واڵتەر وایت (گۆڕانی خراپ)

واڵتەر ھارتوێڵ «واڵت» وایت (بە ناوی ناسراوی خۆی ھایزنبێرگ ناسراوە) (بە ئینگلیزی: Walter White) کارەکتەری سەرەکی زنجیرە تەلەڤیزیۆنی گۆڕانی خراپە. ھەروەھا واڵتەر دەرکەوتنێکی بچووکی ھەیە لە وەرزی شەشەمی زنجیرەی باشترە پەیوەندی بە سۆڵەوە کەیت.

کەسایەتیی واڵتەر وایت لە زنجیرەی گۆڕانی خراپ

واڵت کەسێکی تێگەیشتووی کیمیا بوو کە یارمەتی دامەزراندنی کۆمپانیایەکی گەورەی زانستی داوە بە ناوی Gray Matter Technologies پێش ئەوەی کۆمپانیاکە بەجێبھێڵێت. دواتر دەبێتە مامۆستای کیمیا کە پارەی پێویست بەدەست ناھێنێت و ناچارە لە شوشتنی ئۆتۆمبێل کار بکات، کە ڕقی لێیە. واڵت دەزانێت تووشی شێرپەنجەی سییەکانی بووە و خەریکە بەم زووانە دەمرێت. بۆ یادی لەدایکبوونی ٥٠ ساڵەی واڵت، ھانک شرادەری ھاوەڵزاوای کە لە ئیدارەی جێبەجێکردنی ماددە ھۆشبەرەکان کاردەکات، واڵت دەبات بۆ بینینی کارەکەی کە دەستبەسەرداگرتنی بازرگانانی ماددە ھۆشبەرەکانە. واڵت ئارەزووی ئەوە دەکات و دەیەوێت دەست بکات بە دروستکردنی «کریستاڵ مێت» بۆ ئەوەی پارەی پێویست بۆ خێزانەکەی بەدەستبھێنێت پێش ئەوەی بەھۆی شێرپەنجەوە بمرێت. ئەو لەگەڵ جێسی پینکمان، بازرگانی ماددە ھۆشبەرەکان یەکتر دەناسن کە پێشتر خوێندکاری بووە، و داوای ھاوبەشی لەگەڵ دەکات.

واڵت دوو بازرگانی مادەی ھۆشبەر بە ناوەکانی ئیمیلیۆ کۆیاما و کرەیزی ٨ دەکوژێت، دوای ئەوەی ھەوڵی کوشتنی دەدەن. واڵت و جێسی ئۆتۆمبێلێکی جۆری RV بەدەست دەھێنن و دەست دەکەن بە دروستکردنی ماددەی کریستاڵ مێت، کە ئەمەش زۆر باشە بەھۆی لێھاتوویی کیمیای واڵت، و واڵت بەردەوام درۆ دەکات لەگەڵ ھاوسەرەکەی، سکایلەر وایت، و باقی خێزانەکەی لەنێویاندا ھانک. واڵت و جێسی لەگەڵ توکۆ سالامانکا یەکتر دەناسن کە بازرگانییەکی دڕندە و توندوتیژی ماددە ھۆشبەرەکانە. ھەوڵ دەدەن میتەکەیان بگەیەننە توکۆ تا بتوانێت بیفرۆشێت، بەڵام توکۆ زۆر شێتە. توکۆ واڵت و جێسی دەڕفێنێت و دەیەوێت بیانھێنێتە مەکسیک بۆ ئەوەی بەردەوام بێت لە دروستکردنی میت. ھانک خۆی نیشان دەدات و توکۆ دەکوژێت و واڵت و جێسی ھەڵدێن.

یەکێک لە ھاوڕێکانی جێسی بە ناوی بادجەر لەلایەن DEA دەستگیر دەکرێت بەھۆی فرۆشتنی میتی واڵت و جێسی. واڵت سۆڵ گوودمان بەکرێ دەگرێت کە پارێزەرێکە و ھەروەھا تاوانبارە، بۆ ئەوەی بادجەر لە زیندان دەربھێنێت. سۆڵ واڵت و جێسی لەگەڵ سەرکردەیەکی ماددە ھۆشبەرەکان بە ناوی گوستاڤۆ «گوس» فرینگ ڕێکدەخات. گاس داوای لە واڵت دەکات کە میتی بۆ دروستیکات، ئەوا ٣ ملیۆن دۆلاری پێدەدات ئەگەر واڵت بۆ ماوەی ٣ مانگ ئەو کارە بکات. واڵت گرێبەستەکە دەگرێت و بۆ ماوەیەکی کەم واز لە ھاوبەشیکردن لەگەڵ جێسی دەھێنێت.

واڵت لەگەڵ کیمیاکارێکی زیرەک بە ناوی گەیڵ بۆتیچەر کاردەکات بۆ ئەوەی میتێکی باش بۆ گاس دروست بکەن. واڵت بۆی دەردەکەوێت کە ھانک لەبارەی ئۆتۆمبێلی جۆری RV دەزانێت و ھەوڵدەدات لەناویببات، بەڵام جێسی توڕە دەبێت چونکە ویستویەتی ئۆتۆمبێلی جۆری RV بەکاربھێنێت بۆ دەستپێکردنی کارەکەی.

سەرچاوەکان

• بەشداربووانی ویکیپیدیا، «Walter White (Breaking Bad)»، ویکیپیدیای ئینگلیزی. سەردان لە ١٨ی ئازاری ٢٠٢٤.