تایلر سویفت
تایلر سویفت (بە ئینگلیزی: Taylor Alison Swift)، ناوی تەواوی (تایلەر ئەڵیسۆن سویفتە) و لە ١٣ی کانونی یەکەمی ١٩٨٩ لە پەنسلیڤانیا ی ئەمریکا لە دایکبووە، تایلەر سەرەتای منداڵی لە پەنسلیڤانیا بەسەربردوە، لە تەمەنی ١٤ ساڵیدا دەتوانین بڵێین سەرەتای درەوشانەوەی ئەستێرەی تایلەر بوو چونکە خێزانەکەی ئەڕۆن بۆ شاری ناشڤێل بۆ بەدەستھێنانی کار لە (Country music) تایلەر گۆرانی ئەوت لەگەڵ پێناسی سەربەخۆی (Big Machine Record)و تا ئێستاش کارکردنی لەگەڵ ئەم گروپە بەردەوامە و لەوکاتەدا بوو کە وەک گەنجترین گۆرانی نووس ھەڵبژێردرا لە لایەن گەورەترین کۆمپانیای بڵاوکراوەی موزیک بە ناوی (Sony/ATV Music publishing house).
تەیلۆر سویفت | |
|---|---|
_3.jpg) تەیلۆر سویفت لە خەڵاتی مۆسیقی (iHeartRadio) لە ئازاری ٢٠١٩. | |
| لەدایکبوون | تەیلۆر ئالیسن سویفت ١٣ی کانوونی یەکەمی ١٩٨٩ ریدینگ، پێنسیلڤەینیا، ئەمریکا. |
| پیشە |
|
| چالاکبوون | ٢٠٠٤-ئێستا |
| خزمەکان | ئۆستن سویفت (برا) |
| وێبگە | taylorswift |
سەرەتا لە ٢٠٠٤ وەک پێشکەشکار دەرکەوتووە بەڵام وازی لێھێناوەو لە ساڵی ٢٠٠٦ یەکەم ئەلبومی بڵاوکردەوە بەناوی (Our Song) پاشان بەرە بەرە ئەستێرەکەی بەرەو گەشانەوە دەچوو و لە ٢٠٠٨ دووەم ئەلبومی بەناوی (Fearless) دەرکرد و لە ٢٠٠٩ ڕیزبەندی پڕ فرۆشترین ئەلبومی ساڵی وەرگرت لە ساڵی ٢٠٠٨ خەڵاتی گرامیی وەک باشترین گۆرانیبێژی ساڵ وەرگرت. لە پاشاندا سێیەم ئەلبومی دەرکرد بەناوی (Speak Now) لە ٢٠١٠ لەم ئەلبومە تڕاکی سێھەم بەناوی Mean دووجار خەڵاتی (گرام) ی پێبەخشرا. پاشان لە ٢٠١٢ چوارھەم ئەلبومی بڵاوکردەوە بە ناوی (Red) کە ئەمەش ژمارەیەکی پێوانەیی لێ فرۆشرا. لە ٢٠١٤ش ئەلبومی ١٩٨٩ی بڵاوکردەوە کە ناوەکەی لە ساڵی لە دایکبونی خۆی ھاتووە و لە ماوەی ھەفتەیەک ٤ میلیۆن کۆپی لێ فرۆشرا و ھەنوکەش لە ڕیزی پڕفرۆشتینەکانە، ڤیدیۆ کلیپی (Bad Blood) لە یوتیوب پێوانەی زۆرترین بینراوی شکاند کە گەیاندیە ٢٠ میلیۆن لە ڕۆژێکدا و ڤیدیۆ کلیپی (Blank Space) بە خێراترین ڤیدیۆ دادەنرێ لە یوتیوبدا کە ژمارەی بینینەکانی لە ١ میلیارد تێپەڕاندە، ئەوەی جێی ئاماژەیە تایلەر پاش بڵاوبونەوەی ئەلبومەکانی کۆنسێرتێک بۆ گۆرانیەکانی ڕێک دەخات لە زۆربەی وڵاتان و ناوی ئەلبومەکە و گەشتی لێ دەنێ بۆ نمونە: (Tour 1989) تایلەر ھونەرمەندێکی خێرخواز و میھرەبانە و چەندین کاری خێرخوازی گەورەی کردوە. لە ٢٠١٤ تایلەر وەک پاڵێوراوی کەسایەتی ساڵ ھەڵبژێردرا.
بەشدارییەکان
دەستکاری- لە فیلم
- ساڵی ٢٠٠٩: Jonas Brothers: The 3D Concert Experience
- ساڵی ٢٠٠٩: Hannah Montana: The Movie
- ساڵی ٢٠١٠: ڕۆژی ڤالانتاین
- ساڵی ٢٠١٢: لۆراکس
- ساڵی ٢٠١٤: The Giver
- لە تەلەڤیزیۆن
- ساڵی ٢٠٠٩: CSI: Crime Scene Investigation
- ساڵی ٢٠٠٩ بۆ ٢٠١٥: Saturday Night Live
- ساڵی ٢٠١٣: New Girl
سەرچاوەکان
دەستکاری
دەروازەی ژیاننامە
دەروازەی ژن
دەروازەی مۆسیقا
دەروازەی ھۆڵیوود
دەروازەی ویلایەتە یەکگرتووەکانی ئەمریکا
دەروازەی فیلم
| کۆمنزی ویکیمیدیا، میدیای پەیوەندیدار بە تایلر سویفت تێدایە. |