فان (فیلم)

فان یان ھەوادار فیلمێکی ھیندی ھەستبزوێنە. لەدەرھێنانی مانیش شارمایە. کە شاروخ خان ڕۆڵی سەرەکی لەفیلمەکە دەبینێت. فیلمەکە ڕۆژی ١٥ی نیسانی ٢٠١٦ نمایشکرا. لەلایەن ڕەخنەگرەکانەوە پێشوازییەکی باشی لێکرا، بەڵام لەبۆکس ئۆفیس شکستی ھێنا. فیلمەکە بەپێچەوانەی فیلمەکانی دیکەی بۆلیوود لە یەک گۆرانی پێکھاتبوو ئەویش گۆرانی "Jabra Fan" بوو کە ئەم گۆرانییە بەزۆرینەی زمانەکانی ھیندستان (تامیلی، بەنگالی، پەنجابی ھتد..) و زمانی عەرەبی دەرچوو.

Fan
پۆستەری سینەمایی
دەرھێنەر	مانیش شارما
بەرھەمھێنەر	ئادیتیا چۆپرا
شانۆنامە	حەبیب فەیسەڵ
چیرۆک	مانیش شارما
ئەکتەران	شاروخ خان
وێنەگری سینەمایی	مانو ئەناند
مۆنتاژ	نامریتا راو
کۆمپانیای بەرھەمھێنەر	یاش ڕاج فیلمز
بڵاوکردنەوە	یاش ڕاج فیلمز
دەرچوون	١٥ی نیسانی ٢٠١٦ (2016-04-15)
ماوەی فیلم	١٣٨ خوولەک
وڵات	هیندستان
زمان	هیندی
تێچوون	٨٥ کرۆر (١٣ ملیۆن دۆلاری ئەمریکی)
داھات	١٨٧.٥ کرۆر ڕووپییە (٢٨ ملیۆن دۆلاری ئەمریکی)

چیڕۆکی فیلم

فیلمەکە باس لە ھەواداریکی سەرسەخت دەکات بەناوی گوراڤ کە ھەوادارێکی سەرسەختی ئاریان خانە و تەواوی ژیانی لەژێرکاریگەری و شێوازی ئەو ئەکتەرە سینەماییە بردۆتەسەر، ڕۆژێک بۆی دەرەخسێت ئەستێرەی سینەماییەکە ببینێت بەڵام لەکاتی یەکتربینین گوراڤ ئەو ھەستەی پێشووی بۆ ئەکتەرەکە نامێنێت چونکە ئەکتەرەکە ڕەتیدەکاتەوە ئەو جۆرە ھەوادارە سەرشێتییەی ھەبێت. لەسەرەنجامی ئەوەدا گوراڤ بڕیاردەدات تۆڵەی خۆی لە ئەکتەرەکە بکاتەوە. چونکە شێوەی گوراف، لەگەڵ ئاریان خان زۆۆر لێکەوە نزیکن، ئەوە دەبێتە ڕێگایەک کە گوراف بەھۆیەوە بتوانێت چەند کارێکی نابەجێ ئەنجامبدات، کەخەڵکی وادەزانن ئەوکەسە ئاریان خان، وەئەوکارانەی کە گوراڤ دەیکات وەکوو تۆڵەیەک وایە کەلە ئاریان خانی دەکاتەوە، لەکۆتاییدا ئاریان خان توڕەییەکی زۆۆری دەبێت لەبەرامبەر گوراڤ و ھەوڵی دۆزینەوەی دەدات، وەکاتێکیش دەیدۆزێتەوە، داوای لێدەکات کە بەژیانی خۆی بژیێت و واز لە ھەواداریێتی ئەو بێنێت. بەڵام گراڤ ئەوە ڕەت دەکاتەوە و خۆی لەسەربانی بیناییەک، فڕێدەداتە خوارەوە.

بەرھەمھێنان

فیلمەکە لە مانگی ئایاری ٢٠١٤ دەست کرا بە وێنەگرتنی و وا بریار بوو کە لەسەرەتای سالی ٢٠١٥ نمایش بکرێت بەلام بەھۆی پێکانی شاروخان لە فیلمی "happy new year" نمایشکردنی دواخرا بۆ ١٥ی نیسانی ٢٠١٦.