جۆرج ئەلراسی
جۆرج خەلیل ئەلراسی(لەدایکبووی ٢٩ی کانوونی دووەمی ١٩٨٠ -مردووی ٢٧ی ئابی ٢٠٢٢) گۆرانیبێژێکی لوبنانییە لە گوندی شێخ تەبا لە شاری عەککار لەدایکبووە، لە باوکێکی لوبنانی و دایکێکی سوری، خەڵکی شاری مەرمەریتایە، برای خانمەکتەرە نادین ئەلراسیە و ساندرین ئەلراسی ھاوسەرگیری لەگەڵ خانمە مۆدێلێکی بەڕازیلی کرد کە بە ڕەچەڵەک لوبنانی بوو بە ناوی جۆیل حاتم منداڵێکیان بوو بە ناوی «جۆ» دواتر جیابوونەوەیان ڕاگەیاند.[١]
| جۆرج ئەلراسی | |
|---|---|
| بە عەرەبی: جورج الرَّاسي | |
 | |
| لەدایکبوون | ٢٩ی کانوونی دووەمی ١٩٨٠ Cheikh Taba، لوبنان |
| مردن | ٢٧ی ئابی ٢٠٢٢ (٤٢ ساڵ ژیاوە) Masnaa Border Crossing، لوبنان |
| ناوی کاتی لەدایکبوون | جورج خليل الراسي |
| ھۆی مەرگ | ڕووداوی هاتووچۆ |
| خوشک و برا | نادین ئەلراسی |
| ھاوسەر | Joelle Hatem |
| زمانی زگماکی | زمانی عەرەبی |
| زمانەکانی ئاخاوتن | زمانی عەرەبی |
| پیشە | ئەکتەر، گۆرانیبێژ، نمایشکار، گۆرانینووس |
| دەستپێکی چالاکی | ١٩٩٥ |
| کۆتایی ساڵانی چالاکی | ١ی کانوونی دووەمی ٢٠٢٢ |
| ئامێری مۆسیقا | دەنگ |
| چەشن | مۆسیقای عەرەبی |
لەدایکبوون و ژیانی
دەستکاریجۆرج ئەلراسی لە بنەماڵەیەکی ھونەریدا لەدایکبووە، باوکی کە ھەمیشە ھانی دەدا، ژەنیاری عود بوو، دایکی ھەمان ھاندان و پاڵپشتی ھەبوو، وای لێکردبوو بتوانێت بەدواداچوون بۆ توانا دەنگی و ھونەرییەکانی بکات. یەکەم گرێبەست کە جۆرج ئەلراسی خەرجی کرد لە تەمەنی شازدە ساڵیدا بوو لەگەڵ یانەی «ئۆبسیۆن» بۆ ئەنجامدانی کۆنسێرتێکی ھونەری، بەو پێیەی دەرفەتی سەرەکی بوو بۆ ئەوەی خەڵکی بیناسێت.
سەرەتای زۆر سەخت بوو، گەشتە ڕاستەقینەکەی بە ھونەر لە ماڵی زەردەوە دەستی پێکرد، لەوێ لەلایەن ئاوازدانەری گەورە محەممەد جەمال ئەنبەر پەروەردە کرا، گۆرانییەکەی «لێم مەپرسە چۆن ئیرەیی دەبەم» سەرکەوتنی گەورەی بەدەستھێنا لەسەر ئاستی عەرەبی، و کۆمپانیای ماڵی زەرد یەکەم ئەلبوومی خۆی بەرھەمھێنا بە بوودجەی شێخ ئەحمەدی کوڕی نەشئەت ئەلعەنان.
جۆرج ئەلڕەسی لەنێو یانەکانی لوبنان لە نێوان «لا فۆرتینا» و «ئەلئیتلال» و چەندین شوێنی گەشتیاری «شانۆی سفرە» و فێستیڤاڵی یاسمین ناوبانگی دەرکرد، ئەمە جگە لەوەی بەشداری لە کۆنسێرتەکاندا کرد کە لە چەند ھۆتێلێکدا ڕێکخرابوو. جۆرج ئەلراسی لە ساڵی ١٩٩٥ چاوی بە ئاوازدانەری بەناوبانگ سەمیر قیبتی کەوت، تواناکانی جۆرج قەناعەتی بە سەمیر کرد کە ببێتە بەرھەمھێنەری خۆی، یەکەم بەرھەمی ئەم ھاوکارییە گۆرانی "کێ خۆشەویستەکەم کێ" بوو، دوای ئەوە ڕاھێنانی لەسەر دەستی مۆسیقاژەنی گەورە شاکر ئەلموجی کرد، لەوێ توانی بە ھاوکاری لەگەڵیدا ئەلبوومی "چیرۆک" بڵاوبکاتەوە زۆربەی گۆرانییەکانی پێش ئەو ئاوازیان بۆ دانراوە.[٢]
جۆرج ئەلراسی بۆ ھەوادارانی دەرکەوت، لەگەڵ سەباح گۆرانی وت، لە مانگی ئابدا لە فێستیڤاڵی میروبە.
جۆرج ئەلراسی دوای گرێبەستەکەی لەگەڵ یانەی «کارت بلانچ» بۆ ماوەیەکی بێسنوور لە ھۆتێل و یانە لوکسەکاندا ناسرابوو. ھەروەھا بۆ ئەو سەمیر قوپتی دووەم گۆرانی بۆ بەرھەمھێنا «کێ غەدری لە خۆشەویستی کردووە» بەرھەم ھێنا کە سەرکەوتنێکی گەورەی بەدەستھێنا. جۆرج توانی گرێبەست لەگەڵ ئیمی عەرەبی بکات بۆ لقی دووەمی لە لوبنان بۆ ئەوەی ڕێڕەوی ھونەری خۆی پەیڕەو بکات.[٣]
مردن
دەستکاریبەیانی ڕۆژی شەممە ٢٧ی ئابی ٢٠٢٢ لەسەر ڕێگای مەسنە لە ناوچەی بێقەع لە ڕۆژھەڵاتی لوبنان، لەسەر سنووری سووریا، تووشی ڕووداوێکی ھاتوچۆی بووە کە بەھۆیەوە کۆچی دوایی کرد[١]
سەرچاوەکان
دەستکاری- ^ ئ ا Sarkar، A. R. (٢٧ی ئابی ٢٠٢٢). «Georges Al Rassi Cause Of Death, How did George Al Rassi die?». Sarkariplans.com (بە ئینگلیزیی ئەمەریکایی). لە ڕەسەنەکە لە ٢٧ی ئابی ٢٠٢٢ ئەرشیڤ کراوە. لە ٢٨ی ئابی ٢٠٢٢ ھێنراوە.
- ^ «جورج الراسي». ليالينا (بە عەرەبی). لە ٢٨ی ئابی ٢٠٢٢ ھێنراوە.
- ^ «تفاصيل محاولة إغتيال جورج الراسي: من دفع للقتلة المأجورين؟!». LBCI Lebanon (بە عەرەبی). لە ٢٨ی ئابی ٢٠٢٢ ھێنراوە.
