ناوت دەنێم ژینۆ
ناوت دەنێم ژینۆ دووھەم ئەلبۆمی گۆرانیبێژ چۆپی فەتاحە. ئەم بەرھەمە لە ساڵی ٢٠٠٧ بە سەرپەرشتی گۆران کامیل لە سوێد تۆمار کراوە و زیاتر لە ٤٠ ھونەرمەند کاریان تێدا کردووە. ٤ گۆرانیان ئاوازی بورھان موفتییە و ٢ گۆرانییان لە ئاوازی زیاد ئەسعەدە و ٢ گۆرانییان لە ئاوازی ئیدریس بالەتایییە و گۆرانیی «دەبڕۆ» بە ئاوازێکی ڕۆژئاواییە کە بە چەندەھا زمان وتراوەتەوە و دوو گۆرانی فۆلکلۆری پۆرت پۆری کورمانجی تێدایە کە لە ٤ گۆرانی پێک ھاتووە.
دەقی گۆرانییەکان ھی زیاد ئەسعەد، کەریم بەدەل بالەتایی، ئیسماعیل خورماڵی، فەرھاد شاکەلی و ئیحسان فەتاح (باوکی چۆپی) و فۆلکلۆرن. کەمال میراودەلی دەقی گۆرانیی سەربەستیی پۆڵ ئیلواری کردووە بە کوردیی سۆرانی.
گۆرانییەکان دەستکاری
لە ١٣ گۆرانی پێکھاتووە کە چواریان بە شێوەزاری کورمانجی و ئەوانی تری بە سۆرانین:
- گوێ ناگرم
- سەربەستی
- ھێدی ھێدی (کورمانجی)
- گوناھم
- خاک
- عشقا مەزن (کورمانجی)
- دەبڕۆ
- زستانی ڕووح
- بازۆ + نەکی (کورمانجی)
- دای وەلا نابە + شەمامێ (کورمانجی)
- بێ سۆز
- ئەی کە من گرفتاری تۆم
- کەرکووک
