خولی پاڵەوانەکانی ئەورووپای ٢٠١٧-٢٠١٨
خولی یانە پاڵەوانەکانی ئەورووپا ٢٠١٧-١٨ وەرزی 63یەمین پاڵەوانێتی تۆپی پێی یانەکانی ئەورووپا بوو کە لەلایەن یوفا ڕێکخرابوو، و وەرزی 26 بوو لەو کاتەوەی ناوی لە جامی ئەورووپاوە گۆڕدرا بۆ خولی پاڵەوانەکانی ئەوروپا .یاری کۆتایی لە یاریگای ئۆلیمپیسکی لە شاری کیێڤی ئۆکرانیا لە نێوان پاڵەوانی بەرگریکاری ڕیاڵ مەدرید کە لە دوو وەرزی ڕابردوودا سەرکەوتنی بەدەستهێنابوو، و یانەی لیڤەرپوول ئەنجامدرا .[١] [٢] [٣] پێشتر هەردوو یانە لە یاریی کۆتاییی جامی ئەورووپای ١٩٨١ بەیەکتر گەیشتوون.لە گێمی یەکەم هەردوو یانە بەبێ گۆڵ یەکسان بوون بەڵام لە گێمی دووەم کەریم بێنزیما لە خوولەکی "٥١"گۆڵی یەکەمی بۆ ریال تۆمارکرد لە خوولەکی ٥٥ سادیۆ مانێ ئەنجامەکەی یەسان کردووە.پاشان گارێس بەیل بە تۆمارکردنی دوو گۆڵ لە خوولەکەکانی "٦٣"،"٨٣" جیاوازییەکەی زیاتر کرد و بە ئەنجامی ٣-١ یانەی ڕیال مەدرید نازناوەکەی بۆ جاری ١٣هەمین لە مێژوویدا ، سێیەمین جار لەسەر یەک بەدەستهێنا.[٤] وەک براوە، ڕیاڵ مەدرید وەک نوێنەری یەکێتی تۆپی پێی ئەورووپا سەرکەوت بۆ جامی جیهانیی یانەکانی 2018 لە ئیمارات، هەروەها مافی یاریکردنی بەدەستهێنا بەرامبەر براوەی خولی ئەورووپا 2017-18,کە ئەتلەتیکۆ مەدرید بوو , لە جام سوپەری ٢٠١٨ توانی نازناوەکە بەرێتەوە, سەرەڕای ئەوەش، دەبوو بە شێوەیەکی ئۆتۆماتیکی سەربکەون بۆ قۆناغی کۆمەڵەکانی خولی پاڵەوانەکانی ئەوروپا 2018-19 [٥] [٦] ئەم خولە بە تایبەتی کاریگەری بڕیارە مشتومڕاوییەکانی ناوبژیوانانی لەسەر بوو، وەک دوو لێدانی سزای ڕوون کە لە قۆناغی پێش کۆتاییدا بە یانەی ڕۆما نەدرا. ئەم مشتومڕانە لەنێو ئەو هۆکارانە بوون کە پاڵیان بە یوفا نا بۆ ناساندنی ڤار لە پێشبڕکێیەکەدا کە لە خولی پاڵەوانەکانی ئەوروپا 2018-19 دەستپێدەکات . [٧]کریستیانۆ ڕۆناڵدۆ یاریزانی ڕیال مەدرید بە تۆمارکردنی ١٥ گۆڵ لە پاڵەوانێتییەکە وەک گۆڵکار دەستنیشانکرا.[٨]
| خولی پاڵەوانەکانی ئەورووپای ٢٠١٧-٢٠١٨ | |
|---|---|
| وەرزی وەرزشەکانی خول یان پێشبڕکێ | خولی پاڵەوانەکانی ئەورووپا |
| کورتەناو | Τσάμπιονς Λιγκ 2017–18 |
| پۆلی پێشبڕکێ | تۆپی پێی پیاوان |
| وەرزش | تۆپی پێ |
| ژمارەی چاپ | 63 |
| ڕێکەوتی دەستپێکردن | ٢٧ی حوزەیرانی ٢٠١٧ |
| ڕێکەوتی کۆتاییھاتن | ٢٦ی ئایاری ٢٠١٨ |
| سەردەم | 2017-2018 one-year-period |
| ڕێکخەر | یەکێتیی تۆپی پێی ئەورووپا |
| براوە | یانەی تۆپی پێی ڕیال مەدرید |
| Statistical leader | کریستیانۆ ڕۆناڵدۆ، کیلۆر ناڤاس |
| یاریی کۆتاییی | یاریی کۆتاییی خولی پاڵەوانەکانی ئەورووپای ٢٠١٨ |
| وێبگە | https://www.uefa.com/uefachampionsleague/history/seasons/2018/ |
سەرچاوەکان
دەستکاری- ^ «Kyiv to host 2018 Champions League final». UEFA.com. Union of European Football Associations. ١٥ی ئەیلوولی ٢٠١٦.
- ^ «All you need to know about the Champions League final». UEFA.com. Union of European Football Associations. ٢ی ئایاری ٢٠١٨.
- ^ «Madrid v Liverpool: meet the Champions League finalists». UEFA.com. Union of European Football Associations. ٢ی ئایاری ٢٠١٨.
- ^ «Who is in the 2018/19 Champions League group stage?». UEFA.com. Union of European Football Associations. ٢٦ی ئایاری ٢٠١٨.
- ^ «Evolution of UEFA club competitions from 2018». UEFA.com. ٢٦ی ئابی ٢٠١٦.
- ^ «Who is in the 2018/19 Champions League group stage?». UEFA.com. ٢٦ی ئایاری ٢٠١٨.
- ^ «L'EUROPA INVOCA LA VAR: TUTTI GLI ERRORI E L'EVIDENZA DEI FATTI CONTRO L'IMMOBILISMO DELLA UEFA». ٣ی ئایاری ٢٠١٨.
- ^ «Champions Cup/Champions League Topscorers». www.rsssf.org. لە ٣١ی کانوونی یەکەمی ٢٠٢٣ ھێنراوە.
بەستەری دەرەکی
دەستکاری| کۆمنزی ویکیمیدیا، میدیای پەیوەندیدار بە خولی پاڵەوانەکانی ئەورووپای ٢٠١٧-٢٠١٨ تێدایە. |
- خولی یانە پاڵەوانەکانی ئەوروپا (ماڵپەڕی فەرمی)
