وەرگێڕان

وەرگێڕان بریتییە لە شرۆڤەکردنی واتا یان لێکدانەوەی مانای دەقێک و پاشان بەرھەمھێنانی دەقێکی ھاوتای ئەو دەقە لە زمانێکی دیکەدا، بە شێوەیەک کە ھەمان پەیام و مەبەست بگەیەنێت، ئەو دەقەی کە بڕیارە وەربگێڕێتەوە سەر زمانێکی دیکە پێی دەوترێت دەقی ژێدەر و ئەو دەقەی کە لە زمانی مەبەست وەکو ھاوتا و بەرامبەری واتایی ئامادە کراوە پێی دەوترێت دەقی مەبەست، ھەروەھا بەو زمانەی کە دەقی ژێدەری پێ نووسراوە و وەریدەگێڕینەوە دەوترێت زمانی ژێدەر و بەو زمانەی کە دەقەکەی پێ وەردەگێڕینەوە دەوترێت زمانی مەبەست.

بەو کەسەی کە کاری وەرگێڕان ئەنجام ئەدات دەوترێت وەرگێڕ، چەندین وەرگێڕی جیاوازیش بوونیان ھەیە لەوانە: وەرگێڕی بەرنامە(مۆبایل و کۆمپیوتەر)، وەرگێڕی فیلم و دراما، وەرگێڕی مۆسیقا کە بە ژێرنووس ناودەبرێت.