لۆرێل و ھاردی

لۆرێل و ھاردی (بە ئینگلیزی: Laurel and Hardy) دوو کەسایەتی کۆمیدی بەناوبانگی دەیەی بیست تا پەنجای سینەمای ئەمریکین. ستەن لۆرێل لەدایکبووی ۱٦ی حوزەیرانی ۱٨۹۰ لە ئینگلستان و ئۆلیوێر ھاردی لەدایکبووی ۱٨ی کانوونی دووەم ۱٨۹۲ی ویلایەتە یەکگرتووەکانی ئەمریکایە. ستەن لۆرێل و ئۆلیڤەر ھاردی لە ساڵی ۱۹۱۹ لە فۆکسی سەدەی ٢٠ەم و لە فیلمی سەگی بەختەوەر کە ساڵی ۱۹۱۲ پێشاندرا ھاوکاری خۆیان دەسپێکرد دوایی بوونە ئەندامی دروستکردنی فیلم لە ستۆدیوی ھال ڕۆچ. بەڵام یەکەمین فیلمی دوو کەسیی ئەوان شەواڵ لەپێکردن بە فیلیپ لە ساڵی ۱۹۲۷ سەردەمی ھاوکاری ئاسایی ئەم دوو کەسە بوو و ئەم ھاوکارییە لە دەوروبەری سی ساڵ درێژەی ھەبوو. گاڵتەکانی لۆرێل و ھاردی لە سەردەمی ژیانیاندا ھیچ کاتێک نەیتوانی سەرنجی ڕەخنەگران بەلای خۆیانەوە ڕابکێشێت و تەنیا فیلمی سندووقە ئاوازەی درووستکراوی ۱۹۳۲ توانی خەڵاتیی ئۆسکاری کورتەفیلم وەربگرێت. بەڵام بە پێچەوانەوە لەنێو خەڵکیدا لایەنگرانێکی زۆریان ھەبوو. ئۆلیڤەر ھاردی لە ۷ی ئابی ۱۹٥٧ لە تەمەنی ٦٥ساڵیدا ماڵاوایی لە ژیانکرد و لە شوێن کۆچی دوایی ھاردیدا ئێستن لۆڕێل بە شێوەیەکی ھەتایی لە پیشەی ڕۆڵگێڕی دەستی کێشا بەڵام بەھۆی نەخۆشینی زۆر نەیتوانی لە ڕێوڕەسمی کۆچی ھاردیدا بەشداربێت و وتی «ئۆلیڤەر تێدەگات».

لە چەپەوە: ستان لۆرێل و ئۆلیڤەر ھاردی

وێنەیەک لە لۆرێل و ھاردی لە یەکەم فیلمیان.

لۆرێل کۆتا ساڵەکانی تەمەنی خۆی لە خانوویەکی چکۆلەیی نھۆمی لە ئووشیناھۆتێل لە سێنت موونیکا تێپەڕکرد و کاتەکانی خۆی بەوەڵامدانەوە بە نامەگەل و تەلەفۆنی لایەنگرەکانی تەرخان و تێپەڕدەکرد. لە ئاکامدا ئەویش لە ۲۳ی شوباتی ۱۹٦٥ لە تەمەنی ۷٤ ساڵیدا چەن ڕۆژ لە شوێن نەخۆشینی دڵەکپە ماڵاوایی لە ژیانکرد و لە بەشێک لە وەسییەت و ڕاسپاردەکەی خۆیدا نووسیبووی «ئەگەر کەسێک لە ڕێوڕەسمی مردنی مندا بگری ئیدی لەگەڵ ئەو نادوێم». لە ساڵەکانی دواییدا، ھەموو فیلمە ڕەش و سپییەکانی ئەوانیان ڕەنگاوڕەنگ کرد.

سەرچاوەکان

ویکیپیدیای فارسی