مەلا شوان کوردی
مەلا شوان کوردی ناسراو بە ئەبوو ھاڕوون لەناو داعشدا (١٩٨٦ – ٢٨ی تەممووزی ٢٠١٥)[٢] داعشێکی کورد بوو، لە سەرەتای دروستبوونی گرووپی داعش، لە ڕێگەی کەرکووکەوە چووە نێو ئەو ڕێکخراوە.
شوان سەڵاح محەممەد | |
|---|---|
| لەدایکبوون | ١٩٨٦ |
| مەرگ | ٢٨ی تەممووزی ٢٠١٥ (۲۹-۳۰ ساڵ ژیاوە) |
| ھۆکاری مەرگ | هێرشه ئاسمانییەکان |
| ناوەکانی تر | ئەبوو ھاڕوون |
| پیشە | پیاوی ئایینی ئەندامی دەوڵەتی ئیسلامی لە عێراق و شام |
| چالاکبوون | ۲۰۱٤-۲۰۱٥ |
| ئایین | ئیسلام |
| مناڵ(ەکان) | ۳ (کچ)[١] |
ژیاننامە
دەستکاریشوان سڵاح محەممەد، خەڵکی گوندی زێبارۆکی نزیک شەقڵاوەیە.[٣] مەلا شوان لە ساڵی ١٩٨٦ لە ھەولێر لەدایکبووە و لەو گوندە نەژیاوە. تا پۆلی ٩ی بنەڕەتی خوێندووە. لە ساڵی ٢٠٠٦ ژنی ھێناوە. دایک و باوکی لە ھەولێر دادەنیشن، دوو خوشک و دوو براشی ھەیە. باپیری مەلا شوان پێشمەرگەی شۆڕشی ئەیلوول بووە و مامێکی شەھیدە، دوو مامی لە شەڕی دژی داعش بریندار بوون، برایەکیشی پێشمەرگەیە. مەلا شوان لە مزگەوتی مام جەعفەر لە شارۆچکەی دارەتوو، نزیک ھەولێر پێشنوێژ و وتارخوێن بووە.[٤]
چوونە ناو داعش
دەستکاریلە مانگی تشرینی دووەمی ٢٠١٤ لە ڕێگەی کەرکووکەوە لەگەڵ خێزان و کچەکانی بە نێوی ھانا و ھالە، لەگەڵ دوو کەسی دیکە چووە نێو داعش.[٥]
لە چەندین گرتەی ڤیدیۆییدا مەلا شوان ھەڕەشە لە پێشمەرگە و خەڵکی باشووری کوردستان دەکات، تەنانەت ھەڕەشە لە مەلاکانی کوردستان دەکات و بە خۆفرۆش ناویان دەبات.
لە ڕۆژی ٢٨ی تەممووزی ٢٠١٥، ئەنجومەنی ئاسایشی ھەرێمی کوردستان ڕایگەیاند کە «لە پڕۆسەیەکی نھێنیدا لەگەڵ ھێزەکانی ھاوپەیمانان، توانییان شوێنی مەلا شوان دیاریبکەن، کە چەند ڕۆژێک چاودێری تەواوی ماڵەکەیان کردووە لە حەویجە، دوای چوونە دەرەوەشی لە ماڵەکەیدا، لەژێر چاودێرییەکی تووند لە شوێنێکی چۆڵ، لەگەڵ ئۆتۆمبێلێکی دیکەی پڕ لە چەکداری داعش، بۆردوومانکراون و بەھۆیەوە مەلا شوان کوژرا».
دوای کوژرانی مەلا شوان، چارەنووسی خێزانەکەی نادیارە.[٦]
سەرچاوەکان
دەستکاری- ^ «وێنه.. هاوسه‌ر و کچه‌کانی مه‌لا شوان چییان لێ به‌سه‌ر هات؟». سپی میدیا. لە ۲٨ی کانوونی یەکەمی ۲۰۲۰ ھێنراوە.
{{cite web}}: نرخەکانی ڕێکەوت بپشکنە لە:|ڕێکەوتی سەردان=(یارمەتی)ڕاگرتنی شێوازی سەرچاوەی ١: ڕەوشی ناونیشان (بەستەر) - ^ «مەلا شوان کوردی». www.rudaw.net. لە ٦ی ئازاری ٢٠٢١ ھێنراوە.
{{cite web}}: ڕاگرتنی شێوازی سەرچاوەی ١: ڕەوشی ناونیشان (بەستەر) - ^ «داعش رایگەیاند : مەلا شوان کوژراوە». witebej.com. لە ڕەسەنەکە لە ٦ی حوزەیرانی ٢٠٢١ ئەرشیڤ کراوە. لە ٦ی ئازاری ٢٠٢١ ھێنراوە.
- ^ چارەنوسی هاوسەر و كچەكانی مەلا كوردەكەی ناو دەوڵەتی ئیسلامی ٦ی ئازاری ٢٠٢٣ لە وەیبەک مەشین، ئەرشیڤ کراوە.، پلاتفۆرمی دابڕان، ٣ی شووباتی ٢٠١٦ بڵاوکرایەوە.
- ^ «داعش: مەلا شوان کوژراوە». www.rudaw.net. لە ٦ی ئازاری ٢٠٢١ ھێنراوە.
{{cite web}}: ڕاگرتنی شێوازی سەرچاوەی ١: ڕەوشی ناونیشان (بەستەر) - ^ arabic، Kurdiu. «هاوسەر و منداڵەکانی مەلا شوان نادیارن». www.kurdiu.org. لە ٦ی ئازاری ٢٠٢١ ھێنراوە.
