ویکیپیدیا:شێواز/ژیاننامە

پەراگرافی دەستپێک

پەراگرافی دەستپێک دەبێت ئەم زانیارییانەی لە خۆ گرتبێت:

1. ناو (و نازناوەکان ئەگەر ھەبێت)
2. ناو بە زمانی ڕەسەنی کەسەکە (بۆ نموونە عەرەب بوو، بە عەرەبی یان فەڕەنسی بوو بە فەڕەنسی و … بنووسرێت)
3. ڕێکەوتی لەدایکبوون و مردن
4. نەتەوە و ناوچە
5. ھۆکاری بەناوبانگ بوون

بۆ نموونە:

• ئەگەر کەسەکە زیندوو بوو و ڕێکەوتی لەدایکبوونی زانرابوو:
  • دەیڤد ڕۆبێرت جۆزێف بێکام (بە ئینگلیزی: David Robert Joseph Beckham؛ ئک: /ˈbɛkəm/؛ لەدایکبووی ٢ی ئایاری ١٩٧٥) یاریزانێکی پێشووی پیشەگەری تۆپی پێی ئینگلیزە.
• ئەگەر کەسەکە مردوو بوو و ڕێکەوتی لەدایکبوون و مردنیشی زانرابوو:
  • شێرکۆ بێکەس (٢ی ئایاری ١٩٤٠ لە سلێمانی، عێراق – ٤ی ئابی ٢٠١٣ لە ستۆکھۆڵم، سوێد) شاعیر و نووسەرێکی کورد بوو، کە کۆبەرھەمی چاپکراوی زۆرتر لە ھەشت ھەزار لاپەڕەیە.
  • قادر عەبدوڵڵازادە ناسراو بە قالەمەڕە (١٩٢٥ – ٢٠٠٩) ھونەرمەندێکی کوردی ناوچەی موکریان بوو کە شمشاڵی بۆ ڕادیۆکان و گۆرانیبێژە بەناوباگەکان وەک حەسەن زیرەک ژەندووە.