پەڕەی سەرەکی بکەرەوە

وەرزش پێکدێت لە کۆمەڵە یاری یان وازیەک کە بەکۆمەڵ یان جووت یان تاک دەکرێت. هەندێک کەس وەرزش دەکەن بە پیشەی خۆیان و هەندێک کەس بۆ جوانی و ڕێکی لەش و تەندروستی دەیکەن و هەندێکیش بۆ کات بەسەربردن دەیکەن. چەندین جۆری وەرزش لە جیهاندا هەن کە هەر لە وەرزشی تاکەکەسییەوە تا دەگاتە ئەو وەرزشانەی کە زیاتر لە سەد کەس تێیدا بە شێوەی هەڵبژاردە و کۆمەڵ یان پێشبڕکێ بەشداری دەکەن. لە بەناوبانگترین ئەو یارییانە بریتین لە تۆپی پێ ، تۆپی باسکە ، مەلەوانی ، کاراتێ ، زۆرانبازی و تێنس و ڕەکبی و ھۆکی و پێشبڕکێی ئۆتۆمبێڵ و پاسکیل سواری و ئەسپ سواری و بالە و بەرزکردنەوەی قورسایی ھتد...

وەرزشکارێک لەکاتی یاریکردن لەسەر سەهۆڵ

وەرزش بە گشتی بەوە دەناسرێتەوە کە چەندین جووڵەی فیزیایی تێدا ئەنجام دەدرێت. وەرزشەکان هەموویان بە چەندین یاسا و ڕێنمایی بەڕێوەدەچن ئەویش بۆ ئەنجامدانی پێشبڕکێیەکی دادپەروەرانەیە و، هەروەها ڕێخۆشکەرە بۆ بەشداربوو کە بۆ بردنەوەی خەڵات سەربکەوێت.

مێژوودەستکاری

چەندین شوێنەوار و ئاماژە هەن بۆ ئەوەی کە چینییەکان چەندین کاری وەرزشییان پێش (٢٠٠٠ پ.ز) ئەنجامداوە.[١] یاری جیمناستیک وا دەردەکەوێت کە یەکێک بووبێت لە یارییە کۆنەکانی وڵاتی چین. بە پێی مۆنۆمێنتی فیرعەونەکان ژمارەیەک لە وەرزش لەوانە (مەلەوانی و ڕاوە ماسی) باش پەرەیان پێ دراوە و بەرەو پێش چوون پێش چەندین هەزار ساڵ پێش ئێستا لە میسری کۆندا.[٢]

جۆرەکانی یاریە وەرزشیەکاندەستکاری

  • وەرزشی کۆمەڵ یان بەتیپ وەک یاری تۆپی پێ
  • یاری وەرزشی ئاوی (کە لەنێو ئاو دەکرێ یاریەکە) وەک یاری مەلەوانی
  • وەرزش بەهۆی ئاژەڵ وەک ئەسپ سواری
  • وەرزش بەهۆی تۆپ و دار وەک بلیارد و گۆڵف

ڕاهێنانی وەرزشدەستکاری

یاریکەران یان وەرشوانان بەر لە ئەنجامدانی یاریە وەرزشیەکان ڕاهێنان دەکەن بۆ دەرخستنی ئاستی خۆیان یانخوود زۆر جار کەسایەتیەکان ڕوو لەوەرزش دەکەن و ڕاهێنان دەکەن هەم بۆ لاوازی و هەمیش بۆ ڕێکی لەش و تەندروستی خۆیان ، پزیشکانیش یاری مەلەوانی بە باشترین یاری دادەنێن بەهۆکاری ئەوەی سەرجەم یا سەراپای ئەندامانی لەشی مرۆڤ لە جووڵە دادەبێت

سوودی وەرزشدەستکاری

وەرزشکردن بەسوودە بۆ توانای جەستەیی و ڕێکی لەش و تەندروستی گشت تاکێک بۆیە لەسەرانسەری جیھان گرنگی بەوەرزش دەدرێت لەزۆر ووڵاتان وەرزش بۆتە سیمبووڵی پێشکەوتن و بەروپێشچوونی ووڵاتان ، یا زۆر جار مرۆڤ وەرزش دەکا بۆ لاوازکردنی خۆی چ بە یاری چ بە ئامێری وەرزشی

وەرزش و سیاسەتدەستکاری

زۆرێک پێیان وایە پەیوەندی نێوان سیاسەت (ڕامیاری) و وەرزش پەیوەندیەکی دوورە ، کەچی زۆر جار دەبینین لەپەنای وەرزش و یاری وەرزشی کێشەی سیاسی دەکەوێت نێوان ووڵاتان ، یاخوود لە زۆرێ لەیاریە وەرزشیەکان کەسایەتی سیاسی یا سەرۆک دەوڵەت ئامادەی یاریەکان دەبێت و وەکوو هاندەرێکی ئاسایی هانی هەڵبژاردەی ووڵات یان یانەکەی دەدات

وەرزش و ئابووریدەستکاری

وەرزش هۆیەکە بۆ بەرەو پێشبردنی ووڵات لە ڕووی ئابوریەوە بەوەی کە ووڵات میوانداری پاڵەوانیەتیەکی گەورە بکا ، وە میوانداری پاڵەوانیەتیەکانیش هۆیەکی تریشە بۆ ناساندی کەلتوور و ڕەگەزی ووڵاتەکە بەوەی گشت مێدیاکارانی جیهانی گرینگی بە شوێن و پاڵەوانیەتیەکە دەدەن!

==گرینگترین یاریە وەرزشیەکان==ره گبی -سپاک ترا—کریکێت-هاکی-ووشو-گوره پانی

ناوبانگی ووڵاتان لەوەرزشدەستکاری

  • ووڵاتی بەڕازیل بەناوبانگە بە تۆپی پێی و پێگەیاندنی یاریزانان
  • ووڵاتی ئەمریکا بەھۆی بوونی خولیNBA تۆپی باسکە بۆتە سیمبووڵێکی ئەم ووڵاتە
  • ووڵاتی چین بە یاری تۆپی سەرمێز بەناوبانگە
  • ووڵاتی ڕووسیا لەتۆپی بالە بەھێزترین پاڵەوانە
 
تیپێکی خانمان لەکاتی یاریکردنی ڕەکبی

سەرچاوەدەستکاری