پیاوێک کە ئۆڤێی پێ دەوترا
پیاوێک کە ئۆڤێی پێ دەوترا (بە ئینگلیزی: A Man Called Ove) یەکەم ڕۆمانی نووسەری سوێدی فرێدریک بەکمەنە. ڕۆمانەکە لە ساڵی ٢٠١٢ لە سوێد بڵاو کرایەوە و لە ھەمان ساڵدا زۆرتر لە ٦٠٠ ھەزار دانەی لێ فرۆشرا. وەرگێردراوەتە سەر زۆرتر لە ٣٠ زمان و پلەی یەکەمی لە پێڕستی پڕفرۆشترین کتێبەکانی سوێد و نیویۆرک تایمزدا بەدەست ھێنا. فیلمێک بە ھەمان ناونیشانی ڕۆمانەکە لە ساڵی ٢٠١٦ دەرچوو.
.jpg) ڕووبەرگی چاپی ئینگلیزیی ڕۆمانەکە | |
| نووسەر | فرێدریک بەکمەن |
|---|---|
| سەردێڕی سەرەکی | En man som heter Ove |
| وڵات | سوێد |
| زمان | سوێدی |
| چەشن | ڕۆمان |
| بڵاوکەرەوە | Washington Square Press (US) |
ڕێکەوتی بڵاوبوونەوە | ٢٠١٢ سوێدی ٢٠١٣ ئینگلیزی |
| جۆری کتێب | چاپکراو |
| لاپەڕەکان | ٣٦٨ لاپەڕە (ئینگلیزی) ٣٤٧ لاپەڕە (سوێدی) |
| ژپنک (ISBN) | 978-1-4767-3802-4 |
کورتەی چیرۆکەکە
دەستکاریڕۆمانەکە لەبارەی پیاوێکی ٥٩ ساڵە بە ناوی ئۆڤێدایە کە زۆر کەمدوێیە و ئەخلاق گران دیارە؛ ئۆتۆمۆبیلێکی سابی ھەیە و پێی وایە کەسایەتیی ھەموو کەسێک بەو ئۆتۆمۆبیلەی سواری دەبێت دیاری دەکات. ئۆڤێ خۆشی لە پشیلەکان نایەت، بەڵام ھاوسەرەکەی کە لە چیرۆکەکەدا لە ژیاندا نەماوە ھەتا بڵێی حەزی لە پشیلە و کتێب خوێندنەوە بووە. پەیوەندیی ئۆڤێ لەگەڵ سۆنیا، بێ ھاوتا و تایبەتە بە شێوەیەک کە لە بەشێک لە ڕۆمانەکەدا ھاتووە: «ئەگەر کەسێک لە ئۆڤێی بپرسیبا جاران چۆن ژیاوە، ئۆڤێ دەیوت تا پێش ناسینی سۆنیا، من قەت نەژیاوم، و لەوەتەی مردووەش ھەر وا».
ئۆڤێ زۆر دڵتەنگی ھاوسەرەکەیەتی، چەندین جار ھەوڵ دەدات خۆی بوکوژێت، چونکە بەبێ سۆنیای ھاوسەری ئیتر ژیان ھیچ واتایەکی بۆی نەماوە، بەڵام سەرکەوتوو نابێت و ناتوانێ خۆی بکوژێت، چونکە دراوسێکانی بەردەوام دەچنە لای و داوای یارمەتی لێ دەکەن و ھەر کات دەیھەوێ خۆی بکوژێت کەسێک یان ڕووداوێکی نەخوازراو ڕێی لێ دەگرێت. ئۆڤێ وردەوردە پەیوەندی لەگەڵ دراوسێکانی باشتر دەبێت.[١]
کەسایەتییەکان
دەستکاری- ئۆڤێ، پیاوێکی ٥٩ ساڵە کە بە زۆری خانەنشین کراوە
- سۆنیا، ھاوسەری ئۆڤێ، لە چیرۆکەکەدا مردووە
- پەروانە، دراوسێی ئۆڤێ، ژنێکی دووگیان کە دوو مناڵیشی ھەیە
- پاتریک، ھاوسەری پەروانە
- ڕۆنێ، جیران و ھاوڕێی ئۆڤێ
- ئانیتا، ھاوسەری ڕۆنێ
- ئادریەن، پۆستەچی
- جیمی
ڕای ھەندێک لە ڕەخنەگرە ئەدەبییەکانی ئاڵمان سەبارەت بەم کتێبەوە
دەستکاریفیلم
دەستکاریفیلمێکی سوێدی بە ھەمان ناو نیشانی ڕۆمانەکە لە ٢٥ی کانوونی یەکەمی ٢٠١٥ دا بڵاو بوویەوە. نووسەر و دەرھێنەری فیلمەکە ھانس ھۆڵم بوو. ڕۆڵف لاسگورد لەم فیلمەدا ڕۆڵی ئۆڤێ دەگێڕێت. فیلمەکە بۆ شەش خەڵات کاندید کراوە، کە دوو خەڵاتی بەدەست ھێناوە لە ٥١ـەمین خەڵاتی گولدبەگ لە ساڵی ٢٠١٦.[٢][٣]
پەراوێزەکان
دەستکاری- ^ ئ ا ب مردی به نام اوه فردریک بکمن، ترجمه‌ی حسین تهرانی، جهان نو، چاپ سی و هفتم
- ^ Göransson، Jan (4 January 2016). «Nominations for the 2015 Guldbagge Awards» (ھەواڵ). Swedish Film Institute. لە ڕەسەنەکە لە ٤ی ئازاری ٢٠١٦ ئەرشیڤ کراوە. لە 5 January 2016 ھێنراوە.
{{cite press release}}: زیاتر لە یەک دانە لە|ناونیشانی ئەرشیڤ=و|archive-url=دیاری کراوە (یارمەتی); نرخەکانی ڕێکەوت بپشکنە لە:|access-date=و|date=(یارمەتی) - ^ «Glädjevrålet på Guldbaggegalan» [The Joy of the Guldbagge Awards]. Aftonbladet (بە سامیی باکوور). ١٨ی کانوونی دووەمی ٢٠١٦. لە ١٩ی کانوونی دووەمی ٢٠١٦ ھێنراوە.
سەرچاوەکان
دەستکاری- بەشداربووانی ویکیپیدیا، «A Man Called Ove (novel)»، ویکیپیدیای ئینگلیزی. سەردان لە ١٥ی تەممووزی ٢٠٢٠.
