خەڵکی عێراق یان عێراقییەکان ئەو کەسانەن کە ھەڵگری ڕەگەزنامەی عێراقین و لە عێراق دەژین، ژمارەیان نزیکەی ٤٥ ملیۆن کەسە[١] زۆرینەیان موسڵمانن و کەمینەیەکی مەسیحییان ھەیە، زمانی عەرەبی و کوردی بە پێی دەستووری عێراق دوو زمانی فەرمین، شێوەزاری عەرەبی عێراقی لە لایەن نزیکەی ٨٥-٨٨٪ی عێراقییەوە قسەی پێدەکرێت، زمانی کوردیش بە شێوەزارە سۆرانی و بادینی و لورییەکانییەوە نزیکەی ١٣–١٧٪. زمانی ئینگلیزی بەربڵاوترین زمانی بیانییە. لە کاتێکدا زمانی تورکمانی، کە شێوەزارێکی ئازەرییە، زمانی سێیەمە و نزیکەی ٥٪ی عێراقییەکان و سریانی و کلدانی و ئاشوورییش نزیکەی ٣٪ی عێراقییەکان قسەی پێدەکەن، زمانی دیکەش ھەن کە بە قەبارەیەکی کەمتر قسەیان پێدەکرێت، وەک فارسی و ئەرمەنی و شەبەک.
| کۆمنزی ویکیمیدیا، میدیای پەیوەندیدار بە خەڵکی عێراق تێدایە. |
