گۆرانییەک بۆ بەکۆ
گۆرانییەک بۆ بەکۆ (بە کوردیی باکووری: Klamek ji bo Beko، بە ئینگلیزی: A Song for Beko، بە ئەڵمانی: Ein lied für beko) لە یەکەم فیلمە کوردییەکان و یەکەم کاری دەرھێنانی نیزامەدین ئاریچە؛ ساڵی ١٩٩٢ بەرھەم ھاتووە.[١]
| گۆرانییەک بۆ بەکۆ | |
 | |
| دەرھێنەر | نیزامەدین ئاریچ |
|---|---|
| بەرھەمھێنەر | Margarita Woskanjan Filmproduktion |
| نووسین | نیزامەدین ئاریچ |
| چەشنی فیلم | دراما جەنگی |
| مۆسیقا | نیزامەدین ئاریچ |
| وێنەگری سینەمایی | Thomas Mauch |
| ڕێکەوتی دەرچوون | ١٩٩٢ |
| ماوەی فیلم | ١٠٠ خولەک |
| وڵات | ئەرمەنستان ئەڵمانیا |
| زمان | کوردیی کورمانجی |
چیرۆک
دەستکاریکلامەک ژ بۆ بەکۆ چیرۆکی سەفەری دوورودرێژی بەکۆ، قارەمانی سەرەکیی فیلمەکەیە کە خەڵکی سورووچە و بەدوای جەمالی برایدا دەگەڕێت کە بۆ ئەوەیکە نەچێتە ناو ھێزە چەکدارییەکانی تورکیا، ڕای کردووە بۆ باشوور تاوەکوو ببێتە پێشمەرگە. بەکۆ دوای ئەوەی لە دەست سەربازەکانی تورکیا هەڵدێت، لە چەمی فوراتەوە بە قاچاغ لە باکوورەوە دەچێتە ڕۆژاوا و لەوێشەوە پێشمەرگە یارمەتی دەدەن بگاتە باشوور. لە باشوور لەناو ئاوارەکانی شەڕی ئێران و عێراقدا دەگیرسێتەوە و بۆ ماوەیەک هەتا هەواڵی براکەی پێ دەگات لەناویاندا دەژی و لەگەڵ منداڵەکانی ئەوێ کە زۆربەشیان بەبۆنەی شەڕەوە هەتیو کەوتوون، کات بەسەر دەبات. بەکۆ لە هێرشێکی کیمیایی دەرباز دەبێت و لەگەڵ دانەیەک لە منداڵەکان بەناوی زینێ، کە کوێر بووە دەڕواتە ئاڵمان؛ لە کۆتاییدا دەردەکەوێت کە جەمالی برای هەرگیز نەگەیوەتە باشووری کوردستان، بەڵکوو گیراوە و کراوە بە سەربازی تورکیا و لە شەڕ لەگەڵ هێزە کوردییەکاندا کوژراوە. فیلمەکە دەستپێکەکەی لە کوردستانە و بە گەیشتنی بەکۆ بۆ ئەڵمانیا کۆتایی پێ دێت.[٢][٣]
- نیزامەدین ئاریچ: بەکۆ
- جەمالێ ژۆرا: جەمال
- لوسکا حەسەن: زەینۆ
خەڵاتەکان
دەستکاری- خەڵاتی Kodak-Cinecritica لە Venice Film Festival بۆ ساڵی ١٩٩٢
- خەڵاتی بینەران لە Angers European First Film Festival بۆ ساڵی ١٩٩٣
- خەڵاتی بینەران لە São Paulo International Film Festival بۆ ساڵی ١٩٩٣
- خەڵاتی تایبەتیی دادوەران، خەڵاتی دادوەرانی لاو و خەڵاتی بینەران لە Fribourg International Film Festival بۆ ساڵی ١٩٩٤
سەرچاوەکان
دەستکاری- ^ «A Song for Beko». trigon-film.org (بە ئینگلیزی).
{{cite web}}: ڕاگرتنی شێوازی سەرچاوەی ١: ڕەوشی ناونیشان (بەستەر) - ^ «A Song for Beko». Time Out Worldwide (بە ئینگلیزی).
{{cite web}}: ڕاگرتنی شێوازی سەرچاوەی ١: ڕەوشی ناونیشان (بەستەر) - ^ A Song for Beko (1992) (بە ئینگلیزی)
- ^ «ڕۆڵی ژن لە سینەمای کوردیدا». ژنەفتن.
{{cite web}}: ڕاگرتنی شێوازی سەرچاوەی ١: ڕەوشی ناونیشان (بەستەر)
