ھەژیر میھرئەفرووز

ھەژیر میھرئەفرووز (بە فارسی: هژیر مهرافروز، لەدایکبووی ١٩٧٩) گۆرانیبێژ و ژەنیاری کوردی خەڵکی ئێرانە.

وێنەی ھەژیر میھرئەفرووز، ھاوینی ٢٠١٧

لە ساڵی ١٩٧٩ لە بنەماڵەیەکی ناوداری یارسان لە سەحنەی کرماشان لە دایک بووە. ھەژیر خوشکەزای سەید خەلیل عالینەژاد ھونەرمەندی بەناوبانگی یارسانە. ھەر لە منداڵییەوە فێری مۆسیقای ئایینی و کۆنی ئێرانی و ژەندنی ئامێرەکانی تەمبوور و تار و دیوان بووە. پاشان ئامێرە ڕۆژئاواییەکانیش وەک پیانۆ و گیتاریش فێر بووە. کاری ھونەریی خۆی لە ساڵی ٢٠٠٢ەوە بە دامەزراندنی «گرووپی ئایان» دەست پێ کرد. ساڵی ٢٠١٢ وەک ژەنیار و گۆرانیبێژ بەشداری کردووە لە میھرەجانی «لۆکارنۆ فۆلک» لە وڵاتی سویسرا.

ئەلبۆمەکان

زۆربەی بەرھەمەکانی ئایینی و عیرفانین و زۆر لە شیعرەکانی مەولانای ڕۆمی کەڵکی وەرگرتووە.

• «دل قلندر» (٢٠٠٨)
• «آیان» (٢٠٠٩)
• «گدازه‌ها» (٢٠٠٩)
• «من خانه نمی‌دانم» (٢٠١٤)
• «لامی» (٢٠١٤)
• «آمده‌ام که سر نهم» (٢٠١٧)

ئەمانەش ببینە

• سەید خەلیل عالینەژاد
• یارسان