ئەڤین ئاسۆ
ئەڤین ئاسۆ (لەدایکبووی ٢٤ی کانوونی یەکەمی ١٩٨٦) خانمە پێشکەشکارێکی کوردە. پێشکەشکاری بەرنامەی تەلەڤزیۆنیی ئەڤین ژن و ژیانە.
ئەڤین ئاسۆ | |
|---|---|
| لەدایکبوون | ٢٤ی کانوونی یەکەمی ١٩٨٦ |
| نەتەوە | کورد |
| پیشە | پێشکەشکار |
| ئایین | ئیسلام |
| خزمەکان | چێواز (خوشک) لیناز (خوشک) |
ژیان
دەستکاریلە ساڵی ١٩٨٦ لە گەڕەکی دەرگەزێنی شاری سلێمانی لەدایکبووە، لە خوێندنگەی سورکێو کە تێیدا خوێندکار بووە کاری شانۆیی کردووە. باوکی ئەڤین ئاسۆ بەر لەوەی کۆچی دوایی بکات، لە شاری سلێمانی دوکانی دارتاشی ھەبووە و بە «وەستا ئاسۆ» بەناوبانگ بووە.[١] ئەڤین دوو خوشکی ھەیە بەناوەکانی چێواز و لیناز،[٢] چێواز ئێستا پێشکەشکارە لە کەناڵی نێت تیڤی.[٣]
چەند ساڵێک لەمەوبەر یەکەمین ئەزموونی پێشکەشکردنی لە ڕادیۆ و تەلەڤزیۆنی «پارێزگاران»ی پارتی پارێزگارانی کوردستانەوە دەست پێکرد، پاشان چووەتە ڕادیۆی نەوا و بۆ ماوەی زیاتر لە ساڵێک پێشکەشکاری سەرەکیی بەرنامەی «سروەی نەوا» و بەرپرسی ھاماھەنگیی بەرنامەکانی ئەو ڕادیۆیە بوو. دواتر دەچێتە کۆمپانیای ئارت، لە ڕێی کارەکانی ئەو کۆمپانیایە و دواتریش کەناڵ ٤ و بەرنامەکەی «ئەڤین ژن و ژیان»ەوە ناوبانگێکی زۆری پەیداکرد. ئەو بەرنامانەی تاکوو ئێستا کار و پێشکەشکاری تێدا کردوون بریتین لە (میڤان شۆ، چەرخ و فەلەک، من جیاوازم، تۆ نموونەی، میلیۆنێر، ئارامۆ شۆ، ئەڤین ژن و ژیان، میوانی ئەڤین)، تا ئێستا لە ھەریەکە لە کەناڵە ئاسمانییەکانی (زاگرۆس تیڤی، کۆڕەک، کەناڵ ٤، کوردماکس و نێت تیڤی) کاری کردووە.[٤]
سەرچاوەکان
دەستکاری- ^ بەوێنە.. بۆ یەکەمجار دایکی ئەڤین ئاسۆ ببینە، ماڵپەڕی خەندان، ٨ی ئایاری ٢٠١٧.
- ^ بەوێنە.. خوشکی بچوکی ئەڤین ئاسۆ دەردەکەوێتەوە، ماڵپەڕی سپیدمیدیا، ١٨ی ئەیلوولی ٢٠١٩ بڵاوکراوەتەوە.
- ^ خانمە پێشکەشکاری کورد چێواز ئاسۆ لە تۆڕی کۆمەڵایەتی ئینستاگرام ھەوادارانی سەرسام دەکات و ڤیدیۆیەکی خۆی بڵاوکردەوە بۆ یەکەم جار گۆرانی دەڵێت، ماڵپەڕی پرس میدیا[بەستەری مردوو]، نیسانی ٢٠٢٠ بڵاوکراوەتەوە.
- ^ 9 نھێنی لەسەر ژیانی ئەڤین ئاسۆ،، ماڵپەڕی ژیلەمۆ، ٢٩ی ئازاری ٢٠١٥ بڵاوکراوەتەوە.
