عاکیف مامۆ زاگرۆس
خدر خرینگە ناسراو بە عاکیف مامۆ زاگرۆس یان ھەڤال عاکیف (١٩٧٨ لە بۆکان - ٥ی تشرینی دووەمی ٢٠٠٦ لە قەڵاتوکان) ئەندامی دامەزرێنەری پارتی ژیانی ئازادی کوردستان و لە پێشەنگەکانی بزووتنەوەی ئاپۆییست لە ڕۆژھەڵاتی کوردستان بوو. عاکیف مامۆ زاگرۆس لە ٥ی تشرینی دووەمی ٢٠٠٦ لە کارەساتی لافاو لە چیای قەندیل گیانی خۆی لە دەستدا.[١]
عاکیف مامۆ زاگرۆس | |
|---|---|
| لەدایکبوون | ١٩٧٨ |
| مەرگ | ٥ی تشرینی دووەمی ٢٠٠٦ |
| ھۆکاری مەرگ | لافاو |
| نەتەوە | کورد |
| پەروەردە | خوێندکاری وێژەی فارسی |
| خوێندنگە | زانکۆی تەورێز |
| چالاکبوون | ١٩٩٩-٢٠٠٦ |
| حیزبی سیاسی | پارتی ژیانی ئازادی کوردستان (پژاک) |
ژیان
دەستکاریخدر خرینگە لە ساڵی ١٩٧٨ لە شاری بۆکان لە دایک بوو. باوکی وەکوو پێشمەرگەی حیزبی دێموکراتی کوردستانی ئێران بە دەستی ھێزەکانی کۆماری ئیسلامیی ئێران کوژرابوو.[٢] خدر خرینگە بوو بە خوێندکاری وێژەی فارسی لە زانکۆی تەورێز.[٣] لە ئازاری ساڵی ١٩٩٩ بەدوای ڕفاندنی عەبدوڵڵا ئۆجەلان لەلایەن ڕێکخراوە ھەواڵگرییەکانی تورکیا، ئیسرائیل و ئەمریکا تێکەڵی ڕیزەکانی پارتی کرێکارانی کوردستان بوو و دەستی کرد بە خەباتی چەکدارانە لە بزووتنەوەی ڕزگاریخوازی کوردستان.[٤] ئەو لە ئەندامانی دامەزرێنەری پارتی ژیانی ئازادی کوردستان بوو و لە دامەزراندنی ئەو پارتە لە ٤ی نیسانی ٢٠٠٤ خاوەن رۆڵ بوو. ئەو ھەروەھا لە ئەندامانی دامەزرێنەری کۆمەڵگای جەوانانی رۆژھەڵاتی کوردستان (کەجەرە) بوو.[٥] خدر خرینگە لە پژاک ناوی شۆڕشگێڕانەی عاکیف مامۆ زاگرۆسی بۆ خۆی ھەڵبژارد.[٦]
خدر خرینگە لە ڕۆژی ٥ی تشرینی دوومی ٢٠٠٦ لە گوندی قەڵاتوکان لە چیای قەندیلدا بە ھۆی باوبۆران[٧] و بەدوای ئەو ھەستانی لافاو[٤]، لەگەڵ ئەندامێکی دیکەی پژاک بە ناوی فەھمی ڕۆستەمی بە ناوی شۆڕشگێڕانەی سیروان ناری خەڵکی مەریوان کە ئەندامی «ناوەندی چاپەمەنیی پژاک» بوو، گیانی خۆیانیان لە دەست دا.[٦] [٨] [٩]
ھەفتەیەک بەر لەم رووداوە دوو گەریلای دیکە بە ناوانی ھۆزان سەرحەد و جەسوور گەڤەر بەھۆی لێدانی برووسکەوە گیانی خۆیانیان لە دەست دابوو.[٤]
ئاراس کاردۆخ ئەندامی کۆردیناسیۆنی پژاک لە گۆتوبێژێک لەگەڵ سوھەیلا وەحدەتبەنا وتی بەشێک لە ئەرشیڤەکانی پارتی ژیانی ئازادی کوردستان لەو لافاوە لەناوچووە.[١٠]
