عیرفان عەلی عەبدولعەزیز
عیرفان عەلی عەبدولعەزیز (لەدایکبووی ١٢ی کانوونی دووەمی ١٩٦٤) عیرفان کوڕی عەلی کوڕی عەبدولعەزیز کوڕی محەممەد کوڕی مستەفایە، یەکێکە لە سیاسییەکانی کوردی باشووری کوردستان، و ڕابەری ئێستای بزووتنەوەی ئیسلامییە.
عیرفان عەلی عەبدولعەزیز | |
|---|---|
| لەدایکبوون | ١٢ی کانوونی یەکەمی ١٩٦٤ |
| شارۆمەندێتی | ھەڵەبجە |
| پەروەردە | شەریعەتی ئیسلامیی، زانستە سیاسییەکان |
| خوێندنگە | پەیمانگای ئیسلامیی ھەڵەبجە |
| پیشە | ڕابەری بزووتنەوەی ئیسلامی |
| چالاکبوون | ١٩٨٠-ئێستا |
| کار | شێخ عیرفان عەبدولعەزیز |
| حیزبی سیاسی | بزووتنەوەی ئیسلامیی کوردستان/عێراق |
| ئایین | ئیسلام |
| مناڵ(ەکان) | عومەر، عەلی، ئەحمەد، ساھیرە، تارا، سارا |
| باوان |
|
| خێزان | تارا ئەحمەد عەبدولڕەحمان |
| وێبگە | [|فەیسبووک] |
ژیان
دەستکاریلە ١٢ی کانوونی یەکەمی ١٩٦٤ لە پارێزگای ھەڵەبجە لە بنەماڵەیەکی ئایینی ناسراو لە دایکبووە. قۆناغی سەرەتایی لە ھەڵەبجە خوێندووە، دواتر لە قۆناغی خوێندنی ناوەندی چووەتە پەیمانگای ئیسلامی ھەڵەبجە کە مامۆستا عوسمانی مامی بەڕێوبەری بووە، لە کۆتایی حەفتاکان و سەرەتای ھەشتاکاندا بەشداری خۆپیشاندانەکانی پارێزگای ھەڵەبجە کردووە دژی حکوومەتی بەعس، لە ساڵی ١٩٨٣–١٩٨٤ لە کۆلێژی شەریعە لە بەغدا دەستی بەخوێندن کردووە، بەڵام بەھۆی گومانی چالاکی سیاسیی و ئیسلامی و ناکۆکی لەگەڵ یەکێتی قوتابیانی سەر بە حیزبی بەعس دووچاری دەرکردن بووەتەوە و لە خوێندن دوورخراوەتەوە و گەڕاوەتەوە ھەڵەبجە. لەگەڵ ھەر یەک لە مامۆستا عوسمان عەبدولعەزیزی مامی، کە یەکەم ڕابەری بزووتنەوەی ئیسلامی بوو، لەگەڵ باوکی مامۆستا عەلی عەبدولعەزیز کە بەرپرسی مەکتەبی عەسکەری ھێزی پێشمەرگەی بزووتنەوە بوو، لە ساڵی ١٩٨٧ لەگەڵ کۆمەڵێک زانا و خەڵکی ھەڵەبجە ئاوارەی ڕۆژھەڵاتی کوردستان و چیاکانی سەر سنوور دەبن. لە دوای دامەزراندنی بزووتنەوەی ئیسلامی تاوەکو ساڵی ١٩٩٠ ئەندامی مەکتەبی عەسکەری بزووتنەوە بووە، دواتر بۆ تەواوکردنی خوێندن دەچێتە زانکۆی تاران بەشی زانستە سیاسییەکان. پاشان لە ساڵی ١٩٩٤ کۆلیژی شەریعە تەواو دەکات و پاشان دەست بە خوێندنی پەیوەندییە نێودەوڵەتییەکان دەکات. دواتر گەڕاوەتەوە باشووری کوردستان ساڵی ١٩٩٦ وەکوو ڕاوێژکاری مامۆستا عوسمان عەبدولعەزیزی مامی دەستبەکاربووە کە ئەوکات ڕابەری بزووتنەوەی ئیسلامی بووە. پاشان بووەتە بەرپرسی سەنتەری توێژینەوەی سیاسی و ستراتیژی بزووتنەوەی ئیسلامی، و گۆڤارێکی فیکری و سیاسی وەرزیان دەرکردووە بە ناوی گۆڤاری بوار.[١] لە ساڵی٢٠٠٣ دوای ڕوخانی ڕژێمی بەعس و ڕاگەیاندنی شەڕی دژەتیرۆر لەلایەن ئەمریکا و فشار کەوتنە سەر ئیسلامییەکان، باشووری کوردستان جێدەھێڵێت و تاوەکوو ٢٠٠٧ ناگەڕێتەوە، پاشان وەکو ئەندامی مەکتەبی سیاسی بزووتنەوەی ئیسلامی دەستبەکاردەبێت،[٢] لە کۆنگرەی ١٠ ئەو حیزبە لە ساڵی ٢٠١٢ بە ڕابەری گشتی بزووتنەوەی ئیسلامی ھەڵدەبژێردرێت.[٣] لە ڕۆژی ٢٨ی تەممووزی ٢٠١٦ دوای بەستنی کۆنگرەی ١١ی ئەو حیزبە جارێکی دیکە بە ڕابەری گشتی بزووتنەوەی ئیسلامی ھەڵبژێردرایەوە، وەھەروەھا لە ٥ی شوباتی ٢٠٢٢ دوای بەستنی کۆنگرەی ١٢یەم بۆ جاری سێیەم بە ڕابەری گشتی ھەڵبژێردرایەوە.[٤][٥]
سەرچاوەکان
دەستکاری- ^ فارگۆنی بزووتنەوەی ئیسلامی، ئاری عەبدولەتیف، چاپخانەی تاران، ٢٠١٩، لاپەڕە ٦٣–٦٤
- ^ «Chrka.net». www.chrka.net. لە ڕەسەنەکە لە ٢٦ی ئەیلوولی ٢٠٢٢ ئەرشیڤ کراوە. لە ٢١ی حوزەیرانی ٢٠٢٢ ھێنراوە.
- ^ فارگۆنی بزووتنەوەی ئیسلامی، ئاری عەبدولەتیف، چاپخانەی تاران، ٢٠١٩، لاپەڕە ١٣١
- ^ www.rudaw.net https://www.rudaw.net/sorani/kurdistan/2807201622. لە ٢١ی حوزەیرانی ٢٠٢٢ ھێنراوە.
{{cite web}}: پارامەتری|title=ونە یانیش واڵایە (یارمەتی) - ^ «عیرفان عەلی عەبدولعەزیز وەکو ڕابەری بزوتنەوەی ئیسلامی لە پۆستەکەی دەمێنێتەوە». haremnews.com. لە ٢١ی حوزەیرانی ٢٠٢٢ ھێنراوە.
