فائیز

فائيز: (١٨٩٢-١٩٧٠) مامۆستا و شاعیر و سەرباز

سەرەتای ژیان و خوێندنی

فائيز

بەوەدا کە لە خانەقینەوە شیعری ناردووە بۆ گەلاوێژ، دەبێ ئەحمەد فائیز کوڕی حاجی مەلا ڕەسووڵی دێلێژە بێ. ناوبراو، ١٨٩٢ لە سلێمانی لەدایک بووە. سەرەتا لای باوکی و ئەمجا ماوەیەک فەقێ بووە لە کۆیە. سەروبەندی یەکەم جەنگی جیھانی، لە بەرەی قەفقاس شەڕی ڕووسی کردووە. پاشان گەڕاوەتەوە بۆ دێی (سۆڵە). دیسان لای مەلا عارف زڵزڵەیی و حاجی مەلا سەعید زڵزڵەیی و مەلا بەھادین و مەلا حسێن پیسکەندی خوێندوویە و ئیجازەی مەلایەتیی لە شێخ عومەر قەروداعی وەرگرتووە.

مەلایەتی

١٩٣٣ لە (مزگەوتی بن تەبەقی عیرفان) پێشنوێژ و مامۆستا بووە. ١٩٣٨ بووە بە واعیز لە شێروان مەزن، دواتر پێشنوێژ و مامۆستای مزگەوتی (بلە)ی ناوەندی قەزای زێبار. دواجار بە ھەمان وەزیفەوە ھێنراوە بۆ (مزگەوتی گەورە)ی شاری خانەقین.

كۆچی دوایی

ڕۆژی ٦/٤/١٩٧٠ لە خانەقین کۆچی دواییی کردووە و تەرمەکەی لە (گردی سەیوان) بە خاک سپێردراوە.

ژیانی هاوسەرگیریی

دوو ژنی ھێناوە:

• لە خاتوو "حەمدییە عەبدوڵڵا"، عەبدولقادر، جەلال، سەبیحە
• لە خاتوو "ئاتوول"، ڕەسووڵی ھەیە.

بەرهەمەكانی

دیوانێکی شیعری لەچاپنھدراویشی لە پاش بەجێماوە.