مستەفا نەییێری سەقز
مستەفا نەییێری سەقز (١٩٣٦ لە سەقز، ئێران - ٢٠١٣ لە سنە، ئێران) یەکەم پسپۆر لە پزیشکی و نەشتەرگەری چاو لە ڕۆژھەڵاتی کوردستان بوو کە ماوەی چوار دەیە ئیشی پزیشکی کرد و لە نێوان خەڵکدا ناودار بوو.[١]
مستەفا نەییێری سەقز | |
|---|---|
| لەدایکبوون | ١٩٣٦ |
| مەرگ | ٢٠١٣ |
| نەتەوە | کورد |
| پیشە | پزیشکی |
| چالاکبوون | ١٩٧٢–٢٠١٢ |
| کار | یەکەم پسپۆر لە پزیشکی و نەشتەرگەری چاو لە ڕۆژھەڵاتی کوردستان |
مستەفا نەییێری سەقز کوڕی محەممەد ئەمین، لە شاری سەقز لە دایک بوو و ھەر لەو شارەدا خوێندنی سەرەتایی تەواو کرد و دیپڵۆمی وەرگرت. پاشان بوو بە مامۆستا لە قۆتابخانەکانی سەرەتایی و لە ماوەیێکی کەمدا، لە ساڵی ١٩٦١ لە زانستگای تاران بڕوانامە بەکالۆریۆس لە بایۆلۆژی (Biology) وەرگرت و دووبارە لە قۆتابخانەکانی سەقز پێشەی مامۆستایی درێژەدا. بەڵام بە بۆنەی ناکۆکی لە نێوانی ئەو و سەرۆکی ئیدارەی فێرکاری و پەروەردەی سەقز، بە ناچار کۆچی کرد بۆ شاری تەورێز و لەوێ بوو بە مامۆستا.
لە ساڵی ١٩٦٦ بە بۆنەی ئیلاقەی زۆر بە پزیشکی، لە زانستگای تەورێز و لەو بوارەدا خوێندنی دەس پێ کرد. لە دوای تەواوبوونی دەرسەکەی، چوو بۆ سنە و لە نەخۆشخانەی ئەو شارە دەستی بە ئیش و کاری پزیشکی کرد. پاش چەن ساڵ ئیشی پزیشکی لە سنە، لە ساڵی ١٩٨٠ بڕوانامەی پسپوڕی لە پزیشکی و نەشتەرگەری چاو لە نەخۆشخانەی فارابی تاران وەرگرد.
مستەفا نەییێری ئەم جار وەک یەکەم پسپۆر لە پزیشکی چاو لە ڕۆژھەڵاتی کوردستان، لە نەخۆشخانەی تەوحیدی شاری سنە دەرکەوت و ھەتا دوایین کاتەکانی ژیانی بە ئیشی پزشکی چاو درێژەی دا.
بە بروای خەڵک بە تایبەت خەڵکی شاری سنە نەییێری بە نەخۆشە ھەژارەکان و خەڵکانی ھەژار و فەقیر یارمەتی ئەدا و بە بێ ھیچ برانبەر و پارەیێک نەخۆشینەکانیانی چارەسەر دەکرد.
دوکتور نەییێری لە دوای ساڵانێکی زۆر ئیشی پزیشکی و دەڕمانی خەڵکی کوردستان و دەرەوەی کوردستان، لە ساڵی ٢٠١٣ کۆچی دوایی کرد.[٣]
سەرچاوەکان
دەستکاری- ^ درگذشت آقای دکتر مصطفی نیری جراح و متخصص بیماری های چشم، ئەنجومەن پزیشکی چاوی ئێران، ۲۰۱۳
- ^ یادی از معلم اخلاق در پزشکی، واکاوی، ٢٠١٨
- ^ درگذشت پزشک،جراح و متخصص بیماریهای چشم شهرستان سنندج، پانا، ۲۰۱۳
