دۆگلاس ماکارتور
دۆگلاس ماکارتور (ماوەی ژیان:٢٦ی کانوونی دووەمی ١٨٨٠ تاکوو ٥ی نیسانی ١٩٦٤) ژەنەڕاڵێکی ئەمریکی بووە لەنەتەوەیەکگرتوەکان و پلەی موشیری ھەبووە لە سووپای فلیپین، لە ساڵانی سیەکانی سەدەی بیستەم سەرکردەی سوپای ئەمریکا بووە و ڕۆڵێکی بەرچاو و باڵای گێڕاوە لە جەنگی دەریای ھێمن لەکاتی شەڕی جیهانی دووەمدا. دۆگلاس سەرکردەی ھێزەکانی ئەمریکا بووە لە فلیپین و لە ساڵی ١٩٣٧ دەستی لەکار کێشاوەتەوە، بەڵام دوای ئەوەی یابان جەنگی لەدژی ویلایەتەیەکگرتوەکانی ئەمریکا ڕاگەیاندووە، ڕۆزفڵتی سەرۆکی ئەمریکا ناردوێتی بەشوێنیا و گەڕاندوێتێوە بۆ نێو سووپای ئەمریکا و پلەی کردووە بەفەریق بەرەیەکی بەربڵاوی باشووری ڕوژھەڵاتی ئاسیا و دەریای ھێمن بەمەبەستی دەستبەسەراگرتنەوەی ئەو دوورگانەی کە یابان داگیری کردبوون. دۆگلاس لەکاتی شەڕی جیهانی دووەم دا پلەی سەرکردەی ھێزە پیادەکانی ئەمریکای لە ناوچەی دەریای ھێمن و باشووری ڕۆژھەڵات وەرگرتووە، دوای ئەوەی ویلایەتەیەکگرتوەکانی ئەمریکا سەرکەوتووە بەسەر یاباندا بەبڕی ٥٠٠ ھەزار دۆلار خەڵاتی پێبەخشراوە، لەدوای داگیرکردنی یابان لە ساڵی ١٩٤٥ بۆ ساڵی ١٩٥١ کراوە بە حاکمی سەربازی یابان و ھاوکار بووە لە دروستکردنی ئەو وڵاتە و سیستمێکی دیموکراتی لەیابان دامەزراندووە و دەستێکی باڵاشی ھەبووە لە دانانی ڕەشنوسی دەستوری یابان. دۆگلاس لە کاتی جەنگی جیھانی دووەمدا سەرکردایەتی ھێزەکانی ئوستورالیا کردووە و لە ساڵی ١٩٥٠ و ساڵی ١٩٥١ سەرکردایەتی ھێزەکانی نەتەوەیەکگرتوەکانی کردووە لە کۆریای باشوور و بەھۆی دژایەتی کردنی سیاسەتەکانێوە لەجەنگی کۆریا لەلایەن ھاری ترۆمانی سەرۆکی ئەمریکاوە بەیەکجاری خانەنشین کراوە. دۆگلاس ماکارسەر لەجەنگەکانی جیھانی یەکەم و جیھانی دووەم و جەنگی کۆریادا بەشداری کردووە و جەنگاوە و یەکێکە لەو پێنچ کەسەی بەدرێژایی مێژووی ئەمریکا پلەوپایەی ژنەڕاڵی سووپای وەرگرتووە و لە ٥ ئیبریلی ساڵی ١٩٦٤ لەتەمەنی ٨٤ ساڵیدا لە واشنتن کۆچی دوایی کردووە.
| دۆگلاس ماکارتور | |
|---|---|
| بە ئینگلیزی: Douglas MacArthur | |
.jpg) | |
| لەدایکبوون | ٢٦ی کانوونی دووەمی ١٨٨٠ لیتل ڕاک، ئارکنساس، ویلایەتە یەکگرتووەکانی ئەمریکا |
| مردن | ٥ی نیسانی ١٩٦٤ (٨٤ ساڵ ژیاوە) واشینگتن دی سی، ویلایەتە یەکگرتووەکانی ئەمریکا |
| دڵسۆزی | ویلایەتە یەکگرتووەکانی ئەمریکا، فلیپین |
| ھۆی مەرگ | سستیی گورچیلە |
| شوێنی ناشتن | MacArthur Memorial |
| باوک | Arthur MacArthur, Jr. |
| دایک | Mary Pinckney Hardy |
| خوشک و برا | Arthur MacArthur III |
| ھاوسەر | Jean MacArthur، Louise Cromwell |
| منداڵ | Arthur McArthur IV |
| زمانەکانی ئاخاوتن | زمانی ئینگلیزی، Dothraki |
| زمانی نووسین | زمانی ئینگلیزی |
| پیشە | ئەفسەری سەربازی، army officer |
| پۆستەکان | Chief of Staff of the United States Army |
| پەروەردە | United States Army Command and General Staff College، United States Military Academy، Milwaukee High School of the Arts |
| دەستپێکی چالاکی | ١٩٠٣ |
| ئەندامی حیزبی | پارتی کۆماری |
| Wears | corncob pipe |
| بەشداربووە لە | جەنگی جیھانیی یەکەم |
| پلەی سەربازی | General of the Army |
| لقی سەربازی | Philippine Army، سوپای ویلایەتە یەکگرتووەکانی ئەمریکا |
| ڕووداوە بەرچاوەکان | Douglas MacArthur's escape from the Philippines |
سەرچاوە
دەستکاری| کۆمنزی ویکیمیدیا، میدیای پەیوەندیدار بە دۆگلاس ماکارتور تێدایە. |
