عوسمان چێوار
عوسمان محەممەد ئەحمەد ناسراو بە عوسمان چێوار (١٩٤٦ لە سلێمانی، عێراق – ٢١ی ئایاری ١٩٩٦)[٢] شێوەکار، ئەکتەر و دەرھێنەرێکی شانۆ و تەلەڤیزیۆن، وەرگێڕ و وێنەگرێکی بە ڕەگەز کورد بوو.
عوسمان چێوار | |
|---|---|
 عوسمان چێوار لە ساڵی ١٩٨٠دا. | |
| لەدایکبوون | ١٩٤٦ |
| مەرگ | ٢١ی ئایاری ١٩٩٦ |
| نەتەوە | کورد |
| پیشە | شێوەکار، ئەکتەر، دەرھێنەر |
| مناڵ(ەکان) | کاروان چێوار، کاڵزۆ(مردوو)[١] |
ژیان
دەستکاریعوسمان محەمەد ئەحمەد، کە بە عوسمان چێواری ھونەرمەند ناوبانگی دەرکرد، لە ساڵی ١٩٤٦ لە گەڕەکی (سەرکارێز)ی شاری سلێمانی لەدایک بووە.[٣] ساڵی ١٩٦٩ پەیمانگەی مامۆستایانی تەواو کردووە. ماوەی چەند ساڵێک لە ناوچەکانی چۆمان و شارباژێڕ و قەرەداخ و ھەڵەبجە و سلێمانی مامۆستایی کردووە. یەکێک بووە لە دەستەی دامەزرێنەرانی تیپی پێشڕەوی شانۆی کوردی و ماوەی پازدە ساڵ سەرۆکی ئەم تیپە بووە.[٤] عوسمان ھەر زوو بەشداری کردووە لە چالاکییە سیاسیی و پێشمەرگایەتییەکاندا و ماوەیەک لە ناو پێشمەرگەدا ڕابەری سیاسیی بووە. ساڵی ١٩٧٤ پەیوەندی کردووە بە شۆڕشەوە و لە ئێزگەی دەنگی کوردستاندا خزمەتی کردووە. ساڵی ١٩٧٥ لێپرسراوێتی چالاکی قوتابخانەکانی پێ سپێردراوە و کاری کردووە بۆ فراوان کردنی چالاکییە ئەدەبی و شانۆییەکان. لە ساڵی ١٩٨٨ بە ئاشکرا‌و بە دەنگی بڵند لە لای سەرای سلێمانی وتوویەتی "وەرن من بکوژن، بەڵام گەلەکەم ئەنفال مەکەن".[٥] لە دوای ڕاپەڕینی ساڵی ١٩٩١ی باشووری کوردستان، یەکێک لە دامەزرێنەرانی تەلەفزیۆنی گەلی کوردستان بووە و یەکەم کار و بەرنامەی ئەو تەلەفزیۆنە لە ماڵی ئەودا تۆمار کراوە.
نموونەی ھۆنراوە
دەستکاریچێوار بۆ شانۆییەکانی شیعری نووسیوە و شاعیریش بووە، ئەمە نموونەی شیعرێکە کە ساڵی ١٩٨٦ بۆ شانۆگەریی (ئاسکو ڕیاڵ)ی نووسیوە:
لە وڵاتەکەمان، لە ڕۆژی جەژنی گەورەدا
بەخۆشی و شاد
بۆ گەمەی خەڵک
گێژێک دێنن وای لێدەکەن
گورزێ لە ناو دەستی ئەنێن
تاجێک لەسەر سەری ئەنێن
بە ئاھەنگ و سەما و یاری
ئەیبەن بۆ تەختی پاشایی
بە پاشای خۆیانی ئەکەن
لە وڵاتەکەمان .. لە وڵاتەکەمان
بەرھەم و شانۆگەرییەکان
دەستکاری- بڕیار و ئەنجام
- سەرینی باداری
- لانەوازان
- پاڵتۆ
- ئابڵوقە
- خەج و سیامەند
- گوڵەمێخەک
- بەھەشتیکی سووتاو (فیلمی سینەمایی)
- ئەحەی کوڕنو (شانۆگەری)
مردن
دەستکاریعوسمان چێواری ھونەرمەند لە ڕۆژی ٢١ی ئایاری ساڵی ١٩٩٦ بە نەخۆشییەکی کت و پڕ کۆچی دواییی کرد.
ئەمانەش ببینە
دەستکاریسەرچاوەکان
دەستکاری- ^ «كوڕێكی هونه‌رمه‌ندی كۆچكردو عوسمان چێوار گیانیله‌ده‌ستدا». pukmedia.com. لە ڕەسەنەکە لە ٢٩ی تەممووزی ٢٠٢٢ ئەرشیڤ کراوە. لە ٢٩ی تەممووزی ٢٠٢٢ ھێنراوە.
- ^ «یادێکی تێپەڕیو لە عوسمان چێواری نەمر». galawej.com.[بەستەری مردوو]
- ^ «ژیان لە فەرھەنگدا: عوسمان چێوار». dengiamerika.com.
- ^ «عوسمان چێوار». raprsi.com.
- ^ «مامۆستا عوسمان چێوار». ekurds.com.
