دێنس سوارێز

دێنس سوارێز فێرناندێز (گۆکردن بە ئیسپانی: [ˈdenis ˈswaɾeθ feɾˈnandeθ]؛ لەدایکبووی ٦ی کانوونی دووەمی ١٩٩٤) یاریزانێکی پیشەگەری ئیسپانییە کە یاری بۆ یانەی سەلتا ڤیگۆ دەکات لە ڕۆڵی ناوەڕاستدا.

دێنس سوارێز لەگەڵ یانەی «ڤیاڕیال»، ساڵی ٢٠١٥

کاروانی یاریکردن

دەستپێک

لەدایکبووی سالسێدا دی کاسیلاس، پۆنتێڤێدرا، گالیسیا، سوارێز یاریدەکرد بۆ یانەی «پۆرینۆ ئیندەستریال» لەگەڵ «سەلتا ڤیگۆ».

مانچستەر سیتی

سوارێز پەیوەندی بە یانەی مانچستەر سیتییەوە کرد، سوارێز خواستێکی زۆریشی بۆ ھات لەلایەن بارسێلۆنا، چێڵسی و مانچستەر یونایتدی شان لە شاندەرییان کە داوای کڕینی سوارێزییان دا بە بڕی ٨٥٠٬٠٠٠ یۆڕۆوە، و ٢٫٧٥ میلیۆن دۆلاری زیادەیان دەدا بەپێی ئاستی یارییەکانی سوارێز.

سوارێز یاریکرد لە یاریێکی دۆستانەدا لەگەڵ یانەی «لۆس ئانجلس گالاکسی»، سوارێز ھاتە نێو یاریگا لە شوێنی یاریزان ئیدن دزیکۆ لە خوولەکی ٨٨، پەناڵتیێکیشی لێدا دوای خوولەکی زیادکراوی یارییەکە. سوارێز یاریزانێکی یەدەگی بەکارنەکراوبوو لە یاری دژی یانەی «بێرمینگھام سیتی» لە جامی کاراباو. لە یاری داھاتووی جامی کاراباو، سوارێز یەکەم یاری پیشەگەری خۆی کرد لەگەڵ مانچستەر سیتی لە بردنەوەیەکی (٥–٢) دژی یانەی «بێرمینگھام واندەرەرس». لە ١٧ی ئایاری ٢٠١٢، سوارێز بەشداری کرد لە یانەی یەدەگی مانچستەر سیتی دژی یانەی مانچستەر یونایتد لە جامی پیشەگەری مانچستەر، ھەرچەندە بە ئەنجامی (٢–٠) یارییەکەیان دۆڕاند. ساڵی ٢٠١٢، سوارێز وەک باشترین یاریزانی لاوی یانەکە ھەڵبژێردرا لەلایەن ھاندەرانەوە.

بارسێلۆنا

لە ٢٢ی ئابی ٢٠١٣، سوارێز رێککەوتنێکی ٤ ساڵەی واژووکرد لەگەڵ یانەی بارسێلۆنا بە بڕێکی نەزانراو. وەرزی (٢٠١٣–٢٠١٤)، سوارێز زیاتر بۆ یانەی بارسێلۆنای ئاستی پلە دوو لە خوولی ئیسپانیای ئاستی پلە دوو (سیگوندا دیڤیژن) بۆ پەرەسەندنی تواناکانی.

ڤیاڕیال

لە ٢٩ی ئابی ٢٠١٥، سوارێز ڕیککەوتنێکی ٤ ساڵەی واژووکرد لەگەڵ یانەی ڤیاڕیال بە بڕێکی نەزانراو.

گەڕانەوە بۆ بارسێلۆنا

لە ٤ی حوزەیرانی ٢٠١٦، بارسێلۆنا گەڕانەوەی سوارێزی بۆ یانەکەیان ڕاگەیاند. بارسێلۆنا بە بڕی ٣٫٥ میلیۆن یۆڕۆوە سوارێزییان گەیاندە ڕیزەکانیان، سوارێز ڕێککەوتنێکی ٤ ساڵەی واژووکرد لەگەڵ یانەکە و بەپێی ژمارەی سوارێز بۆ یانەکە، بارسێلۆنا ھەلی ئەوەیان پێدرا بۆ درێژکردنەوەی ساڵیک لە ڕێککەوتنی سوارێز و بارسێلۆنا. لە یەکەم وەرزی لەگەڵ بارسێلۆنا، سوارێز تەنھا لە ١٢ یاری بەشداربوو.

ئاڕسناڵ (خواستن)

لە ٣٠ی کانوونی دووەمی ٢٠١٩، سوارێز پەیوەندی بە یانەی ئارسناڵەوە کرد بە شێوەی خواستن تا کۆتایی وەرزی (٢٠١٨–٢٠١٩).

سەلتا ڤیگۆ

لە ٣٠ی حوزەیرانی ٢٠١٩، ڕێککەوتنێکی ٤ ساڵەی واژووکرد لەگەڵ یانەی سەلتا ڤیگۆ بە بڕی ١٦ میلیۆن یۆڕۆ.

