کردەوە.[٤]

لە ١٦ی ئابی ٢٠٠٩ شڤان پەروەر و چەند ھاوڕێی لەکاتی فیلمگرتن لەنزیکی تاڤگەکانی نیاگارا بەھەڵە لەلایەن پۆلیسی کەنەدا دەستگیر کرا و دوای ماوەیەکی کورت ئازاد کرا. مەسعوود بارزانی و وەزیری دەرەوەی ئەو کاتەی حکوومەتی ھەرێم خوازیاری داوای لێبوردنکردنی Stephen Harper سەرۆک وەزیرانی ئەو دەمی کەنەدا بوون.[٥]

ئەلبومەکاندەستکاری

سەرچاوەکاندەستکاری

  1. ^ ژیان و چالاکیی ھونەری شوان پەروەر
  2. ^ پەڕەی فەرمی شڤان پەروەر، ڕۆژی سەردان ۱۲/۱٠/۲٠۱۳
  3. ^ 57ème Palmarès Archived ٣ی ئازاری ٢٠١٦, لە وەیبەک مەشین., Académie Charles Cros. Accessed on line November 23, 2010.
  4. ^ ئیکورد، ڕۆژی بڵاوکردنەوە ۹/۹/۲٠٠۹ ڕۆژی سەردان ۱۲/۱٠/۲٠۱۳
  5. ^ پەیمانگی کوردی پاریس، ڕۆژی بڵاوکردنەوە ۲/۹/۲٠٠۹. ڕۆژی سەردانی پەڕگە ۱۲/۱٠/۲٠۱۳

بەستەرە دەرەکییەکاندەستکاری