بۆسەی پارتی کرێکارانی کورستان لە ٢٤ی ئایاری ١٩٩٣
بۆسەی پارتی کرێکارانی کوردستان لە ٢٤ی ئایاری ١٩٩٣ ئەنجامدرا و سەربازە بێچەکەکانی سوپای تورکیای کردە ئامانج لە ڕێگای خێرای خارپێت-چەولیگ کە بووە ھۆی مردنی ٣٣ سەربازی تورکیا کە لە دەرەوەی ئەرکدا بوون و ٥ مەدەنی دیکە کوژران کە یەکەم پێشێلکاری پارتی کرێکارانی کوردستان بوو بەرامبەر ڕێککەوتنی ئاگربەست لەگەڵ حکوومەتی تورکیا. ھێرشەکە بە فەرمانی شەمدین ساکێک بووە سەرۆکی ناوچەیی پارتی کرێکارانی کوردستان، بەپێی ئیفادەی عەبدوڵڵا ئۆجەلان کە لە ساڵی ١٩٩٩دا باسی کردووە.[١][٢][٣]
| بۆسەی پارتی کرێکارانی کورستان لە ٢٤ی ئایاری ١٩٩٣ | |
|---|---|
 | |
| بەشێکە لە | ناکۆکیی تورکیا و پەکەکە |
| جێ | خارپێت |
| کاتی ڕوودان | ٢٤ی ئایاری ١٩٩٣ |
| چەک و تەقەمەنی | پی کەی ئێم، دراگونۆڤ |
| تاوانبار | پارتی کرێکارانی کوردستان |
پاشخانی مێژوویی
دەستکاریتورگوت ئۆزال سەرۆک کۆماری تورکیا لە کۆتایی ساڵی ١٩٩١ ھەوڵیدا بناغەکانی گفتوگۆ لەگەڵ پەکەکە دابمەزرێنێت. ناوبراو ئاماژەی بە ئەگەری گفتوگۆکردن لەسەر بیرۆکەی دروستکردنی یەکێتی کرد، ئەمە جگە لە کردنەوەی کەناڵێکی تەلەڤیزیۆنی کە بە زمانی کوردی پەخش دەکات. ھەروەھا پڕۆژە یاسایەکی دەرکرد، کە قەدەغەکردنی بەکارھێنانی زمانی کوردیی بە شێوەیەکی بەشەکی لابرد. لە بەرامبەر ئەم ھەوڵەدا، پەکەکە لە ٢٠ی ئازاری ١٩٩٣ ئاگربەستی ڕاگەیاند، بەڵام دوای مردنی تورگوت ئۆزال لە ١٧ی نیسانی ١٩٩٣، لە ١٩ی ئایاردا حکوومەت بە شێوەیەکی بەرچاو لە بەجێگەیاندنی داواکارییە سیاسییەکانی پەکەکە وەستا، کاتێک نزیکەی دەیان گەریلای لایەنگری شەمدین ساکێک کوژران، لە ھێرشێکدا کە لەلایەن سوپاوە بۆ سەر شارۆچکەی کولب دەستیپێکرد.[٤][٥][٦]
ھێرش
دەستکاریساکێک بڕیاریدا بە نیشاندانی ھێز وەڵام بداتەوە، بەمەش فەرمانی بە یەکەکانی حیزبەکە دا لە ئامەد کە لە ٢٤ی ئایاردا سەرجەم ڕێگا سەرەکییەکانی پارێزگاکە و ڕێگاکانی نزیکی دابخەن. لە نێو ئەم ڕێگایانەدا ڕێگای خێرای خارپێت-چەولیگ کە زیاتر لە ١٥٠ چەکداری پارتی کرێکارانی کوردستان بوونیان ھەبوو، کە لە شاخەکانی باشووری ڕۆژھەڵاتەوە ھاتبوون. شەڕڤانان فەرمانی کوشتنی ھەر فەرمانبەرێکی دەوڵەتیان پێدرا، لە چوارچێوەی ئەمەشدا پەکەکە چەند پاسێکی ڕاگرت کە سەربازانی بێ چەکیان بە جلوبەرگی مەدەنییەوە دەگواستەوە، دواتر ٣٣ سەرباز و ٥ ھاووڵاتی مەدەنی (لە نێویاندا چوار پرۆفیسۆر) لە ئۆتۆمبێلەکانیان دەرکران و کوژران. دوای ماوەیەکی کەم، پەکەکە ٢٢ سەربازی دەستگیرکرد، پێش ئەوەی ئۆپەراسیۆنەکانی فریاگوزاری تورکیا بتوانن ئازادیان بکەن. سوپا ڕەخنەی زۆری لێگیرا کە سەربازەکان بێ چەک بوون و ھیچ یەکەیەکیان نەبووە بیانپارێزێت.
ئاسەوارەکانی دوای کارەسات
دەستکاریئەم ھێرشە پێشێلکردنی ڕێککەوتنی ئاگربەست بوو لەلایەن پەکەکەوە کە لەگەڵ حکوومەتی تورکیا ئەنجامدرابوو، لە بەرامبەردا سوپای تورکیا ئۆپەراسیۆنەکانی دژە گەریلا لە چەند مانگی دواتردا لە دژی پەکەکە چڕترکردەوە. لە ئەنجامدا لە مانگەکانی ئایار و حوزەیران لە ئۆپەراسیۆنەکانی دژە گەریلادا بە گشتی ٩٢ ھێزی ئەمنی تورکیا و ٢٠٣ گەریلا و ٢٩ مەدەنی کوژران و ١٢٠ کوردی دیکەش لەم ئۆپەراسیۆنانەدا دەستگیرکران.
کوچوک زێکی، سەرۆکی پەکەکە لە مووش لەو کاتەدا، ھێرشەکەی بە خاڵی وەرچەرخان لە ململانێ بەردەوامەکاندا وەسف کرد، چونکە دەوڵەت ئۆپەراسیۆنەکانی دژی پەکەکەی چڕتر کردەوە و شەڕەکە وەرچەرخانێکی زۆر خراپتری بەخۆیەوە بینی.
سەرچاوەکان
دەستکاری- ^ http://www.aknews.com/en/aknews/9/193730/?AKmobile=true ٧ی تەممووزی ٢٠١١ لە وەیبەک مەشین، ئەرشیڤ کراوە.
- ^ https://web.archive.org/web/20070521002948/http://www.xs4all.nl/~kicadam/kurdistan/sakik.html
- ^ https://web.archive.org/web/20170612040405/http://timelines.ws/countries/KURDISTAN.HTML
- ^ https://web.archive.org/web/20200128005648/http://www.hurriyetdailynews.com/
- ^ https://web.archive.org/web/20120727161856/http://ww.kurdishacademy.org/?q=node/129
- ^ https://web.archive.org/web/20141007072902/http://rojbas1.files.wordpress.com/2011/10/aliza-marcus-blood-and-belief-the-pkk-and-the-kurdish-fight-for-independence-2009.pdf
