سەلەفی
سەلەفی یان پێشینی بریتییە لە کەسانێک کە پەیڕەوی بەرنامەی کەسایەتییە چاکەکانی پێشینیان دەکەن. موسوڵمانان بەو کەسایەتییانە دەڵێن «پێشینە چاکەکان»یان «سەلەفی ساڵح».
بنەماناسی
دەستکاریوشەی سەلەف واتە پێشینە و بە مانای شتێک دێت کە ڕابوێردرابێت و تێپەڕیبێت، لە مێژووی ئیسلامدا واتە ئەوانەی پێش سەردەمی ئێستا و سێ سەدەی یەکەمی ئیسلام کە سەردەمی زێڕینی ئیسلامە، ئەوانیش ھاوەڵەکان، تابعین و تابعی تابعینن کە چوار ئیمامی سەر مەزھەبی سوننەکان واتە ئەحمەد کوڕی حەنبەل، شافعی، مالیک کوڕی ئەنەس و ئەبووحەنیفەش دەگرێتەوە. لەم بوارەدا محەممەد دەڵێت: «باشترین خەڵک، خەڵکی سەردەمی منە، پاشان ئەوانەی دوای ئەوانە دێن، پاشان ئەوانەی دوای ئەوانیش دێن.»[١][٢]
گەورە زانایانی سەلەفی سەردەم
دەستکاری- شێخ محەممەد کوڕی ناسرەددین ئەلبانی
- شێخ محەممەد کوڕی ساڵح عوسمین
- شێخ عەبدولعەزیز کوڕی باز
- شێخ موقبل کوڕی ھادی ئەلوادعی
- شێخ ساڵح کوڕی فەوزان
- شێخ ڕەبیع کوڕی ھادی مەدخەلی
- شێخ عوبێد جابری
بیروباوەڕ
دەستکاریسەلەفییەکان بڕوایان بە تاک دانانی خودا ھەیە یەکتاپەرستی (التوحید)، ھەموو جۆرێکی پەرستن (وەکو پەناگرتن، ھاوارکردن، پشت بەستن، قوربانیکردن، نەزرکردن، نوێژکردن، ڕۆژووگرتن، پاڕانەوە و ھەموو پەرستنەکانی تر) بۆ بێجگە لە خودا بە ھاوەڵ دانان بۆ خودا دەزانن کە ئەمەش بە بنچینەیەکی ئایینی ئیسلام دادەنێن.
ئەوان ھەموو جۆرە حیزبایەتییەکیان بەلاوە دروست نییە و لایان وایە کە پێویستە موسڵمانان ھەموویان یەکڕیز بن و نەبن بە گرووپ و حیزب.
ھەموو جۆرە داھێنراوێکیش لە ئاییندا بە نادروست دەزانن و ڕێگری لێ دەکەن چونکە لایان وایە کە ئایینی ئیسلام تەواو کراوە و پێویستی بە زیادکردن نییە، ھەر وەکوو پێغەمبەری ئیسلام دەڵێت: «ھەر کەسێک شتێک لەم ئایینەی ئێمەدا زیاد بکات کە تێیدا نەبێت ئەوا لێی وەرناگیرێت»[٣][٤] بەڵام ھەموو داھێنراوێکی چاکی دونیایی بە باش دەزانن و پشتگیری دەکەن و خەڵکیشی بۆ ھان دەدەن.
ئەمانەش ببینە
دەستکاریسەرچاوەکان
دەستکاری- ^ دەقەکە بە زمانی عەرەبی: خَيْرُ النَّاسِ قَرْنِي، ثُمَّ الَّذِينَ يَلُونَهُمْ، ثُمَّ الَّذِينَ يَلُونَهُمْ.
- ^ موسوعة الحدیث
- ^ دەقەکە بە زمانی عەرەبی: مَنْ أَحْدَثَ فِي دِينِنَا مَا لَيْسَ فِيهِ فَهُوَ رَدٌّ.
- ^ موسوعة الحدیث
بەستەرە دەرەکییەکان
دەستکاری| کۆمنزی ویکیمیدیا، میدیای پەیوەندیدار بە سەلەفی تێدایە. |
