جەین ئۆستن
جەین ئۆستن (١٦ی کانوونی یەکەمی ١٧٧٥ – ١٨ی تەممووزی ١٨١٧) ڕۆماننووسێکی ئینگلیز بوو. جەین چەندین کتێبی خەیاڵی ڕۆمانسی لەسەر ژیانی کەسانی دەوڵەمەندی ئینگلتەرا نووسیوە و بەھۆی کارەکانی بوو بە یەکێک لە بەناوبانگترین و خۆشەویستترین نووسەرەکانی وێژەی ئینگلیزی.[١]
جەین ئۆستن | |
|---|---|
_hires.jpg) پۆرترەیتی جەین ئۆستن کە لەلایەن خوشکەکەی بەناوی کاساندرا کێشراوە لە نزیک ساڵی ١٨١٠ | |
| لەدایکبوون | 16ی کانوونی یەکەمی 1775 ھامپشایەر، ئینگلتەرا |
| مردن | ١٨ی تەممووزی ١٨١٧ (٤١ ساڵ ژیاوە) وینچستەر، ھامپشایەر، ئینگلتەرا |
| گۆڕ (گڵکۆ) | کڵێسای ھامپشایەر، ھامپشایەر، ئینگلتەرا |
| چەشن | نۆڤڵی ڕۆمانسی |
| واژوو |  |
کارەکانی ئۆستن دژ بەو بەرھەمە نووسراوانەی کۆتایی سەدەی ھەژدەھەم بوو بەھۆی زۆری دەربڕینی ھەست و سۆز تێیاندا و لە ئەنجامدا کارەکانی بوون بە بەشێک لە ھاتنەئاراوەی ڕیالیزمی لە سەدەی نۆزدەیەم.[٢] جەین لەسەر خەڵکی ئاسایی دەینووسی لە ژیانی ڕۆژانەدا و ئەمەش یەکەم خاسییەتی جیاکەرەوەی سەردەمیانەی وێژەی ئینگلیزی بوو.[٣] چیرۆکەکانی ئۆستن زۆرجار کۆمیدین بەڵام ھەروەھا ئەوە پیشان دەدەن کە چۆن ژنان پشتیان بە ھاوسەرگیری بەستووە بۆ ژیانیان و لایەنی ئابووری.[٤][٥]
جەین ئۆستن لە ١٦ی کانوونی یەکەمی ١٧٧٥ لە شاری ستیڤنتۆن لە نزیک باسینگستۆک لە دایک بووە.[٦] بە زۆری لەلایەن باوک و برا گەورەکانییەوە پەروەردە کراوە و لەگەڵ خوێندنەوەی خۆی و بەمشێوەیە ھەر لەگەڵ خێزانەکەی لە ستیڤنتۆن ژیاوە. دواتر چوونە شارێکی دیکە لەدوای ئەوەی باوکی خانەنشین بوو لە ساڵی ١٨٠١. دوای ئەوەی باوکی لە ساڵی ١٨٠٥ کۆچی دوایی کرد، جەین لەگەڵ دایکی مایەوە. ساڵی ١٨٠٩ لە چەوتۆن لە نزیک ھامپشایەر نیشتەجێ بوون. لە مانگی ئایاری ١٨١٧ دا، بۆ ئەوەی لە نزیک پزیشکەکەی بێت، چوو بۆ وینچێستەر. جەین ئۆستن لە ١٨ی تەممووزی ١٨١٧ ھەر لە وینچێستەر گیانی لەدەستدا.
جەین ئۆستن ھەرگیز قسەی لەسەر بلیمەتی خۆی نەدەکرد.[٦] تەنھا چوار لە ڕۆمانەکانی لەکاتێکدا کە لە ژیاندا بوو چاپ کران ئەوانیش بریتی بوون لە: مێشک و ھەست لە (١٨١١)، لەخۆبایی بوون و کینە (١٨١٣)، مانسفێڵد پارک (١٨١٤) و ئێما (١٨١٥). دوو ڕۆمانی دیکەی بە ناوەکانی نۆرسانگەر ئابی و قەناعەت پێکردن لە ساڵی ١٨١٧ دا لەلایەن ھێنری ئۆستنی برایەوە چاپ کران. قەناعەت پێکردن بە ماوەیەکی کەم پێش مردنی نووسرابوو. جەین ھەروەھا دوو کاری دیکەشی پێشتر نووسیوە بەناوەکانی خاتوو سوزان و ڕۆمانێکی تەواونەکراو بەناوی خێزانی واتسۆن. جەین ھەروەھا کاری لەسەر ڕۆمانێکی نوێ دەکرد بەناوی ساندیتۆن بەڵام پێش ئەوەی بتوانێت تەواوی بکات مرد. جەین ئۆستن لە ئێستادا نووسەرێکی گەورەی ناسراوە.
سەرچاوەکان
دەستکاری- ^ Southam, "Criticism, 1870–1940", The Jane Austen Companion, 102.
- ^ Litz, 3–14; Grundy, "Jane Austen and Literary Traditions", The Cambridge Companion to Jane Austen, 192-93; Waldron, "Critical Responses, Early", Jane Austen in Context, p. 83, 89–90; Duffy, "Criticism, 1814–1870", The Jane Austen Companion, 93–94.
- ^ «Jane Austen (English novelist) – Britannica Online Encyclopedia». britannica.com. لە ٣١ی ئایاری ٢٠١٠ ھێنراوە.
- ^ Litz, 142.
- ^ MacDonagh, 66–75; Collins, 160–161.
- ^ ئ ا Jones، Vivien (1996, 2003). Introduction to Pride and Prejudice. 80 Strand, London, WC2R ORL, England: Penguin Classics. ISBN 0-14-143951-3.
{{cite book}}: نرخەکانی ڕێکەوت بپشکنە لە:|date=(یارمەتی)ڕاگرتنی شێوازی سەرچاوەی ١: شوێن (بەستەر)
دەروازەی ژیاننامە
دەروازەی مێژوو
دەروازەی ژن
دەروازەی وێژە
دەروازەی شانشینی یەکگرتوو
دەروازەی ڕۆمانەکان
| کۆمنزی ویکیمیدیا، میدیای پەیوەندیدار بە جەین ئۆستن تێدایە. |