یەکێتیی سۆڤیەت لە ئۆڵۆمپیاد
یەکێتیی سۆڤیەت بۆ یەکەمجار لە ساڵی ١٩٥٢ بەشداری یارییەکانی ئۆڵۆمپیادی کرد، دواتر لە ١٨ بۆنەدا لە یارییەکانی ھاوینە و زستانەدا بەشداری کرد. لە شەش لە یارییەکانی ئۆڵۆمپیادی ھاوینەدا ، وەرزشوانانی یەکێتیی سۆڤیەت پلەی یەکەمی بەدەستھێنا لە کۆی ژمارەی میدالیای زێڕین، سێ جار پلەی دووەمی بەدەستھێنا و بووە گەورەترین ڕکابەری ئەمریکا لە یارییەکانی ھاوینەدا. بە ھەمان شێوە لە ژماردنی میدالیای زێڕدا حەوت جار پلەی یەکەم و دووجاریش پلەی دووەم لە ٩ لە یارییەکانی ئۆڵۆمپیادی زستانەدا بەدەستھێنا . [١]دوای شۆڕشی ڕووسیا لە تشرینی دووەمی ١٩١٧ و شەڕی ناوخۆی ڕووسیا (١٩١٧-١٩٢٢)، یەکێتی سۆڤیەت لەسەر بنەمای ئایدیۆلۆژی بەشداری لە ڕووداوە وەرزشییە نێودەوڵەتییەکان نەکرد؛ [٢] بەڵام دوای جەنگی جیھانی دووەم (١٩٣٩-١٩٤٥)، زاڵبوون بەسەر یارییە ئۆڵۆمپیادەکاندا لەلایەن بەرپرسان و سەرکردەکانی سۆڤیەت وەک شێوازێکی بەسوود بۆ پێشخستنی کۆمۆنیزم سەیرکرا. [٣] کۆمیتەی ئۆڵۆمپی یەکێتی سۆڤیەت لە ٢١ی نیسانی ١٩٥١ پێکھێنرا و کۆمەڵەی نێودەوڵەتی نێودەوڵەتیش لە دانیشتنی ٤٥ی خۆیدا (٧ی ئایاری ١٩٥١) ئەو دەستە نوێیەی ناساند.بەم شێوەیە ئۆڵۆمپیادی ھاوینەی ساڵی ١٩٥٢ لە شاری ھێلسنکی بووە یەکەم یاریی ئۆڵۆمپیاد بۆ وەرزشوانانی سۆڤیەت. لە ٢٠ی تەمموزی ١٩٥٢ نینا ڕۆماشکۆڤا یەکەم میدالیای زێڕی ئۆڵۆمپیادی لە مێژووی وەرزشی سۆڤیەتدا بەدەستھێنا.یەکێتی سۆڤیەت یارییەکانی ئۆڵۆمپیادی لە ساڵی ١٩٨٠دا ڕێکخست کە مۆسکۆ میوانداری کردبوو، کە چەند وڵاتێک بە سەرۆکایەتی ئەمریکا بایکۆتیان کرد، ئەمەش وەک ناڕەزایەتییەک بەرامبەر بە داگیرکردنی ئەفغانستان لەلایەن یەکێتی سۆڤیەتەوە لە ساڵی ١٩٧٩، لە بەرامبەردا یەکێتی سۆڤیەت بایکۆتی بەشداریکردنی لە یارییەکانی ئۆڵۆمپیادی ھاوینەی ١٩٨٤ی کرد کە لە لۆس ئانجلەس لە ویلایەتی کالیفۆرنیای ئەمریکا بەڕێوەچوو.
سەرچاوەکان
دەستکاری- ^ «The Role of Sports in the Soviet Union | Guided History». لە ڕەسەنەکە لە ٢٢ی تشرینی یەکەمی ٢٠١٤ ئەرشیڤ کراوە. لە ٨ی نیسانی ٢٠٢٣ ھێنراوە.
- ^ Keys, Barbara J. (2006), Globalizing Sport: National Rivalry and International Community in the 1930s, Harvard University Press, Cambridge, Massachusetts, ISBN 0-674-02326-9 (p. 159)
- ^ O'Mahony, Mike (2006), Sport in the USSR: Physical Culture—Visual Culture, Reaktion Books Ltd, London, ISBN 1-86189-267-5 (p. 19)
| کۆمنزی ویکیمیدیا، میدیای پەیوەندیدار بە یەکێتیی سۆڤیەت لە ئۆڵۆمپیاد تێدایە. |
