سۆفی عومەر
عومەر چەلیک (لە دایکبووی ١٩٦١ لە شەمزینان، باکووری کوردستان) ناسراو بە سۆفی عومەر کەسایەتیی بەناوبانگی کوردە کە لە بواری ھەڵپەڕکێی کوردیدا چالاکە و ڤیدیۆکانی لەسەر تۆڕە کۆمەڵایەتییەکان بینەری زۆر دەخوات.[١]
سۆفی عومەر | |
|---|---|
| لەدایکبوون | ١ی کانوونی دووەمی ١٩٦١ |
| نەتەوە | کورد |
| ناوەکانی تر | عومەر چەلیک (ناوی کاتی لەدایکبوون) |
| پیشە | ھەڵپەڕکێی کوردی، چالاکی تۆڕە کۆمەڵایەتییەکان، شوان (پێشدا) |
| چالاکبوون | ٢٠٠٠–ئێستا |
| ناسراوە بە | پڵنگی شایی |
| ئایین | ئیسلام (سوننە) |
| مناڵ(ەکان) | ٥ کوڕ، ٥ کچ |
| خێزان | دڵبەر (١٩٧٦–ئێستا) |
ژیاننامە
دەستکاریعومەر چەلیک بە سۆفی عومەر ناسراوە، چوونکە ڕیشی ھەیە و لە بنەماڵەیەکی سۆفییە. ساڵی ١٩٦١ لە گوندی بێتکارۆک لە قەزای شەمزینان لە باکووری کوردستان لەدایکبووە و لە ھۆزی گەردییە. تەمەنی ١٥ ساڵ بووە کە ژیانی ھاوژینی پێکھێناوە، ئێستا باوکی ٥ کوڕ و ٥ کچە. ئەو ھەر لە منداڵییەوە خۆی داوەتە شایی و ھەڵپەڕکێ و دەڵێت: «شوانی مەڕ بووم، بەبێ ساز و گۆرانی لەسەر یەک پێ هەڵپەڕکێم دەکرد». ئەوە ٢٠ ساڵە لە کاری ھەڵپەڕکێی دایە و بەردەوام دەچێتە شایییەکانی ناوچەکە.[١][٢] کارەکانی سۆفی عومەر لە تۆڕە کۆمەڵایەتییەکان دەنگی داوەتەوە، بەرھەمەکانی بینەرێکی زۆر دەخوات و چەندین ئیشی وەکوو چالێنج لەلایەن بەکارھێنەرانی تۆڕە کۆمەڵایەتییەکانەوە دەستنیشان کراوە.[٣] ھەروەھا لە بەرھەمێکدا لەگەڵ ئاگرین دڵشاد ھاوکاری کرد و لە ڤیدیۆی گۆرانییەکەدا خەریک بە ھەڵپەڕکێ بوو.[٤]
سەرچاوەکان
دەستکاری- ^ ئ ا «سۆفی عومەر، پڵنگەکەی شایی و هەڵپەڕکێ تیکتۆکی تەنیوە». تۆڕی میدیاییی ڕووداو. ١٨ی تشرینی یەکەمی ٢٠٢٠. لە ٢ی کانوونی دووەمی ٢٠٢١ ھێنراوە.
- ^ «سۆفی عومەر». ڕاپرسی. لە ٢ی کانوونی دووەمی ٢٠٢١ ھێنراوە.
{{cite web}}: ڕاگرتنی شێوازی سەرچاوەی ١: خاڵبەندیی زیادە (بەستەر) - ^ «هەڵپەڕکێی (سۆفی عومەر) دەبێتە چالێنج و هەموان دوبارەی دەکەنەوە». تۆڕی میدیاییی خەڵک. ٢١ی ئەیلوولی ٢٠٢٠. لە ڕەسەنەکە لە ٢ی کانوونی دووەمی ٢٠٢٢ ئەرشیڤ کراوە. لە ٢ی کانوونی دووەمی ٢٠٢١ ھێنراوە.
- ^ «ئاگرین دڵشاد لە بەرھەمێكی نوێدا لەگەڵ سۆفی عومەر دەردەكەوێت». کوردستان ٢٤.
{{cite web}}: پارامەتری نەناسراوی|ڕێکەوتب سەردان=چاوپۆشیی لێ کرا (یارمەتی)
