دەروازە:ئەکتەران/وتاری نایاب
وتاری نایاب ١
دەروازە:ئەکتەران/وتاری نایاب/١
خۆسێ پێدرۆ بالماسێدا پاسکال (بە ئیسپانی: José Pedro Balmaceda Pascal؛ لەدایکبووی ٢ی نیسانی ١٩٧٥) ئەکتەرێکی ئەمریکی لەدایکبووی چیلییە. دوای نزیکەی دوو دەیە بە ڕۆڵی بچووک لە فیلم و تەلەڤیزیۆندا، پاسکال بەھۆی ڕۆڵی ئۆبێرین مارتێل لە وەرزی چوارەمی زنجیرەی خەیاڵیی ئێچ بی ئۆ بە ناوی کایەی تەختە پاشایەتییەکان و ڕۆڵی خاڤیێر پێنیا لە زنجیرەی تاوانکاریی نێتفلیکس بە ناوی نارکۆس (٢٠١٥–٢٠١٧) ناوبانگی دەرکرد. لە ٢٠١٩ەوە وەک کەسایەتیی سەرەکی ماندەلۆریان لە زنجیرەی جەنگی ئەستێرەکانی دیزنی+ و دووبارە لە فیلمی کتێبی بۆبا فێت (٢٠٢٢) ڕۆڵی سەرەکی گێڕاوە. لە ٢٠٢٣ەوە ڕۆڵی جۆڵ میلەر لە زنجیرەدرامای ئێچ بی ئۆ بە ناوی دوایینی ئێمە بینیوە. گۆڤاری تایم لە ٢٠٢٣دا بە یەکێک لە ١٠٠ کەسە کاریگەرەکانی جیھان ناوی پاسکالی بردووە.
لە دەرەوەی تەلەڤیزیۆن، پاسکال لە فیلمەکانیشدا دەرکەوتووە، لەوانەش: نووسینگەی دەستکاریکردن (٢٠١١)، شورا مەزنەکە (٢٠١٦)، پیاوی پاشا: بازنەی زێڕین (٢٠١٧)، یەکسانکەر ٢ (٢٠١٨)، تریپڵ فرۆنتێر (٢٠١٩)، ژنی سەرسووڕھێنەری ١٩٨٤ (٢٠٢٠)، قورسایی بەرگە نەگیراوی بەھرەی گەورە (٢٠٢٢). خۆسێ پێدرۆ بالماسێدا پاسکال لە ٢ی نیسانی ١٩٧٥ لە شاری سانتیاگۆی چیلی لەدایکبووە. کوڕی دەروونناسێکی منداڵان «ڤێرۆنیکا پاسکال یوریتا» و پزیشکی منداڵبوون «خۆسێ بالماسیدا» ڕیێرایە. خوشکێکی گەورەی ھەیە بە ناوی خاڤیێرا، برایەکی بچووکی ھەیە بە ناوی نیکۆلاس و خوشکێکی بچووکی ھەیە بە ناوی لوکس کە ئەکتەر و چالاکوانێکی ترانسجێندەرە. دایکی پاسکال ئامۆزای ئاندرێس پاسکال ئالێندێ بوو کە کوڕەزای سەرۆکی سۆسیالیستی چیلی "سالڤادۆر ئالێندێ" بوو. ئاندرێس سەرکردەیەکی سەرەتایی بزووتنەوەی چەپی شۆڕشگێڕ بوو، کە بزووتنەوەیەکی گەریلای شار بوو کە تایبەت بوو بە ڕووخاندنی دیکتاتۆری سەربازی "ئۆگستۆ پینۆشێت".
وتاری نایاب ٢
دەروازە:ئەکتەران/وتاری نایاب/٢
کیلیان مێرفی (بە ئینگلیزی: Cillian Murphy) ئەکتەرێکی ئێرلەندییە. یەکەم دەرکەوتنی پیشەگەرانەی خۆی لە شانۆنامەی «دیسکۆ پیگز» لە ساڵی ١٩٩٦ی «ئەندا والش» ئەنجامدا، ھەروەھا لە فیلمی وەرگێڕانی شاشەی ٢٠٠١ بە ھەمان ناو بەشداربوو. فیلمە سەرەتایییە دیارەکانی بریتین لە: فیلمی ترسناکی دوای ٢٨ ڕۆژ (٢٠٠٢)، کۆمیدیای ڕەشی ئینتەرمیسیۆن (٢٠٠٣)، ھەستبزوێنی چاوی سوور (٢٠٠٥)، درامای جەنگی ئێرلەندی «ئەو بایەی کە جۆ دەھەژێنێت» (٢٠٠٦) و فیلمی ھەستبزوێنی تیشکی خۆر (٢٠٠٧). لە فیلمی کۆمیدی-درامی نانی بەیانی لەسەر پلۆتۆ (٢٠٠٥)، ڕۆڵی ژنێکی ڕەگەزگۆڕاوی ئێرلەندی بینیووە؛ کە بووە ھۆی ئەوەی پاڵێوراو بێت بۆ خەڵاتی گۆڵدن گڵۆب.
ھەروەھا مێرفی بە ھاوکارییەکانی لەگەڵ دەرھێنەر کریستۆفەر نۆلان ناسراوە، کە ڕۆڵێکی ترسێنەری لە سوارچاکی تاریکی (٢٠٠٥–٢٠١٢)، و دەستپێک (٢٠١٠)، و دەنکیرک (٢٠١٧) بینیووە. زیاتر ناوبانگی بەدەستھێنا بەھۆی ڕۆڵی تۆمی شێڵبی لە زنجیرە درامای سەردەمی بی بی سی پیکی بڵایندەرز (٢٠١٣–٢٠٢٢) و ڕۆڵی سەرەکی لە بەدواداچوونی ترسناکی «شوێنێکی بێدەنگ: بەشی دوو» (٢٠٢٠). لە ساڵی ٢٠١١دا، مێرفی خەڵاتی شانۆی ئیرلەندی تایمزی بۆ باشترین ئەکتەر و خەڵاتی دێسک درامی بۆ نمایشی تاکەکەسی نایابی بەدەستھێنا بۆ شانۆنامەی تاک -تەسی مستەرمان. لە ساڵی ٢٠٢٠ ڕۆژنامەی ئیرلەندی تایمز بە یەکێک لە گەورەترین ئەکتەرە سینەمایییەکانی ئێرلەندا ناوی برد. کیلیان مورفی کاری نواندنی لەسەر شانۆ دەستپێکرد و دواتر بە ڕۆڵی پێشکەوتووی لە فیلمی ئیرلەندی "دیسکۆ پیگز" لە ساڵی ٢٠٠١دا گواسترایەوە بۆ سەر شاشەی گەورە. مورفی ناوبانگێکی نێودەوڵەتی بەدەستھێنا بەھۆی ڕۆڵی دکتۆر جۆناتان کرین/کەسایەتی ترسێنەر لە فیلمی "باتمان دەست پێدەکات" (٢٠٠٥)ی کریستۆفەر نۆلان، ئەمەش بووە ھۆی ئەوەی لە چەندین بەرھەمی گەورەدا بەشداری بکات لەوانە "چاوی سوور" (٢٠٠٥)، "نانی بەیانی لەسەر پلۆتۆ" (٢٠٠٥) و "خۆر" (٢٠٠٧).