تۆفیق ئەبوو نەعیم
تۆفیق عەبدوڵڵا سلێمان ئەبوو نەعیم (٥٥ ساڵ) لە مانگی کانوونی دووەمی ٢٠١٥ ەوە بەڕێوەبەری گشتی ھێزەکانی ئاسایشی ناوخۆیە لە غەززە.
ئەو یەکێکە لە سەرکردەکانی ئەو زیندانیانەی کە لە زیندانەکانی ئیسرائیل ڕزگاری بووە، ٢٢ ساڵ لەوێ بووە، و لە چوارچێوەی ڕێککەوتنی وەفائولئەحرار کە لە ساڵی ٢٠١١ لەلایەن بزووتنەوەی حەماسەوە ئەنجامدراوە، ڕزگاری بووە. دوای ئازادبوونی لە زیندان، ئەبوو نەعیم بڕوانامەی ماستەری لە عەقیدەی ئیسلامی بەدەستھێنا.
لە زیندان
دەستکاریئەبو نەعیم لە ١٤ی ئایاری ١٩٨٩ دەستگیرکرا و داگیرکەر سزای زیندانی ھەتاھەتایی بەسەردا سەپاند، ھەروەھا وەک یەکێک لە سەرکردە چالاکەکانی زیندانەکان بۆ چەندین ساڵ کاری کردووە، و ئەندامی ئەو گرووپەیە کە زیندانی ئازادکراو یەحیا سینوەر و ڕوحی موشتەھا سەر بەو کۆمەڵەن.
ھەوڵی تیرۆرکردن
دەستکاریپاشنیوەڕۆی ھەینی ٢٧ی تشرینی یەکەمی ٢٠١٧ ھەوڵێکی تیرۆرکردنی شکستی ھێنا، دوای ئەوەی ئۆتۆمبێلەکەی بۆردومانکرا کاتێک خەریک بوو دەرگاکەی بکاتەوە دوای ئەوەی نوێژی ھەینی بەجێھێشت لە مزگەوتی ئیحسان، تەنیشت پردی وادی غەززە لە تەنیشت مەدینەی زەھرا لە کەمپی نوسیرات لە ناوەندی شاری غەززە، کە لە ئەنجامدا تووشی برینێکی مامناوەند بوو.
