میلەتی ئیبراھیم

میلەتی ئیبراهیم کۆمەڵێک ڕێنمایی خوایین بۆ پێغەمبەر ئیبراهیم بەپێی ئایینە ئیبراهیمییەکان، عەرەبەکان باوەڕیان بەو ڕێنماییانە هەبوو تا ئەو کاتەی عەمری کوڕی لوحەی خوزاعی بتی لە شامەوە هێنا بۆ دورگەی عەرەبی و پەرستیان و ئەو ڕێنماییانەیان بیرچۆوە، شوینکەوتوانی کەمیان دەکرد تاوەکوو لە پێش پێغەمبەرایەتیدا بەپەنجەی دەست دەژمێردران، بەڵام قورەیش هەندێک لەو ڕێنماییانەیان بیرمابوو و لەکاتی دوبارە دروستکردنەوەی کەعبە پارەی سویان نەخستە ناو دروستکردنەکەوە. وَقَالُواْ كُونُواْ هُودًا أَوْ نَصَارَى تَهْتَدُواْ قُلْ بَلْ مِلَّةَ إِبْرَاهِيمَ حَنِيفًا وَمَا كَانَ مِنَ الْمُشْرِكِينَ (بەقەرە:١٣٥) (کوردی: ئەوان دەیانگوت ببنە جولەکە و مەسیحی سەرفراز دەبن، تۆش بڵێ بەڵکوو شوێن میلەتی ئیبراهیمی یەکتاپەرست بکەون و چونکە ئەو لەهاوبەشدانەران نەبوو).