سێشەممان لەگەڵ مۆری
سێشەممان لەگەڵ مۆری (بە ئینگلیزی: Tuesdays with Morrie) یاداشتنامەیەکە، لەلایەن نووسەری ئەمریکی؛ میچ ئەڵبوم. چیڕۆکەکە دواتر کرایە فیلمێکی تەلەڤیزیۆنی بە ھەمان ناوەوە، لە دەرھێنانی میک جاکسن، کە لە ساڵی ١٩٩٩ پەخشکرا. کتێبێکە لە ڕیزی پێشەوە بوو لەنێو پڕفرۆشترین کتێبە ناخەیاڵییەکانی نیویۆرک تایمز لە ساڵی ٢٠٠٠. کتێبێکی دەنگیشی لێ بڵاوکرایەوە، کە تێیدا نووسەر بەدەنگی خۆی کتێبێکەی دەخوێندەوە، ھەر لەو کتێبە دەنگییە بەشێک لەو دەنگە تۆمارکراوانەش بەکارھاتبوون کە نووسەر لە کاتی چاوپێکەوتنەکانی لەگەڵ مۆری شوارتز تۆماری کردبوون.
 بەرگی پێشەوەی ڕۆمانی سێشەممان لەگەڵ مۆری | |
| نووسەر | میچ ئەڵبوم |
|---|---|
| وڵات | ویلایەتە یەکگرتووەکان |
| زمان | ئینگلیزی |
| چەشن | ژیاننامەیی، ڕۆمانی فەلسەفی، یاداشتنامە |
| بڵاوکەرەوە | دەبڵدەی |
ڕێکەوتی بڵاوبوونەوە | ١٩٩٧ |
| جۆری کتێب | چاپی بەرگڕەق، بەرگکاغەز |
| لاپەڕەکان | ١٩٢ |
| ژپنک (ISBN) | 0-385-48451-8 |
| OCLC | ٣٦١٣٠٧٢٩ |
| 378.1/2/092 B 21 | |
| LC Class | LD571.B418 S383 1997 |
پوختە
دەستکاریمیچ ئەڵبوم، ڕۆژنامەنووسی وەرزشی ئەو کاتانە دەگێڕێتەوە کە لەگەڵ پڕۆفیسۆرە ٧٨ ساڵییەکەی وانەی کۆمەڵناسی بەسەری بردبوون، بە ناوی مۆری شوارتز، لە زانکۆی براندایس، کە بەھۆی نەخۆشی ALS ەوە گیانی سپارد. ئەڵبوم، یەکێک لە قوتابییە کۆنەکانی مۆری شوارتز بوو، لەدوای دەرچوونی لە زانکۆ تا دوای ١٦ ساڵ مامۆستاکەی نەبینییەوە. سێ بەشی سەرەتای کتێبەکە، گەڕانەوەیەکە بۆ دواوە، تێیدا باسی دوایین گفتوگۆکانی زانکۆیان دەکەن، لەگەڵ باسی ئاھەنگی دەرچوونیان، و لەگەڵ ڕوواوەکانی پاش دەرچوونی ئەڵبوم لە زانکۆ تا پێکگەیشتنەوەی لەگەڵ مامۆستاکەەی.
ئەو لەڕێی بینینی مامۆستاکەی لە بەرنامەیەکی تەلەڤیزیۆنیدا بیری مامۆستاکەی دەکەوێتەوە و دەگەڕێتەوە بۆ لای، دوای یەکەم سەردانی بڕیاردەدات کە لەمەودواش سەردانی بکاتەوە، بەم شێوەیە زۆربەی ڕۆژانی سێشەممە سەردانی مامۆستاکەی دەکات، و ھەر جارەی لەسەر بابەتێک قسەدەکەن، کە بەنیازن کتێبێکیشی لەسەر دروست بکەن. لەم ماوەیەدا مۆری بەرەبەرە نەخۆشییەکەی زیاتر تێدا زاڵ دەبێت، لەبەرەوەش بە تێپەڕبوونی کات جووڵە و قسەکردن بۆی گرانتر دەبن. ئەوان ناو لەم وتووێژانە دەنێن «دوایین کۆرس».
وەرگێڕانی کوردی
دەستکاریئەم کتێبە بۆ چەندین زمان وەرگێڕدراوە، لەوانەش سێ جاران بۆ زمانی کوردی «سۆرانی»، جارێکیان لە ئینگلیزی لەلایەن جوتیار ژاژڵەیی وەرگێڕدراوە، لە ساڵی ٢٠١٤ لە ناوەندی ئەندێشە بڵاوکراوەتەوە. جارێکیشیان لەلایەن دڵشاد شارباژێڕی. پاشان لەلایەن زاھیر محەممەدەوە وەرگێڕدراوە.
سەرچاوەکان
دەستکاری- بەشداربووانی ویکیپیدیا، ««Tuesdays with Morrie»»، ویکیپیدیای ئینگلیزی. سەردان لە ١٥ی ئازاری ٢٠١٧.