بڵاو کردنی دەنگ
دەستکاریلە ١ی ئازاری ٢٠٢١دا ماڵپەڕی پارتی ژیانی ئازادی کوردستان فایلێکی دەنگ بڵاو کردەوە کە لەتێدا عاکیف مامۆ زاگرۆس سەبارەت بە عەبدوڵڵا ئۆجەلان و گرینگێتیی تێکۆشان بۆ ئازادیی ئەو قسە دەکات.[٥] [١١]
کەڵک وەرگرتنی فەرزاد کەمانگەر لە ناوی مامۆ زاگرۆس
دەستکاریشێرکۆ جیھانی ئەسڵ ئەندامی ڕێکخراوەی بەرگری لە مافی مرۆڤ لە کوردستان و زیندانیی سیاسیی پێشوو دەڵێت فەرزاد کەمانگەر لە بەندیخانە تەلەفۆنی لێ کردووە و نامەیەکی دۆستانە ڕووی بە فەرزاد قوبادی (ھەورام ژیان) لەژێر سەردێڕی «گەڕانەوەی پەڕەسێلکەکان»ی بۆ خوێندووە و داوای لێ کردووە کە نامەکەی بە نازناوی «ڕێبین مامۆ زاگرۆس» بڵاو بکاتەوە. «ڕێبین» ناوی شۆڕشگێڕانەی ناسر قادرزادە لە گەریلاکانی پارتی کرێکارانی کوردستانە و «مامۆ زاگرۆس»یش ئاماژە بە عاکیف مامۆ زاگرۆس دەکات کە فەرزاد کەمانگەر زۆر حەزی لەو دوو ھەڤالە بووە.[١٢] [١٣]
سەبارەت بە عاکیف مامۆ زاگرۆس
دەستکاریکۆمیتەی شەھیدەکانی پارتی ژیانی ئازادی کوردستان لە پایزی ٢٠٢٢ کتێبێک لەژێر ناوی «سروەی ژیانبەخش» (بە فارسی: نسیم حیاتبخش) بڵاوکردووە کە لە تێدا بجگە لە وتارەکانی ھەڤالانی عاکیف مامۆ زاگرۆس سەبارەت بە ژیان و تێکۆشان و کەسایەتیی ئەو، وتارەکانێک لەخۆی و ژیاننامەی لەزمانی خۆی چاپ کراوەتەوە.[١٤]
سەرچاوەکان
دەستکاری- ^ کرۆنۆلۆژیای پارتی کرێکارانی کوردستان: لە دامەزراندن ھەتا ساڵی ٢٠١٣ (بە فارسی)، ناوەندی بڵاوکردنەوەی پژاک، زستانی ٢٠٢١؛ پ ٦٧؛ سەردان لە ١٠ی تەممووزی ٢٠٢٣.
- ^ ئەخبار ڕووز: ھەزارڕازەکان تێکدەچنەوە (بە فارسی)، نووسراو لە ٢٥ی ئابی ٢٠٠٧؛ سەردان لە ١٠ی تەممووزی ٢٠٢٣.
- ^ ماڵپەڕی سوھەیلا وەحدەتبەنا: سەبارەت بە ڕوانگەکانی پارتی ژیانی ئازادی کوردستان (پژاک)؛ گۆتوبێژ لەگەڵ ئاراس کاردۆخ، ئەندامی کۆدیناسیۆنی پژاک- بەشی یەکەم (بە فارسی)، نووسراو لە ١٥ی ئایاری ٢٠١٠؛ سەردان لە ١٠ی تەممووزی ٢٠٢٣.
- ^ ئ ا ب ئاژانسی ھەواڵی فرات: پانزەھەمین ساڵوەگەڕی شەھیدبوونی دوو پێشەنگی پژاک؛ عاکیف مامۆ زاگرۆس و سیروان ناری (بە فارسی)، نووسراو لە ٥ی تشرینی دووەمی ٢٠٢١؛ سەردان لە ١٠ی تەممووزی ٢٠٢٣.