نێودەوڵەتی

سوارێز دوو گۆڵی بۆ یانەی نێودەوڵەتی ئیسپانیای ئاستی تەمەنی ژێر ١٧ ساڵان، دژی ھەڵبژاردەی مۆڵدۆڤا و ئێرلەندا. سوارێز بەشداریکرد جامی یۆڕۆی ئاستی تەمەنی ژێر ١٩ ساڵان کە توانییان جامەکە بەرزبکەنەوە. سوارێز لە خوولەکی ٧١ی یاری کۆتایی یۆڕۆ ھاتە نێو یاریگا دژی ھەڵبژاردەی یۆنان. سوارێز ٦ یاری بۆ ھەڵبژاردەکەی کرد، توانی دوو گۆڵ تۆماربکات و لە ٢٨٤ خوولەک بەشداربێت.

لە ٢٦ی ئایاری ٢٠١٦، سوارێک یەکەم یاری پیشەگەری خۆی کرد بۆ ھەڵبژاردەی ئیسپانیا. لە گێمی دووەم، وەک یاریزانی یەدەگ ھاتە نێو یاریگا لە شوێنی یاریزان دەیڤد ڤیا لە یارییەکی دۆستانەدا لەگەڵ ھەڵبژاردەی بۆسنیا و ھێرزەگۆڤینا.

ئامارەکان

.

یانە	وەرز	خوول			خوولی ناوخۆیی		جام		ئەوڕووپا		ئیتر		گشتی
		ئاست	یاری	گۆڵ	یاری	گۆڵ	یاری	گۆڵ	یاری	گۆڵ	یاری	گۆڵ	یاری	گۆڵ
مانچستەر سیتی	٢٠١١–١٢	خوولی ئینگلیزی (پریمەر لیگ)	٠	٠	٠	٠	١	٠	٠	٠	٠	٠	١	٠
	٢٠١٢–١٣		٠	٠	٠	٠	١	٠	٠	٠	٠	٠	١	٠
	گشتی		٠	٠	٠	٠	٢	٠	٠	٠	٠	٠	٢	٠
بارسێلۆنای ئاستی پلە دوو	٢٠١٣–١٤	خوولی ئیسپانی ئاستی پلە دوو	٣٦	٧	—								٣٦	٧
	گشتی		٣٦	٧	—								٣٦	٧
سیڤیلیا (خواستن)	٢٠١٤–١٥	خوولی ئیسپانی (لا لیگا)	٣١	٢	٦	١	—		٩	٣	١	٠	٤٧	٦
	گشتی		٣١	٢	٦	١	—		٩	٣	١	٠	٤٧	٦
ڤیاڕیال	٢٠١٥–١٦	خوولی ئیسپانی (لا لیگا)	٣٣	٤	٢	٠	—		١٣	١	—		٤٦	٥
	گشتی		٣٣	٤	٢	٠	—		١٣	١	—		٤٨	٥
بارسێلۆنا	٢٠١٦–١٧	خوولی ئیسپانی (لا لیگا)	٢٦	١	٧	٢	—		١	٠	٢	٠	٣٦	٣
	٢٠١٧–١٨		١٨	٢	٥	١	—		٣	٠	١	٠	٢٧	٣
	٢٠١٨–١٩		٢	٠	٤	٢	—		٢	٠	٠	٠	٨	٢
	گشتی		٤٦	٣	١٥	٣	—		٦	٠	٣	٠	٧١	٨
ئارسیناڵ (خواستن)	٢٠١٨–١٩	خوولی ئینگلیزی (پریمەر لیگ)	٤	٠	٠	٠	٠	٠	٢	٠	٠	٠	٦	٠
	گشتی		٤	٠	٠	٠	٠	٠	٢	٠	٠	٠	٦	٠
کۆی گشتی			١٥٠	١٦	٢٣	٤	٢	٠	٣٠	٤	٤	٠	٢١٠	٢٦

دەستکەوتەکان

یانە

سیڤیلیا

یۆڕۆ لیگ یەک جار: ٢٠١٤–٢٠١٥

بارسێلۆنا

لا لیگا دوو جار: ٢٠١٦–٢٠١٧، ٢٠١٧–٢٠١٨

جامی شای ئیسپانیا دوو جار: ٢٠١٦–٢٠١٧، ٢٠١٧–٢٠١٨

جامی سووپەری یەک جار: ٢٠١٦

ھەڵبژاردە

ئیسپانیای ئاستی ژێر ١٩ ساڵان

جامی یۆڕۆی ئاستی ژێر ١٩ ساڵان یەک جار: ٢٠١٢

ئیسپانیای ئاستی ژێر ٢١ ساڵان

پلەی دووەم بوو لە یۆڕۆی ئاستی ژێر ٢١ ساڵان یەک جار: ٢٠١٧.