ھێرشی سەر کونسوڵخانەی ئیسرائیل لە بەرلین
ھێرشی سەر کونسوڵخانەی ئیسرائیل لە بەرلین ھێرشێک بوو بۆ سەر کونسوڵخانەی ئیسرائیل لە شاری بەرلینی پایتەختی ئەڵمانیا لایەن لایەنگرانی پارتی کرێکارانی کوردستانەوە لە ١٧ی شوباتی ١٩٩٩دا لە دوای گیرانی سەرۆکی پارتەکە عەبدوڵڵا ئۆجەلان لە شاری نایرۆبی پایتەختی کینیا. لە ھێرشەکەدا ھێزە پارێزەرەکانی باڵیۆزخانەکە تەقەیان لە لایەنگرانی پەکەکە کرد و لە ئەنجامدا سێ کەس کوژران و ١٤ی تریش برینداربوون.[١]
| ڕێکەوت | 17 شوبات 1999 |
|---|---|
| ناوچە | کونسوڵخانەی ئیسرائیل، بەرلین، ئەڵمانیا |
| ئاراستەکان | 52.4836°N 13.2888°E |
| جۆر | ناڕەزایەتی، تێکدان، هەوڵی هەڵکوتانە سەر |
| پاڵنەر | تۆڵەسەندنەوەی گوماناوی موساد تێوەگلانی لە گرتنی عەبدوڵڵا ئۆجالان |
| Organised by | لایەنگرانی پەکەکە |
| مردنەکان | 3 |
| برینداربووان | 14 |
پێشەکی
دەستکاریلە تشرینی یەکەمی ١٩٩٨دا عەبدوڵلا ئۆجەلان، ڕێبەری پەکەکە، ناچار بوو سووریا بەرەو مۆسکۆی پایتەختی ڕووسیا بەجێبھێڵێت، بەڵام لەوێ ڕێگای پێنەدرا بمێنێتەوە، دواتر بەرەو ڕۆمای پایتەختی ئیتالیا ھەڵھات، ئەگەرچی حکوومەتی ئیتالیا نەیویست ڕێگە بە ئۆجەلان بدات بمێنێتەوە، بەڵام لەگەڵ ئەوەشدا لە ڕووی یاسایییەوە نەیاندەتوانی ڕادەستی تورکیای بکەن چونکە لەوێ ئەگەری ھەبوو ڕووبەڕووی سزای لە سێدارەدان ببێتەوە. دوای ئەوەی ڕێگەی پێنەدرا بچێتە وڵاتانی ئەڵمانیا و ھۆڵەندا و فەڕەنسا، لە ١ی شوباتی ١٩٩٩ دا ئۆجەلان چووە یۆنان. ئۆجەلان لە ١٥ی شوباتی ١٩٩٩ دا بە دیل گیرا لەلایەن ڕێکخراوی ھەواڵگریی نیشتیمانی تورکیاوە و بە ھاوکاری یۆنان لە کاتێکدا لە باڵیۆزخانەی یۆنانەوە دەگوازرایەوە بۆ فڕۆکەخانەی نێودەوڵەتیی شاری نایرۆبی. ئەگەرچی بەفەرمی ئاشکرا نەکراوە بەڵام دەگوترێت سی ئای ئەی و مۆساد بەژداری ئۆپەراسیۆنەکە بوون.[٢]
ھێرشەکە
دەستکاریخۆپیشاندانی ناڕەزایی لە جیھاندا دەستیپێکرد لە دوای بڵاوبوونەوەی ھەواڵی دەستگیرکردنی ئۆجەلان لەلایەن ڕێکخراوی ھەواڵگریی تورکیاوە لە کینیا. ٥٥ بۆ ٢٠٠ لایەنگری پەکەکە بە پارچە شیشی ئاسنینەوە لە ڕۆژی ١٧ی شوبات ھێرشیان کردە سەر باڵیۆزخانەی ئیسرائیل لە بەرلین و مۆسادیان تۆمەتبار کرد بە یارمەتیدانی حکوومەتی تورکیا لە دەستگیرکردنی ئۆجەلاندا. دوای ئەوەی خۆپیشاندەران توانییان ھێڵەکانی پۆلیس تێپەڕێنن و بچنە ناو بینای کونسوڵخانەکە، ھێزە پارێزەرەکانی ئیسرائیل تەقەیان لە ھێرشکەرەکان کرد و لە ئەنجامدا سێ کەس کوژران و ١٤ کەس برینداربوون. دواتر پۆلیسی ئەڵمانیا ٣٠ لایەنگری پەکەکەی دەستگیرکرد و ناوچەکەیان بەڕووی خەڵکیدا داخست لە کاتێکدا ھەلیکۆپتەرەکان بەسەر بینای کۆنسوڵخاندا دەسوڕانەوە.[٣]
کاردانەوەکان
دەستکاری
بێنیامین نێتانیاھو، سەرۆک وەزیرانی ئەو کاتەی ئیسرائیل بەرگری لە وەڵامدانەوەی ھێزەکانی باڵیۆزخانەکە کرد و گوتی خۆپیشاندەران ھەوڵیان دابوو چەکێک لە یەکێک پارێزەرانی باڵیۆزخانەکە بستێنن. دوای ھێرشەکە ئیسرائیل پاسەوانی ھەموو باڵیۆزخانەکانی لە جیھاندا توندکردەوە.[٤]
سەرچاوەکان
دەستکاری- ^ «3 KURDS SHOT DEAD BY ISRAELI GUARDS AT BERLIN PROTEST». Nytimes.com. ١٨ی شوباتی ١٩٩٩. لە ١٦ی کانوونی یەکەمی ٢٠١٦ ھێنراوە.
- ^ By TIM WEINERFEB. 20, 1999 (٢٠ی شوباتی ١٩٩٩). «U.S. Helped Turkey Find and Capture Kurd Rebel». Nytimes.com. لە ١٦ی کانوونی یەکەمی ٢٠١٦ ھێنراوە.
{{cite web}}: ڕاگرتنی شێوازی سەرچاوەی ١: ناوە ژمارەیییەکان: authors list (بەستەر) - ^ From the Associated Press. «Three Kurds killed in Berlin shootout». The Guardian. لە ١٦ی کانوونی یەکەمی ٢٠١٦ ھێنراوە.
- ^ «Attack on Israeli Consulate in Berlin». mfa.gov.il. ١٧ی شوباتی ١٩٩٩. لە ٢٨ی کانوونی دووەمی ٢٠١٩ ھێنراوە.
