تەمی سەر خەرەند
تەمی سەر خەرەند ڕۆمانێکە لە نووسینی شێرزاد حەسەن کە پاییز و زستانی ٢٠٠٢ نووسیویەتی و ساڵی ٢٠٠٣یش لە ھەولێر بڵاوی کردووەتەوە. تەمی سەر خەرەند یەکێک لە باشترین ڕۆمانە کوردییەکانە.[١]
 | |
| نووسەر | شێرزاد حەسەن |
|---|---|
| وڵات | کوردستان |
| زمان | کوردی |
| بابەت | ڕۆمان |
| جۆری کتێب | چاپ ئەلکترۆنی دەنگی |
چیرۆک
دەستکاریفەرھاد، دوای چەند ساڵان لە ھەندەرانەوە دەگەڕێتەوە کوردستان و دەچێتەوە گوندی خۆیان. لەوێ، لەگەڵ ئەوەی بە ھەموو شوێنێک نامۆیە و ھیچ ناسیاوێکیش نابینێت، بە بیرەوەرییەکانی سەردەمی منداڵیی خۆیدا دێتەوە.[٢]
کەسایەتییەکان
دەستکاری- فەرھاد
- شیرین
- نەنێ
چاپەکان
دەستکاری- چاپەمەنیی مانگ
- ناوەندی غەزەلنووس
- دەزگای ئاراس
- دەزگای ئاراس - لەگەڵ سەرجەمی بەرھەم ٢ (ڕۆمانەکانی شێرزاد حەسەن)
- ماڵی وەفایی (کۆڕۆمان)
وەرگێڕانەکان
دەستکاری- ڕەزا کەریم موجاور ئەم ڕۆمانەی لەژێر ناوی «ناتور درە» وەرگێڕاوەتە سەر فارسی و چاپەمەنیی ئەفراز لە ١٤٢ لاپەڕەدا بڵاوی کردووەتەوە؛ دوایین جار ساڵی ٢٠١٦ چاپ کراوەتەوە.[٣]
فیلم
دەستکاریبڕیار وابوو ساڵی ٢٠٠٥ لەسەر بنەمای ئەم ڕۆمانە فیلمێک لە خەرەندی ڕەواندز ساز بکرێت. تەنانەت لە نێوان وەزارەتی ڕۆشنبیری و دەرھێنەرەکەی، بەڵێننامەیەک واژوو کرا، بەڵام پرۆژەکە لە کۆتاییدا ڕووبەڕووی ھەندێک کێشەی دارایی و یاسایی بۆوە.[٤]
کورتە
دەستکاریسەگباب تۆ شوانی چەند مەڕ و بزنانی؟ بەدەم ھەنسکەوە وتم: شەست.. پەنجا.. سی.. نە، بوەستە مامۆستا، بە بزنە شێتەکەوە چل و چوار.. یان چل و پێنج. شێتانەتر پرسی: چل و چوار.. یان چل و پێنج؟ شپرزەتر و داماوتر وتم: چل و ھین.. چل ھین.. ! تفێکی لێ کردم، ویستم بیسڕمەوە.. چل و گۆڕی باوکت.. نەکەی.. ئەو تفە نەسڕیتەوە.. حەیوان.. ئەو بزنە شێتە بۆ جیا دەکەیتەوە؟ شەپازللەیەکی لەناکاوی سرەواندە ناو دەمم و بۆکسێکی خێواندە پشتی سەرم کە وەھا توند بوو، پۆلەکەی لەبەر چاو تاریک کردم.. لە ترسانا.. بەپەلە و بە درۆ وتم: چل و پێنج.[٥]
سەرچاوەکان
دەستکاری- ^ ئەندێشە. «لیستی 50 باشترین ڕۆمانە کوردییەکان». ئەندێشە. لە ڕەسەنەکە لە ١٩ی تەممووزی ٢٠٢٠ ئەرشیڤ کراوە.
- ^ «تێڕامانێک لە ئاستەنگەکانی زمانی کوردی». chawykurd.com. لە ڕەسەنەکە لە ٢ی ئەیلوولی ٢٠٢١ ئەرشیڤ کراوە.
- ^ «نگاھی بە ڕمان «ناتور درە» اثر شیرزاد حسن». خانە کتاب کُردی (بە فارسی).
{{cite web}}: ڕاگرتنی شێوازی سەرچاوەی ١: خاڵبەندیی زیادە (بەستەر) ڕاگرتنی شێوازی سەرچاوەی ١: ڕەوشی ناونیشان (بەستەر) - ^ «ڕەواندز ھۆلیۆدی کوردستانە». zarikrmanji.net. لە ڕەسەنەکە لە ٢ی ئەیلوولی ٢٠٢١ ئەرشیڤ کراوە.
- ^ تەمی سەر خەرەند ٢٠٠٣، شێرزاد حەسەن، ٢٠١٥