- ^ ئ ا ئاژانسی ھەواڵی فرات: شەھید عاکیف مامۆ زاگرۆس: پێویستە ھەموو کەسێک بۆ پشتیوانی لە کامپەینی ئازادیی ڕێبەر ئاپۆ ھەستێتەوە (بە فارسی)، نووسراو لە ١ی ئازاری ٢٠٢١؛ سەردان لە ١٠ی تەممووزی ٢٠٢٣.
- ^ ئ ا ئاژانسی ھەواڵی فرات: گەنجان بە رۆحی ”عاکیف”ەکان، بەشداریی لەبەرخۆدانی نەتەوەیی و جەنگی رۆژئاوا بکەن (بە کوردی)، نووسراو لە ٤ی تشرینی دووەمی ٢٠١٩؛ سەردان لە ١٠ی تەممووزی ٢٠٢٣.
- ^ مێژووی کوردستان: پانۆڕامای مێژووی PKK (بە کوردیی)، نووسینی حەسەن جودی، نووسراو لە ١٩ی نیسانی ٢٠١٧؛ سەردان لە ١٠ی تەممووزی ٢٠٢٣.
- ^ ئاژانسی ھەواڵی فرات: پەژاک: تێکشکاندنی ھێڵی خیانەت خاوەنداریکردنە لە رێبازی شەھیدان (بە کوردی)، نووسراو لە ٥ی تشرینی دووەمی ٢٠٢٠؛ سەردان لە ١٠ی تەممووزی ٢٠٢٣.
- ^ ڕۆژنیوز: پژاک: تێکشکاندنی ھێڵی خیانەت، خاوەندارێتییە لە ڕێبازی شەھیدان (بە کوردی)، نووسراو لە ٥ی تشرینی دووەمی ٢٠٢٠؛ سەردان لە ١٠ی تەممووزی ٢٠٢٣.
- ^ ماڵپەڕی سوھەیلا وەحدەتبەنا: سەبارەت بە کار و کرداری پارتی ژیانی ئازادی کوردستان (پژاک)؛ گۆتوبێژ لەگەڵ ئاراس کاردۆخ، ئەندامی کۆدیناسیۆنی پژاک- بەشی دووھەم (بە فارسی)، نووسراو لە ٢٠ی ئایاری ٢٠١٠؛ سەردان لە ١٠ی تەممووزی ٢٠٢٣.
- ^ پارتی ژیانی ئازادی کوردستان: شەھید عاکیف مامۆ زاگرۆس: پێویستە ھەموو کەسێک بۆ پشتیوانی لە کامپەینی ئازادیی ڕێبەر ئاپۆ ھەستێتەوە (بە فارسی)، نووسراو لە ١ی ئازاری ٢٠٢١؛ سەردان لە ١٠ی تەممووزی ٢٠٢٣.
- ^ لەجڤەر: گەڕانەوەی پەڕەسێلکەکان؛ نامەیەکی بڵاونەکراو لە فەرزاد کەمانگەر (بە فارسی)، نووسراو لە ٨ی ئابی ٢٠١٠؛ سەردان لە ١٠ی تەممووزی ٢٠٢٣.
- ^ لەجڤەر: ئەم سەفەرە سەری دەیھەوێت و دڵێک (بە فارسی)، کۆکەرەوە شێرکۆ جیھانی ئەسڵ، ٢٠١٤؛ پپ ١٤٣-١٤٦؛ سەردان لە ١٠ی تەممووزی ٢٠٢٣.
- ^ سروەی ژیانبەخش: ھەڤال عاکیف مامۆ زاگرۆس (بە فارسی)، کۆمیتەی شەھیدەکانی پارتی ژیانی ئازادی کوردستان، ٢٠٢٢؛ سەردان لە ١٠ی تەممووزی ٢٠٢٣.