حیزبی شیوعیی کوردستان-عێراق

حیزبی شیوعیی کوردستان ـ عێراق، لە ئاکامی پەرەسەندنی ھۆشمەندی چینایەتی‌ و سیاسی گەلی کوردستان بە گشتی ‌و رۆڵی کرێکاران ‌و رەنجدەران لە تێکۆشانە نیشتمانی ‌و چینایەتییەکاندا، دامەزراوە.

حیزبی شیوعیی کوردستان-عێراق
دامەزراندن	١٩٤٥ وەکوو «لقی کوردی حیزبی شیوعیی عێراق» ٣٠ی حەزەیرانی ١٩٩٣
جیابووەتەوە لە	حیزبی شیووعیی عێراقی
پێشینە	لقی کوردی حیزبی شیوعیی عێراق
ڕۆژنامە	ئازادی (١٩٤٥-١٩٦٠)
تەلەڤیزیۆن	ئازادی تیڤی
ئایدۆلۆژیا	سۆشیالیزم کۆمۆنیزم مارکسیزم-لێنینیزم
شوێنی سیاسی	شوێنی سیاسی
ئینتیمای نیشتمانی	لیژنەی کاری ھاوبەشی چەپی کوردستان
ئینتیمای نێودەوڵەتی	کۆبوونەوەی نێونەتەوەییی پارتە شیوعی و کرێکارییەکان
ماڵپەر
www.regaykurdistan.com

مێژووی حیزب

ئەم رێکخراوە لە یەکەمین کۆنگرەی حیزبی شیوعیی عێراقدا لە ساڵی ١٩٤٥دا بە ڕەچاوکردنی تایبەتمەندێتی نەتەوەیی، بەناوی لقی کوردی حیزبی شیوعیی عێراق ڕاگەیەنراوە و مافی دانانی بەرنامە ‌و پێڕەوی ناوخۆی پێدراوە، پاشان بوو بە لقی کوردستان.

لە ئایاری ١٩٦٦دا لقی کوردستان یەکەمین کۆنفرانسی خۆی بەست و دواتر لە سێیەمین کۆنفرانسی حیزبدا لە کانوونی یەکەمی ١٩٦٧ گۆڕا بۆ رێکخراوی ھەرێمی کوردستانی حیزبی شیوعیی عێراق و، لە ئایاری ١٩٦٩دا کۆنگرەی یەکەمی خۆی بەست ‌و بەرنامەیەکی نیشتمانی ‌و دیموکراسی داڕشت.

لە دوای ئەو وەرچەرخانە مێژووییەی کە لە ئەنجامی راپەڕینی ئاداری ١٩٩١دا ھاتەکایەوە، رێکخراوی ھەرێمی کوردستان دووەمین کۆنگرەی خۆی لە (٣٠/٦/١٩٩٣)دا بەست و حیزبی شیوعیی کوردستان ـ عێراقی وەک درێژەپێدەری رێکخراوی ھەرێمی کوردستان، ڕاگەیاند.

ڕۆژنامەی ئازادی یەکەمین ڕۆژنامەی سیاسی شیوعیی کوردیە لە عێراق ١٩٤٥-١٩٦٠

ئەمانەش ببینە

• ڕۆژی شەھیدی شیوعی
• کۆمەڵەی ئافرەتانی کوردستان